Црна хроника
Скопјанец украл електричен тротинет, а при претрес во неговиот дом пронајдени пушка и муниција

На 13.7.2023, полициски службеници од Полициската станица Гази Баба го лишиле од слобода Ј. Ф. (24) од Скопје поради тоа што управувал електричен велосипед за кој постоело сомнение дека потекнува од кривично дело кражба.
Со него бил извршен службен разговор во кој признал уште едно дело кражба, при што на 9.7.2023 на булеварот Никола Карев одзел електричен тротинет, а електричниот велосипед му бил вратен на сопственикот.
Подоцна, со судска наредба, бил извршен претрес во домот на Ј. Ф., при што биле пронајдени и одземени ловечка пушка, повеќе ловечки патрони, рамка за пиштол и други делови за пиштол. По целосно документирање на случајот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Земале пари за патни трошоци а не патувале: кривична против десет полициски службеници од ЕБР

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција – Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување’’ казниво по член 353 од Кривичниот законик.
Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари.
Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност, соопшти полицијата.
Црна хроника
Ја демнел поранешната партнерка и упатувал закани кон неа и нејзиното дете

СВР Штип поднесе кривична пријава против В.М.(38) од Кочани.
Тој се сомничи за сторено кривично дело „демнење“.
После прекинувањето на врската, пријавениот продолжил телефонски да ја вознемирува неговата поранешна партнерка и да и испраќа пораки на неа и на нејзиното дете.
Црна хроника
Скопјанец со нож ` се заканувал на сопругата

Полициски службеници од СВР Скопје вчера во 17.40 часот во Скопје го лишиле од слобода П.Ј.(45) од Скопје, постапувајќи по претходна пријава дека во семејниот дом на подрачјето на Кисела Вода, со остар предмет упатувал закани на неговата 40-годишна сопруга.
Тој бил во бракоразводна постапка со жената.
По целосно документирање на случајот ќе следува соодветна пријава, соопшти полицијата.