Македонија
Сите „борби“ на Арсовска – од министер до метач
„Време е да се одбере – празни ветувања или способни и исполнителни личности кои нема да потпаднат под политички притисоци и нема да се откажат од својата визија“ – рече Данела Арсовска кога ја поднесе својата кандидатура за градоначалник на град Скопје. Таа го победи својот против-кандидат, Петре Шилегов на локалните избори во 2021 со речиси 30 илјади гласови плус.
Набрзо по стапувањето на функцијата, одржа брифинг со новинарите на кој рече дека постојано е мета на закани. Се пожали дека одредени луѓе ѝ се закануваат за да им бидат простени криминали и злоупотреби, но не кажа кои се тие. На прашањето дали пријавила во полиција, таа одговори: „Каде да пријавам? Таму каде што треба да пријавам јас сум си пријавила. Ако треба да пријавувам закани, секој ден, по цел ден ќе треба да бидам во полиција“.
11 месеци соработуваше со градоначалниците од општините, како и директорите од ВМРО-ДПМНЕ. Заедно одеа на започнување на нови проекти, реконструкција на стари или увид во веќе започнати. Лидерот на ВМРО-ДПМНЕ, Мицкоски, дури ветуваше проекти во нејзино име. Па така, најавуваше дека биле во преговори со светски компании за набавка на 100 електрични автобуси за Скопје, а една од компаниите сакала да отвори и фабрика за производство на автобуси во главниот град.
Големиот пресврт се случи на 12 септември лани, кога Арсовска го разреши директорот на Водовод, Златко Перински, поради, како што рече, самоволие и несоодветно постапување за милионски тендер за пречистителната станица во Скопје. По 3 дена на седницата за советнички прашања скопската градоначалничка и советниците кои се поддржуваа и фалеа, сега се караа и навредуваа. Се обвинуваа меѓусебно за провизии од тендерот од 136 милиони евра. „Кога ви го фатив рачето во медот не ви чинам. На вашиот шпицен градоначалник сакам да му кажам да се бореше против власта и штетните договори ќе ја спасеше Македонија. Нека не ми се заканува, нека дојде”, рече Арсовска.
По разрешувањето на Перински, сите директори од ВМРО-ДПМНЕ самите си поднесоа оставки од функциите, а Данела стави кадри од ГРОМ, припадници на „огнените“ и други политички партии. Фотелјата ја напушти и заменик-градоначалничката на Град Скопје, Бујаре Абази, од Алијанса за Албанците, а на нејзино место дојде Александар Трајановски кој на секое излегување на говорница ги навредува советниците доколку упатат критика кон Арсовска.
„Драма“ имаше и со претседателот на советот, Трајко Славески. Откако му го укина копчето за вклучување и исклучување на тонот од говорница, тој на сите им нареди да зборуваат од место. Потоа Арсовска со поставен подвижен микрофон отиде на говорницата и му рече на Славески дека е Хитлер и крадец. „Господине Хитлер не ви доликува ова што го правите. Вие го кршите деловникот и сте крадец. Немате никаков интегритет”, рече Арсовска. Тој и рече да седи во „магарешка клупа“ и ја прекина седницата.
Оттогаш Арсовска ретко се појавува на седниците на Град Скопје, а кога доаѓа, од говорница редовно употребува метафори и се кара со присутните. На последната седница на која беше дојдена, на советничката од СДСМ, Љубица Јанчева и рече „вие ако се уличарка, ние не мора овде да ве трпиме“, а за Мицкоски рече дека е „рекет број 1“.
Градоначалничката се искара и со претставниците на Асоцијацијата на архитекти на Македонија, проектантите на Универзална сала и со министерката за култура Бисера Костадиновска-Стојчевска. На прес-конференцијата на која требаше да се бара чаре за Универзална, при доаѓањето, на поздравот од министерката Костадиновска-Стојчевска за добредојде, Арсовска ѝ рече „За разлика од вас на нас не ни е страв да дојдеме на покана“. Објектот на Универзална се распаѓа седум години. Реконструкцијата ја започна Шилегов и требаше да оди во две фази, а за првата Владата му даде на Градот 2 милиони евра. Градежните работи ги стопираше Данела бидејќи проектот бил небезбеден, а советниците не дадоа согласност објектот да се предаде на Владата за да го санира.
