Македонија
Влада: Имаме 100% активна транспарентност и во 2023 година, заедно со Министерството за одбрана
Владата на Република Северна Македонија преку соопштение посочи дека и оваа 2023 година бележи максимална 100-процентна активна транспарентност на европските стандарди во државата, по патот на европските интеграции.
„Истражувањето за Индексот на активна транспарентност на институциите, што редовно го спроведува невладиното здружение Центар за граѓански комуникации покажува дека и во 2023 година, како и во 2022 година, Владата има 100 проценти, односно ги објавува сите предвидени информации од активната транспарентност.
Стопроцентна активна транспарентност годинава одржува и Министерството за одбрана.
Подобрена е севкупната активна транспарентност на Владата и министерствата којашто годинава изнесува 86 проценти.
При тоа, високо ниво на активна транспарентност, е регистрирана кај голем дел од министерствата како кај Министерството за финансии, Министерството за труд и социјална политика, Министерството за земјоделство, шумарство и водостопанство, Министерството за економија, Министерство за транспорт и врски и други“, велат од Владата.
Според нив, податоците од истражувањето на Центарот за граѓански комуникации за активната транспарентност на Владата и министерствата покажуваат фискална транспарентност, подобра информираност на граѓаните и компаниите како јавните институции ги наменуваат средствата собрани од даноците, јасна определеност кон борбата против корупцијата, а сето ова ја зголемува довербата во институциите и влијае на економскиот раст.
„Транспарентноста и отчетноста се еден од темелите на коишто е поставена Владата и ќе продолжиме да работиме фокусирано за европски квалитет на услуги и живот во нашата држава“, дополнуваат од Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претежно сончево со мала локална облачност, температури до 40 степени
Претежно сончево со мала локална облачност и многу топло со слаб до умерен северен ветер. Минималната температура ќе биде во интервал од 14 до 21, а максималната ќе достигне од 34 до 40 степени. UV=9
Во Скопје сончево и многу топло со мала облачност и со слаб ветер од северен правец. Минималната температура ќе се спушти до 19, а максималната ќе достигне до 40 степени.
Нашето подрачје и понатаму ќе биде под влијание на многу топла воздушна маса од југ поради што времето ќе биде претежно сончево и натпросечно топло. Утринската температура наместа нема да се спушта под 20 степени, а максималната дневна насекаде ќе биде над 30, а наместа и 40 степени. Недела попладне ќе услови за локална појава на пороен дожд, грмежи и засилен ветер.
Македонија
Зголемена фреквенција за излез од државата, се чека околу 45 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини Богородица, Дојран, Меџитлија и Табановце има зголемена фреквенција за излез од државата, времето на чекање е околу 30 – 45 минути.
На останатите гранични премини од македонска страна, нема подолги задржувања за влез и излез од државата.
Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост – влез во Богданци, сметано од 24.06.2024 година ќе биде поставен времен режим на сообраќај.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Посебен режим на сообраќај во Скопје денеска и утре
Денеска и утре, по повод верскиот празник Задушница, Единицата за безбедност на патниот сообраќај при СВР Скопје ќе преземе мерки за посебен режим на сообраќајот.
Имено, од 6 часот денеска и утре, сообраќајот кон Градските гробишта „Бутел“ ќе се одвива во една насока (кружно), односно сите возила ќе се упатуваат по улицата Бутелска, лево по улицата Александар Урдаревски, лево по улицата Боца Иванова и десно до влезот на гробишта „Бутел“, а за излез од гробиштата десно по улицата Боца Иванова до кружниот тек на улицата Бутелска, па лево по улицата Бутелска и десно по улицата Кемал Сејфула.
Посебен режим на сообраќај ќе се воведе и во околината на гробишта „Камник“ и во Ѓорче Петров. МВР апелира до граѓаните да ги почитуваат наредбите што ги издаваат полициските службеници на сообраќајниците опфатени со посебниот режим на сообраќај.