Фудбалерот на Фиорентина, Едоардо Бове изјави дека се чувствува добро и дека поддршката што ја добил од навивачите и соиграчите му помогнала да се опорави откако беше ставен во медицински индуцирана кома.

Бове колабираше на теренот за време на натпревар од италијанската Серија А против Интер на 1 декември.

„Во моменти како овие сфаќам колку е реален овој спорт и како сите сме поврзани, надвор од резултатите, конкуренцијата и ривалството. Поврзан со врска која, откако ќе се создаде, станува речиси нераскинлива“, напиша Боув на својот Инстаграм профил.

Бове излезе од болница во петокот, а доколку треба да му се вгради дефибрилатор, нема да може да продолжи да игра во Италија, бидејќи во таа земја е забрането играње со дефибрилатор.

„Поддршката што ја добив, топлината на навивачите, поддршката од соиграчите и противниците и близината на целиот фудбалски свет ми дадоа неверојатна сила и храброст. Окружен сум со позитивна енергија, која ми помага да останам смирен и да не ја чувствувам осаменоста што често доаѓа во овие ситуации“, додаде тој.

Бове, во случај да мора да му биде вгради дефибрилатор, би можел како Кристијан Ериксен да ја продолжи кариерата во англиската Премиер лига. За Фиорентина настапува како позајмен играч од Рома.

Барселона моментално е во резултатска криза во домашниот шампионат. Во последните пет натпревари во Примера, Каталонците забележаа само една победа. Блауграна синоќа доживеа сензационален пораз на домашен терен од Леганес (0:1).

Барселона остана на првото место, но сега ист број на бодови има и Атлетико Мадрид. Реал е на третото место со бод помналку, а треба да се истакне дека двата мадридски клуба имаат одиграно еден натпревар помалку.

Потенцијално поголем проблем за Каталонците е што се повреди нивниот главен играч, 17-годишниот Ламин Јамал. Од клубот преку официјални канали потврдија дека Шпанецот ќе биде надвор од терените околу еден месец, односно три до четири недели поради повреда на лигаментите на скочниот зглоб.

Ова е голем удар за Барселона, која во следното коло ќе игра против Атлетико Мадрид на домашен терен, а потоа следуваат натпреварите од Копа дел Реј против Унион и Суперкупот против Атлетик Билбао.

Јамал потенцијално би можел да се врати за натпреварот од Ла Лига против Хетафе, кој е закажан за 19 јануари 2025 година.

Новак Ѓоковиќ и Ник Кирјос заедно ќе играат двојки во Австралија. Ова го објави Кирјос на своите профили на социјалните мрежи.

Ѓоковиќ и Кирјос ќе настапат во дубл на турнирот во Бризбејн. Инаку, на овој турнир двајцата ќе играат и сингл.

Ова ќе биде прво вакво партнерство меѓу Србинот и Австралиецот по неколкугодишни најави откако ги надминаа сите несогласувања и станаа големи пријатели.

За потсетување, Новак ќе ја отвори новата сезона во Бризбејн, турнир кој почнува на 29 декември, а ќе се загрева и во сингл и во двојки за Австралија опен, кој почнува на 12 јануари.

Од друга страна, тоа ќе биде прв турнир за Кирјос по долго време. Тој паузира повеќе од една година поради разни повреди.