Арсовска не сакаше да го преземе парното во Скопје. Откако регулаторната комисија ја одзеде лиценцата на БЕГ, на распишаниот оглас за преземање на топловодната мрежа не се пријави „Градски енергетски системи“ (ГЕС) – акционерско друштво кое го формираше претходниот градоначалник токму за оваа намена. Парното го преземе државната ЕСМ, а министерот за економија, Крешник Бектеши, рече дека Арсовска нема капацитет да го реши проблемот. Таа, пак, му возврати: „Ако треба да бидам и министер за економија, Бектеши нека си даде оставка. Да потсетам, министерот кој се сликаше со дониран зејтин кој не можеше сам да го обезбеди, нема право да зборува за туѓа способност“. АД ГЕС лани во август остана без вработени бидејќи сите три месеци не земале плата. Се очекува на следниот состанок акционерите да донесат одлука за престанок со работа.
Арсовска се скара и со приватните превозници кои 7 месеци не возеа поради долг од 1,5 милиони евра. На почетокот, Арсовска не го признаваше долгот, а бидејќи приватниците не возеа им ги раскина договорите. Директорите на „Слобода превоз“ и „Макескпрес“ не ги примаше на преговори, па тие со денови ги блокираа трите главни крстосници во Скопје. Тогаш Ленин Јовановски, кој и даваше поддршка за време на целата камапања рече: Бев измамен од човек кој што многу перфидно умее да излаже, да заведе и да ти даде лажна надеж. Признавам дека сум изманипулиран и тоа на начин кој им поминува на психопатите. Арсовска бегаше од медиумите со недели, а откако се појави во јавноста рече „Градот Скопје може и без приватни превозници.“ Потоа формирани беа три нови фирми. Со новите директори таа се договори и откако долгот им го исплати тие се пријавија на огласите и повторно со своите стари и нееколошки автобуси сообраќаат низ скопските булевари.
На еден ден прекинаа да возат и автобусите на ЈСП затоа што им доцнеше една плата. Тогаш беше свикана итна седница на која се пренаменија средства и платите на возачите им беа префрлени.
Веќе следниот ден, синдикатот на Водовод најави штрајк затоа што директорот им се заканувал на вработените и им вршел мобинг и притисоци. Најавија штрајк доколку не биде сменет, односно се заканија дека нема да ги поправаат дефектите. Додека течеше помирувачкиот процес, Арсовска го разреши директорот.
Таа го разреши и директорот на МКЦ, Богоев, и го обвини дека ангажирал противзаконски 250 лица како хоноррарци, од кои повеќето биле блиски до ВМРО-ДПМНЕ. „Има и над 90 договори за времено ангажирање на шанкери на кои им биле исплаќани од 300 до 750 евра на месец“, изјави Арсовска. На негово место постави детектив, а Управниот суд пресуди дека назначувањето било незаконско. „Лицето Никола Алексов никогаш не било вработено во Јавната установа Младински културен центар- Скопје што значи дека не бил од редот на вработените за да може да биде избран за вршител на должност директор.“, рекоа од Управен.
Данела се скара и со деканот на градежен, Горан Марковски, кој рече дека мостот Беласица е сериозно оштетен и ќе треба многу време за да се поправи и да биде безбден за користење. „Тој го видел мостот од 50 метри мостот, болен од ковид“, рече Арсовска минатиот месец и најави дека следната недела мостот ќе биде пуштен. Сепак, најоптимистичките најави се дека по Беласица ќе се вози од есен.
Последни во низата се вработените во Комуналец, кои Арсовска ги нарече мафијаши. Од претрпијатието се избракани 70-ина лица за една недела бидејќи земале плата, а не доаѓале на работа. „Откривме луѓе што се во Германија пет години, а примале плата. Некој си ужива и чека џепарлак да му дојде секој први, во месецот, од тоа што е пријавен во некое јавно претпријатие, рече таа. На прес-конференцијата не кажа имиња, оти тоа било личен податок, но документи поднела до МВР и јавното обвинителство. Вчера и од двете институции демантираа дека е поднесена таква пријава.
