Спорт
Борна Чориќ за Топспорт: Лош тенис прикажав на Вимблдон
Ненад Живановски за Топспорт од Лондон,
Борна Чориќ, е најдобро пласираниот хрватски тенисер на АТП листата, заземајќи го 14-то место. По пауза од пет години, повторно настапи на Вимблдон, во меч кој почна во понеделник, а се заврши во среда. Во понеделникот дојде до прекин поради темница, во кој Борна губеше 0-2 во сетови од Аргентинецот Гуидо Пела, вторникот беше дожлив и мечот не се продолжи, за во среда да успее да се врати во игра, израмнувајќи на 2-2 во сетови. Сепак, немаше сили за целосен пресврт, така што беше поразен 3-2 (6-3, 7-5, 4-6, 3-6 и 6-1).
– Борна, добро се врати во мечот. После 2-0 во сетови, израмни на 2-2. Можеше ли нешто повеќе во петиот сет да направиш?
Чориќ: Можеше, сигурно дека можеше, да успеев да искористам неколку брејк топки. Кога имав предност за 2-2, сигурно можеше поинаку да се заврши, иако не сакам да зборувам што би било кога би било. Тука сме каде сме. Многу лоша сезона на трева изиграв. Единствено добро што имам изиграно во целата тревната сезона е денешниот четврти сет. Освен тој четврти сет, сè на Вимблдон и на претходните два турнира беше многу лошо. Нема оправдување, едноставно лош тенис играв.
– Дали прекинот на мечот во понеделник лошо влијаеше на твојата игра, бидејќи во моментот кога направи рибрејк, судијата го прекина мечот?
Чориќ: Не знам, тешко ми е да кажам. Добро го отворив мечот, но на битни моменти одиграв криминално лошо, под моето ниво, а Гуидо играше добро. Мислам дека прекинот во понеделникот дури и одеше во моја корист, бидејќи денеска изгубив еден сет, но потоа успеав да добијам два.
– Што се случи во петтиот сет за таков голем пад на фокусот? Четвртиот сет го одигра перфектно, и потоа тотално ти се распадна играта.
Чориќ: Едноставно Гуидо сè погаѓаше после многу раниот брејк во петтиот сет. Не знам што би рекол, противникот ми одигра добри ритерни. Всушност, јас и не играв толку лошо, но тој играше многу добро.
– Поради повреди, те немаше на Вимблдон од 2018 година. Може ли барем нешто позитивно да се најде во твоето годинешно учество?
Чориќ: Позитивно, единствено тоа што се вратив на Вимблдон после пет години, иако можеби би било подобро да не сум тука.
– Колку го пратиш тенисот во Хрватска и регионот? Хрватска оваа година имаше победник во јуниорска конкуренција на Ролан Гарос, а и минатата година јуниорски шампион на Вимблдон, исто така, беше Хрват.
Чориќ: Не само што го следам тенисот во Хрватска, јас и тренирам со сите тие дечки во Загреб или во Сплит. Го имаме Призмиќ и Пољичак. Призмиќ мислам дека до крајот на годината ќе биде меѓу 150-200 тенисери и следната година, ќе биде компетитивен за топ 100. Оваа година во вториот месец игравме во Дејвис купот, и дечкото навистина игра феноменално, одлично напредува, така што наскоро очекувам големи работи од него.
– Познат ли ти е најдобриот македонски тенисер Калин Ивановски?
Чориќ: Да се знаеме, тој тренира во Загреб и сме тренирале заедно неколку пати. Навистина тоа беше одамна, кога јас го оперирав рамото, но се надевам дека повторно ќе се сретнеме.
– Твојот имењак Борна Гојо, вчера, преку некои портали од регионот, распали против организаторот на Вимблдон. Дали навистина е толку лошо да се игра на Вимблдон кога ветерот дува?
Чориќ: Па, мислам дека директорот на турнирот нема премногу врска со ветерот кој дува и дождот. Борна Гојо е супер дечко, ние сме одлични пријатели. И јас исто играм лошо кога е силен ветерот, но тоа организаторот не може да го промени. Исто е за сите.
-А, неговите критики упатени кон Тенискиот сојуз на Хрватска и политичарите, кои се покрај вас да се сликаат само кога имате успех, но еден солиден тениски терен немаат направено каде би тренирале.
Чориќ: Не сум прочитал што Борна изјавил, но пак ќе повторам ние сме супер пријатели, тој е супер дечко. Дали може да биде подобро, сигурно дека може. Дали е толку лошо – не знам. Не сум премногу фокусиран на тие работи, не знам каква е состојбата во Хрватскиот тениски сојуз, но, имаме три-четири терени.
-Што после Вимблдон? Имаш ли план каде и како ќе ја започнеш американската турнеја?
