Свет
Орбан: Мир ќе завладее веднаш ако тоа го сакаат Американците
Конфликтот во Украина ќе заврши веднаш штом тоа го посакаат САД бидејќи Украина го загуби својот суверенитет, изјави унгарскиот премиер, Виктор Орбан.
„Мирот ќе завладее веднаш ако тоа го сакаат Американците. А зошто Американците не го сакаат тоа, тоа е прашањето за кое размислува целиот свет. Украина, всушност, го загуби својот суверенитет – нема пари, нема воена индустрија, нема сопствен воен производствен капацитет. Украина добива пари главно од САД, воени ресурси и од Американците и Западот“, истакнува Орбан.
Како што додава, ако во Вашингтон рекле дека сакаат мир кога повикувале на прекин на огнот и преговори, „тоа би се случило следното утро“.
„Ниту на самитот на НАТО не добивме одговор зошто Американците не го сакаат тоа“, изјави Орбан за радиото „Кошут“.
Претходно, Орбан рече дека мирот во Украина може да се постигне само по преговорите меѓу Русија и САД, а Европа ја пропушти шансата да биде посредник бидејќи не успеа да обезбеди спроведување на договорите од Минск.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Меѓународниот суд на правдата побара апсење на Нетанјаху за наводни воени злосторства
Меѓународниот суд на правдата побара налог за апсење на израелскиот премиер Бенјамин Нетанјаху за наводни воени злосторства, објави Ројтерс.
„Постојат разумни основи да се верува дека израелскиот премиер Нетанјаху сноси кривична одговорност за воени злосторства и злосторства против човештвото“, рече обвинителот на Меѓународниот суд на правдата.
Регион
Таткото на осомничениот за убиството на Данка Илиќ излегува на слобода
Радослав Драгијевиќ (70), татко на Дејан Драгијевиќ (50), кој заедно со неговиот колега Срѓан Јанковиќ (50) е осомничен за убиството на двегодишната Данка Илиќ од Бор, двомесечниот притвор во кој беше задржан за кривичното дело помагање на сторителот завршува на 29 мај по стореното кривично дело, а на крајот на мај ќе биде пуштен на слобода, објави српски „Блиц“.
Како што изјавиле за „Блиц“ од Вишото јавно обвинителство Заечар, за ова кривично дело нема законска можност за продолжување на притворот, а се очекува Радослав Драгијевиќ да биде ослободен на 29 мај.
Од обвинителството известиле дека ќе предложат и продолжување на притворот за главните осомничени Дејан Драгијевиќ и Срѓан Јанковиќ.
Данка Илиќ беше убиена на 26 март годинава. За тоа дело се осомничени Дејан Драгијевиќ од Злот и Срѓан Јанковиќ од Лука, двајцата работници на ЈКП „Водовод“ Бор, кои се во притвор.
Во полиција беше приведен и братот на Дејан, Далибор Драгијевиќ, кој почина во полициската станица во Бор.
Свет
Јужна Кореја го забрани пристапот до видео во кое се велича Ким Џонг-ун како голем лидер
Јужнокорејскиот медиумски регулатор денеска соопшти дека го забранува пристапот до севернокорејското пропагандно музичко видео за кое се вели дека „го идолизира и велича“ севернокорејскиот лидер Ким Џонг Ун како „пријателски татко“ и „голем водач“.
Регулаторот рече дека одлуката за забрана на видеото дошла откако властите на разузнавачката агенција побарале да се провери дали видеото го прекршило јужнокорејскиот закон.
Видеото стана хит на социјалните мрежи ширум светот, бидејќи беше поставено како краток клип на ТикТок и други платформи, објави Ројтерс.