На последната анкета на ИРИ, само 1% од граѓаните рекле дека се задоволни во целост од работата на скопската градоначалничка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски за тендерот за униформите: Се фокусиравме на квалитетот и цената, нема неправилности
Министерот за внатрешни работи, Панче Тошковски, реагира на обвинувањата за тендерот за униформите за припадниците на полицијата, велејќи дека постапката била предмет на задолжителна управна контрола од Бирото за јавни набавки, при што не биле најдени никакви неправилности.
По обвинувањата од опозициската СДСМ дека тендерот го добиле две фирми, од кои едната со двајца вработени, а другата отворена 20 дена пред постапката, Тошковски образложи дека нивната логика е поттикнување на конкуренцијата и фер пристап.
Премногу строги критериуми, вели Тошковски, често ги елиминираат малите и средни претпријатија, кои во Македонија се најконкурентни и често можат да понудат најдобри цени. Наша цел, додава министерот, е да добиеме најдобар квалитет по најповолна цена, а тоа го постигнуваме со овозможување на поширок круг на понудувачи.
„Законот за јавни набавки не предвидува исклучување на фирма само поради тоа што е новорегистрирана или има помал број вработени и ние целосно постапуваме согласно неговите одредби“, дециден е Тошковски.
Министерот појасни и дека МВР нема склучено договор за директна, еднократна исплата на наведената сума одеднаш, туку склучена е рамковна спогодба која претставува максимална вредност за набавки во наредните три години. Самата рамковна спогодба, вели тој, не предизвикува директна финансиска обврска за Министерството, односно финансиски обврски се преземаат само кога ќе има реална потреба и се склучуваат посебни, поединечни договори за конкретни нарачки, со динамика на испорака според потребите.
„Наместо само на историјат на понудувачите, ние се фокусиравме на она што е најважно, реалниот квалитет на производот. Затоа, клучните услови беа задолжителна достава на мостри и лабораториски анализи. Секој понудувач мораше да достави примероци од униформите и делови од униформа, а мострите беа предмет на лабораториски анализи и испитувања од независни акредитирани лаборатории. Важно е да се нагласи и дека техничките спецификации за униформите и нивните делови се уредени со Правилник кој е јавно објавен во Службен весник. Тоа значи дека тие се стандардизирани и нема можност за какво било влијание врз нивната содржина, што обезбедува еднаков пристап за сите економски оператори“, се вели во реакцијата.
Покрај квалитетот, како што се додава, клучен фактор е и цената. Анализата покажала дека разликата помеѓу највисоката и најниската понудена цена во постапката е 14,4 отсто за дел 1 и 27,9 отсто за дел 2 од набавката, што ја потврдува конкурентноста на тендерот и добиените поволни цени.
Во врска со тоа дека обвинувањата доаѓаат од СДСМ, Тошковски рече дека токму тие што ги оставија полицајците без униформи, принудени сами да си крпат, шијат или позајмуваат делови од пензионирани колеги имаат образ да зборуваат за наводни криминални тендери.
Македонија
Таравари контра Фетаи: Неговата група брои помалку од 40 луѓе кои чувствуваат вознемиреност и вина
Претседателот на Алијансата за Албанците, Арбен Таравари ја коментираше прес-конференцијата на неговите поранешни партиски соборци кои јавно денес излегоа со став дека остануваат во Влен, и не се согласуваат со неговите политики.
Таравари вели дека тоа е група од помалку од 40 луѓе на Арбен Фетаи (претходно го разреши од партиската функција), а чувствуваат мешавина од вознемиреност и вина.
„Анксиозноста е најлошото чувство кое човек го доживува…особено кога е измешано со чувство на вина! Продолжуваме помирно и посигурно од кога било кон Октомвриската победа која е блиску…многу блиску!“, пишува Арбен Таравари, претседател на Алијансата за Албанците.
Ставот на неговите поранешни сопартијци е дека Албанците сакаат да продолжи промената, а не враќање на старото, по најавите на Таравари за соработка и со ДУИ на претстојните локални избори.