Чориќ: Не можам сега да размислувам за тоа. На последните три турнири на трева изгубив уште во првото коло и единствено што сакам во моментов е да се вратам дома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ги казни Јамал и Левадовски, а го суспендира тренерот Флик
УЕФА донесе одлуки да казни неколку членови на Барселона за инциденти што се случија за време и по полуфиналниот натпревар од Лигата на шампионите против Интер во Милано.
Ламине Јамал и Роберт Левандовски се казнети со по 5.000 евра за прекршување на антидопинг прописите, додека главниот тренер Ханси Флик доби суспензија од еден натпревар и парична казна од 20.000 евра.
Јамал и Левандовски ги прекршија одредбите од членовите 21.8 и 21.10 од регулативите на УЕФА со тоа што не одговориле веднаш на повикот за контрола на допинг по завршувањето на натпреварот против Интер во Милано.
Според извештаите, тие не ги следеле упатствата на официјалниот контролор за контрола на допинг и не се јавиле веднаш на контролниот пункт, што е прекршување на антидопинг правилата. Комитетот за контрола, етика и дисциплина на УЕФА пресуди дека двајцата играчи прекршиле протокол што бара итна соработка со антидопинг властите.
Тренерот Ханси Флик и неговиот помошник Маркус Сорг исто така беа казнети за нивното однесување за време на истиот натпревар. И двајцата добија суспензија од еден натпревар во клупските натпреварувања на УЕФА и казни од по 20.000 евра за кршење на општите принципи на однесување и основните правила на пристојно однесување. Казните се однесуваат на гласните протести на Флик за време и по натпреварот, кога ги критикуваше одлуките на полскиот судија Шимон Марчињак.
Сите казни стапуваат на сила веднаш и ќе влијаат на првиот европски натпревар на Барселона во новата сезона. На Флик нема да му биде дозволено да го води тимот од клупата, што значи дека некој од тренерскиот персонал ќе ја преземе одговорноста.
Исто така, Барселона како клуб мора да плати дополнителни казни поради однесувањето на навивачите, 5.250 евра за фрлање предмети на теренот и 2.500 евра за палење пиротехнички средства за време на натпреварот против Интер.
Спорт
Витезе остана без лиценца, крај на приказна долга 133 години
Витезе дефинитивно остана без професионална лиценца, одлуката ја потврди судот во Утрехт. Со тој чин, вториот најстар клуб во Холандија исчезнува од професионалната фудбалска сцена по 133 години. Во Холандија, само Спарта од Ротердам е постара од Витезе.
Фудбалската асоцијација на Холандија и Комисијата за лиценцирање донесоа одлука да не му доделат лиценца на Витезе. Клубот поднесе жалба до судот, кој во својата одлука потврди дека асоцијацијата и комисијата ги почитувале правилата во процесот на донесување одлуки и дека нема основа за жалба.
Асоцијацијата и Комисијата за лиценцирање одбија да му издадат лиценца на Витезе бидејќи беше утврдено дека клубот ги заобиколувал правилата и „го поткопувал системот за лиценцирање“ неколку години.
„Витезе доби неколку можности, но не искористи ниту една од нив. Клубот не покажа никаков напредок“, изјави адвокатот на ФС Холандија пред судот.
Витезе се обиде да го убеди судијата дека ја обезбедиле иднината на клубот бидејќи локалните инвеститори ги презеле сите акции од претходните сопственици, а за конечното преземање на клубот се чекала одлука за лиценцата.
Објаснувајќи ја својата одлука за отфрлање на жалбата на Витезе, судијата изјави дека ништо не може да го поништи фактот дека клубот ги прекршил правилата претходно.
Оваа одлука стави крај на 133-годишната историја на Витезе, и затоа натпреварот од првото коло што Витезе требаше да го игра против Алмер Сити ќе биде откажан.
„Што ни носи иднината во моментов не е јасно. Ги истражуваме сите можности. Во меѓувреме, раководството на клубот, кое останува во преговори за акциите за да го обезбеди опстанокот на фудбалот во Архем“, соопшти клубот.
Витезе никогаш не бил шампион на Холандија. Тој го постигна својот најголем успех во 2017 година кога за прв пат го освои Купот на Холандија.
Спорт
Шкендија со „петарда“ ја почна одбраната на титулата
Фудбалерите на Шкендија надмоќно ја почнаа одбраната на титулата во Првата македонска фудбалска лига. Во првиот натпревар за сезоната 2025/2026, Шкендија со 5:1 го победи Шкупи.
Убедливата победа на Шкендија, на стартото од сезоната, не треба да претставува некое големо изненадување, бидејќи Шкупи во Тетово настапи со седум младинци во стартниот состав.
