Регион
„Не разговарав со Зеленски, за што да зборувам?“ рече Милановиќ од Литванија
Хрватсккиот претседател Зоран Милановиќ од самитот на НАТО во Литванија рече дека имал многу средби на кои разговарал за важни прашања, како на пример за Косово или БиХ, но и зошто Албанија, Македонија и Црна Гора чекаат толку долго пред вратата на ЕУ.
Тој рече дека е јасно дека украинскиот претседател Володимир Зеленски е незадоволен од пораките на НАТО затоа што очекувал повеќе, но не затоа што некој ветил нешто повеќе, бидејќи не ветил“.
На прашањето дали разговарал со Зеленски, Милановиќ одговори: „Не. За што?“ праша Милановиќ и додаде дека му е жал за она низ што минуваат луѓето во Украина.
За Зеленски рече и дека ја следи неговата кариера.
„Играме опасна игра, ако Украина беше поканета во НАТО, тоа ќе беше објава на војна против Русија. Очигледно сакаме да го избегнеме тоа и така ќе остане засега“, рече Милановиќ и додаде дека се воздржал од изјави на таа тема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Познат британски новинар и водител исчезна во Грција
Доктор Мајкл Мозли (67), британски телевизиски новинар, продуцент и водител на БиБиСи од 1985 година, исчезна на грчките острови, јавуваат локалните медиуми.
Новинарот е познат по тоа што се појавува во телевизиски програми како „This Morning“ и „The One Show“, а води и емисија за здравство на БиБиСи.
Неговото исчезнување беше објавено на локална група на Фејсбук, пренесува „Скај њуз“.
„Тимот за пребарување и спасување доаѓа од Атина со беспилотни летала и друга пософистицирана опрема за да помогне во пребарувањето. Се очекува да пристигн“, се додава.
Регион
Силен земјотрес ја погоди Турција
Земјотрес од 4,3 степени според Рихтеровата скала ја погоди источната Турција денес, јавува Европскиот медитерански сеизмолошки институт (ЕМСЦ).
Земјотресот се случи на длабочина од осум километри.
Епицентарот на земјотресот бил 32 километра југоисточно од градот Малатија, во кој живеат повеќе од 400.000 жители.
Засега нема податоци за можна материјална штета.
Регион
„Сè уште мислам дека не е сè така и дека детето е продадено, ќе видиме како ќе биде до крај“: таткото на осомничениот за убиството на малата Данка Илиќ
Радослав Драгијевиќ, таткото на осомничениот Дејан, беше изненаден од сведочењето на Срѓан Јанковиќ, кој е поврзан со убиството на Данка Илиќ (2). Јанковиќ во Вишото јавно обвинителство во Заечар изјави дека никогаш не го видел девојчето ниту го убил.
„Со денови не сум дома. Само што дојдов, бев отсутен поради обврски. Многу сум болен и времето го поминувам посетувајќи лекари. Не сум запознаен што кажа, сега го слушам. Па што сега, тој сака да пренесе сè за да го направи мојот син затвореник до крајот на животот. Ќе видиме како ќе биде до крај. Сè уште мислам дека не е се така и дека детето е продадено“, изјави Радослав Драгијевиќ, кој беше уапсен за соучесништво во делото затоа што помогнал телото на девојчето да се пренесе од депонијата на друга локација и по притворот, кој истече на 29 мај, беше пуштен да се брани со слобода.
Ова тешко злосторство за кое се мислеше дека вчера го има својот епилог се чини дека секој ден добива поинакви размери поради новите и сосема контрадикторни изјави на оние што би можеле да бидат виновни за сè, пишуваат медиумите во соседството.
Драгијевиќ се бранеше во притвор со молчење, дури побара и изземање на првичниот бранител, сега го наведува фактот дека не е виновен, дека не знае ништо за ова и дека детето најверојатно е продадено. И Срѓан Јанковиќ се бранеше со молчење повеќе од два месеца, а кога реши да зборува и да изнесе сè што знае за ова кривично дело и можеби да ја реши двомесечната агонија, рече дека никогаш не го видел девојчето ниту, пак, го удрил со службниот автомобил, во кој, како што вели, нема знаци, ниту докази дека автомобилот бил оштетен од удар. За случајот со малата Данка Илиќ не се чувствува ниту виновен ниту има гризење на совеста.
„Повлекувам сè што сум кажал во полиција, секоја моја изјава“, рекол Јанковиќ во Обвинителството.
Според написите во медиумите, ниту изјавите на мајката не се усогласени, па како ќе се одвива сето тоа, ќе покаже текот на истрагата, со која сè уште детаљно се занимава ВЈТ во Заечар.