Спорт
(Видео) Арда Ѓулер на својата промоција и ги бришеше солзите на мајка си
Точно напладне „Кралскиот клуб“ на свечен начин и официјално го објави доаѓањето на турскиот тинејџер Арда Ѓулер (18) кој допатува од Фенербахче.
Според стариот добар обичај, кога Реал ќе го претставува нов играч, неговото семејство е присутно во свечената сала на стадионот „Сантијаго Бернабеу“.
Тој свечен чин не треба да се пропушти.
Во еден момент мајката на малиот Арда почна да плаче, долго време не можеше да ги задржи солзите, па мораше да интервенира нејзиниот син. Тој и ги избриша солзите од лицето.
Потоа и тој се збуни: го слушна своето име додека претседателот Флорентино Перез држеше говор, па му се придружи на говорницата иако уште требаше да чека на своето место – и така застана до првиот човек на клубот додека тој им се обраќаше на присутните.
Таа сцена слатко насмеа многу луѓе.
Miscommunication 😅| Arda Guler went on the stage before Florentino could finish his speech. pic.twitter.com/NeSTe04joh
— Real Madrid Info ³⁵ (@RMadridInfo) July 7, 2023
Арда во Мадрид, пристигна како фудбалско чудо што Реал има намера да го произведе во својата нова ѕвезда.
Времето работи за него. Со себе донесе неверојатен талент од Турција, а со заминувањето во Мадрид на својот поранешен клуб на име на трансферот му обезбеди близу 20 милиони евра.
– Guler with his mother, sister, father and Perez 🤍#RealMadrid #HalaMadrid #ArdaGuler pic.twitter.com/kp89baxOPw
— Football Nation (@SifaHub1) July 7, 2023
Арда Ѓулер од скоро е турски репрезентативец, веќе има постигнато гол за репрезентацијата, а во Реал првично ќе работи со вториот тим, Кастиља, а потоа во зависност од тоа како ќе напредува ќе му се приклучи на најсилниот тим.
На 18. годишна возраст, Арда е веќе голема ѕвезда во Турција: има 2,2 милиони следбеници на Инстаграм.
За Фенербахче настапи 51 пат, постигна девет гола и имаше 12 асистенции.
За турската репрезентација дебитираше во 2022 година на 17 години, а на 19 јуни стана најмладиот стрелец на репрезентацијата во историјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.