Ќе остане забележано дека првиот гол во новата сезона го постигна Рамадани во осмата минута. Шест минути подцна Хајвали го изедначи резултатот.
Во која насока ќе се одвива натпреварот беше јасно во 17.минута кога поради вториот жолт картон беше исклучен Рустеми.
Четири минути подоцна Шкуши преку Зејнулаи ја материјализираше предноста на теренот.
Во вториот дел Ибраими постигна два гола, а точка на натпреварот стави Љатифи во 83.минута.
Foto/ facebook.com/fcshkendija
Маск: Вештачката интелигенција ќе ги замени сите работни места, дури и моето
Илон Маск, извршен директор на „Тесла“ и еден од најбогатите луѓе во светот, издаде остро предупредување до секој што е...
Клиниките за Токсикологија, Неврологија и Кардиологија добија нови директори
Министерството за здравство информира дека се именувани нови в.д. директори во четири јавни здравствени установи. На Универзитетската клиника за токсикологија...
Објавено е што е подготвен Путин да направи
Русија и САД се обидуваат да постигнат договор што би ја запрел војната во Украина и би ја потврдил руската...
Крадци украле акумулатори и нанеле штета од над 10 милиони денари на ЈП за железничка инфрастрактура
Јавен обвинител од Основното јавно обвинителство Битола донесе наредба за спроведување истражна постапка против две лица за тешка кражба. За...
Убиство во Штип: пијан со нож ја избол мајка си во врат, па сам пријавил на 112
Основното јавно обвинителство соопшти детали за убиството во Штип што се случи утрово. Од таму велат дека против С.З. (54)...
Мицкоски: Карпалак е обврска да изградиме држава во која нема да има место за омраза и поделби
Слава за хероите од Карпалак. Нивното дело и пожртвуваност се памети, нивната храброст и одлучност се почитува, напиша на социјалните...
Одбележана 24-годишнината од загинувањето на десеттемина армиски припадници кај месноста Карпалак
Делегација од Министерството за одбрана и Генералштабот на Армијата, предводена од државниот секретар Елизабета Чуповска-Ристова и директорот на Генералштабот, бригаден...
Семејна заштеда и помал притисок за родителите: Дурмиши за поевтинувањето на училишниот прибор
Министерот за економија и труд, Бесар Дурмиши, денеска ја промовира новата владина мерка „Училишна кошничка“, насочена кон намалување на трошоците...
Надлежните со препораки до граѓаните поради најавата за температури до 39 степени во периодот до 13 август
Министерството за здравство информира дека, според најновата прогноза од Управата за хидрометеоролошки работи (УХМР), од 8 до 13 август 2025...
Четири цени за паркинг во Клинички, просторот ќе се прошири двојно
Министерот за здравство, Азир Алиу, информира дека во Клиничкиот центар ќе има четири различни влезови со различни ценовници за паркирање...
Израел се подготвува за целосна окупација на Појасот Газа
Израелскиот безбедносен кабинет го одобри планот на премиерот Бенјамин Нетанјаху за преземање воена контрола над Газа, што претставува нова голема...
Либанската влада го поддржа американскиот план, луѓето на Хезболах ја напуштија седницата
Министерот за информации на Либан објави дека владата ги одобрила целите на американскиот предлог за разоружување на Хезболах до крајот...
„Опен ВИ“ го претстави „Чат ГПТ 5“, дава поточни одговори за медицината, науката, финансиите
Компанијата „Опен АИ“ денес официјално го претстави својот долгонајавуван модел на вештачка интелигенција „ГПТ-5“, кој сега е достапен бесплатно за...
Германски државјанин протеран од државата: на натпреварот Шкендија-Карабаг во Скопје веел знаме „Голема Албанија“
По извршена идентификација и поднесена кривична пријава, Основното јавно обвинителство Скопје по итна постапка процесуираше државјанин на Германија за кривично...
Одложени активности на отворено: Министерството за здравство со препораки поради најавите за високи температури
Министерството за здравство информира дека во согласност со најновата прогноза од Управата за хидрометеоролошки работи (УХМР) во периодот од 8...
Забрана за движење во шумите до крајот на август, за прекршителите казна до 2.000 евра: Владата ја продолжи кризната состојба од 30 дена
На владината седница е донесена одлука за продолжување на кризната состојба во рок од 30 дена. Со ова продолжување, како...
Трговците да ги намалат цените на училишниот прибор пред почетокот на школската година, одлучи Владата
Владата на 100. седница донесе одлука и ги задолжи трговците да ги намалат цените на училишниот прибор од најмалку 10...
Две лица загинаа во сообраќајна несреќа кај Градско: со возилото излетале од патот
Вчера околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски...
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