Македонија
Албанците сакаат продолжување на промената, а не враќање на старото, велат неистомислениците на Таравари од Алијансата
Го слушнавме нашето членство. Се сретнавме со нашите активисти во секој град – од Липково до Струга. И пораката е јасна: Албанците сакаат продолжување на промената, а не враќање на старото. Ова беше истакнато на денешната прес-конференција на некогашните соработници на Арбен Тараври од Алијансата за Албанците, кои не се согласија со одлуката да ја напушти Владата.
На прес-конференцијата зборуваше ексминистерот од Алијансата, Азир Алиу, а присутен беше и Арбен Фетаи, којшто Таравари вчера го разреши од партиските структури.
Тие не се согласуваат со поличкиот правец кој го зазема Таравари, најавувајќи соработка и со ДУИ за претстојните локални избори.
„Во овој турбулентен политички период, кога стариот режим ги прави последните обиди да ја затемни надежта за промени, ние избравме да не реагираме брзо. Слеговме на терен, ги слушавме нашите активисти, разговаравме со партнерите и размислувавме – со смиреност и одговорност“, рече Алиу.
Оваа група од веќе поделената Алијанса, смета дека земјата има потреба од стабилност, развој, одговорно владеење и од Алијанса која нема да ja предаде довербата добиена од граѓаните. Тврди дека се залага за одговорност, а не поради лични интереси и целта е да не ја напуштат битката на половина пат.
Велат дека Алијансата не е создадена да биде ничија алатка. Таа е создадена да биде глас на граѓаните, промените, и еднаквоста.
На пресот беше истакнато дека денешната влада е постабилна од кога било, посветена на реформите и решена за интеграција. Алијансата за Албанците, како што додадоа, има клучна улога во овој процес, и тие нема да се откажат од таа мисија.
„Во однос на половичните состаноци на ограноците што се нарекуваат „партиски конгреси“ и кои шират поделби и етикетирања – тие не го претставуваат духот, ниту пак статутот на Алијансата. Изразуваме разочарување за навредите упатени кон албанската младина и жената во име на Алијансата, но нашата одговорност е да не го изгубиме правецот дури и кога другите се деградираат“, беше истаканато.
Додаваат дека ќе продолжат како рамноправен партнер во коалицијата ВЛЕН, со иста професионалност и посветеност – служејќи им на граѓаните со чест и решителност.
Крилото на Арбен Таравари во Алијансата за Албанците, претходно го разреши Арбен Фетаи од функцијата претседател на партиското собрание. Таравари изјави дека се исклучени и некои членови на Претседателството кои јавно се изјаснуваат против Алијансата за Албанците. Се работи за 8 од 46 членови. За Мимоза Муса, Таравари рече дека не е донесена одлука оти не е јасно дефинирано дали останува со Алијансата за Албанците, или со Влен.
Алкалоид-АЕК нема да се игра вечерва – Грците под закана од своите навивачи одбија да излезат на теренот
Финалниот реванш во ЕХФ купот меѓу Алкалоид и АЕК не започна. Грчките ракометари одбија да излезат на теренот во арената...
Тошковски за тендерот за униформите: Се фокусиравме на квалитетот и цената, нема неправилности
Министерот за внатрешни работи, Панче Тошковски, реагира на обвинувањата за тендерот за униформите за припадниците на полицијата, велејќи дека постапката била...
Албанците сакаат продолжување на промената, а не враќање на старото, велат неистомислениците на Таравари од Алијансата
Го слушнавме нашето членство. Се сретнавме со нашите активисти во секој град – од Липково до Струга. И пораката е...
Во сообраќајката кај Момин Поток загинаа полковникот Стефан Ивановски и Ана Нешовска од Министерството за одбрана
Поранешниот припадник на „Волците“, полковникот Стефан Ивановски и Ана Нешовска раководителка на военото разузнавање, вработена во Министерството за одбрана се лицата кои...
Арсовска најави фељтон: Спречивме над 150 незаконски обиди да се легализират дивоградби, ќе објавуваме едно по едно
Од понеделник ви најавувам фељтон, во кој ќе ги објавуваме едно по едно сите од наша страна констатирани и спречени...
