Македонија
Нов АСНОМ: Балистот си доби име на улица во Чаир, ДУИ ја возвишува идејата за голема Албанија
![](https://makfax.com.mk/wp-content/uploads/2022/06/ali-ahmeti.jpg)
Нов АСНОМ најостро ги осудува, како што велат, албанската политичка партија ДУИ и нејзиниот градоначалник Висар Ганиу за именувањето улица според нацистичкиот соработник Сул Хотла.
Ваквиот чин, според оваа партија, е возвишување на идејата за голема Албанија и значи рехабилитација на нацифашизмот во Македонија.
„Ова е само еден чекор од серијата каде што се оживуваат нацистичките албански колаборатори, кои се бореа за голема Албанија колејќи ги слободоумните Македонци, на сметка на територијата на Република Македонија. Ваквиот чин на албанската политичка партија ДУИ во Република Македонија е уште една потврда дека тие се изворот на меѓуетничка нетрпеливост и се генератори за продлабочување на јазот помеѓу заедниците во Македонија, но и сериозна закана за мирот и стабилноста на нашата земја. Од друга страна, ова е потврда дека Рамковниот договор не е база за стабилност на државата и државниот апарат изграден врз база на истиот договор, практично е нефункционален. Чуму постои Министерството за политички систем и односи меѓу заедниците, кое е водено од ДУИ, кога имаме глорификација на нацифашистите, кои го продлабочуваат етничкиот јаз во земјата?“, прашуваат од Нов АСНОМ.
Бараат одговори и на други прашања: „Каде се сега т.н. наши стратешки партнери, САД, Мисијата на ЕУ и другите да реагираат на оваа глорификација на нацифашизмот во Македонија? Дали молчат зашто ја имаат целосната поддршка на ДУИ?“
Според нив, уште полош е фактот дека најголемите политички партии СДСМ и ВМРО-ДПМНЕ кротко си ќутат на ваквите антимакедонски чекори на ДУИ.
„Владее чувството дека и СДСМ и ВМРО-ДПМНЕ молчат не сакајќи да ја вознемират ДУИ знаејќи дека токму во ДУИ се тие што ги избираат нив за партнери во оваа нефункционална рамковна Влада.
Молкот на нашите стратешки партнери, САД, Мисијата на ЕУ, Германија, како и на СДСМ и ВМРО-ДМПНЕ, значи само поддршка на ваквите чекори на ДУИ“, истакнуваат од партијата.
Нов АСНОМ, како што додаваат, никогаш нема да прифати балистите да имаат свои обележја во Република Македонија знаејќи дека тие обележја се антимакедонски, се на сметка на нашата земја, а се во корист за идејата на голема Албанија.
Ова, како што оценуваат, е уште една потврда дека рамковната Македонија е мртва и дека ние Македонците треба да си ја вратиме Република Македонија во наши раце, каде што секој граѓанин ќе има еднакви можности за просперитетен живот во здрава животна средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Возачот не е повреден а заглавениот камион е извлечен, соопшти ЦУК
![](https://makfax.com.mk/wp-content/uploads/2023/02/policija-2.jpg)
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
![](https://makfax.com.mk/wp-content/uploads/2021/06/85020985.jpg)
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.
Македонија
ЦУК: Падна карпа на булеварот „Никола Карев“ после влезот на касарната „Илинден“, во Скопје
![](https://makfax.com.mk/wp-content/uploads/2024/06/Screenshot-2024-06-27-214830.jpg)
Преку единственствениот повикувачки број за итни случаи 112 во ЦУК била добиена пријава за падната карпа на булеварот „Никола Карев“ после влезот на Касарна „Илинден“, во Скопје.
„Регионалниот ЦУК Скопје известува дека веднаш ги информирале надлежните од Град Скопје за итниот случај, по што ќе превземе мерки Градот преку своите служби“, соопштија од центарот.