Демолирана и ограбена обложувалница во Чаир, одземени сеф и осум кеш бокса, МВР трага по сторителот
Грабеж се случил ноќта кон саботата во обложувалница во скопски Чаир во периодот од 00.18 до 04.40 часот, според информацијата...
(Видео) СДСМ обвинува: Со сомнителен тендер од 4 милиони евра ќе се шијат униформи во МВР, едната од фирмите регистрирана 20 дена пред тендерот
Социјалдемократскиот сојуз на Македонија обвини дека во Министрството за внатрешни работи бил распишан сомнителен тендер во вредност од речиси 4...
Затвореници од Идризово барале 1.200 евра месечно од мајка на осуденик за да не и’ го малтретираат синот, и’ испраќале и насилни видеа
Скопјани од Идризово уценувале мајка на затвореник да им даде пари за да и’ го штитат синот. МВР за случајот...
Арсовска во лов на дивоградби: Во Чаир затекнавме работници платени да скријат дупка, оштетени сe булевар, водовод и кабли за струја
Градоначалничката Данела Арсовка им порача на Владата и на МВР да не филозофираат многу и да се фатат за работа...
(Видео) Филмскиот фестивал во Кан заврши, Златната палма ја доби ирански филм
Филмот „Тоа беше само несреќа“ (It Was Just an Accident) на иранскиот режисер Џафар Панахи ја освои Златната палма, главната...
Израелци на протест побараа од владата да преговара со Хамас и да ги ослободи заложниците
Стотици луѓе синоќа протестираа во Тел Авив, повикувајќи на прекин на војната во Газа и итно ослободување на преостанатите заложници...
Светските берзи паднаа поради заканата на Трамп за ЕУ
На светските берзи цените на акциите паднаа минатата недела бидејќи инвеститорите беа загрижени за намалувањето на кредитниот рејтинг на САД,...
Во Кочани се одржа седмиот марш на ангелите, родителите со порака: „Нашиот молк нема да трае долго“
„Моќта на луѓето е посилна од луѓето што се на моќ“, „Не чекајте катастрофа, дејствувајте сега“, „Ефективен притвор”, „Секој може...
Да не се делиме пред надворешните фактори – Мицкоски повика на единство
Денес, кога нашиот народ стои пред нови предизвици, кога светот се обидува да нè дефинира и објаснува, мисијата на Свети...
Возач загина на експресниот пат Прилеп-Градско – удрил во ограда, па уште еден камион излетал од патот
Тешка несреќа по која животот го загуби 42-годишен маж од Крива Паланка се случи синоќа околу 22.30 часот на експресниот пат...
Познат идентитетот на загинатите кај Момин Поток: 47-годишен маж и 32-годишна скојанка го загубија животот во несреќата
Четирисет и седумгодишниот С.И. и неговата 32-годишна сопатничка А.Н. се загинатите во тешката сообраќајна несреќа што се случи вчера помеѓу...
Обвинителството незадоволно од одлуката за куќен притвор за Нино Васев и Нехат Нухи за Онкологија, поднесе жалба
Скопското обвинителство вложи жалба на решението со кое Основниот кривичен суд Скопје определи мерка куќен притвор на поранешниот директор на Клиниката...
Сослушување на семејствата на загинатите во Кочани, ќе бидат повикани и да се приклучат кон кривичниот прогон
Јавните обвинители кои постапуваат во истрагата во врска со пожарот во кочанската дискотека „Пулс” почнуваат да сослушуваат претставници на семејствата...
Зошто Филипче е изземен од случајот Онкологија, прашува ВМРО-ДПМНЕ
Судиите и обвинителите се клиентелисти на СДСМ кои ги штитат политичките криминалци, велат од ВМРО-ДПМНЕ утрово преку соопштение, прашувајќи зошто...
Мицкоски: На достоинствен начин продолжуваме да го негуваме животот и делото на светите браќа Кирил и Методиј
На достоинствен начин продолжуваме да го негуваме животот и делото на светите браќа Кирил и Методиј, нивната благородна мисија обединува...
