Спорт
Алкараз: Горд сум што победив, Ѓоковиќ ми беше инспирација
Голема борба го одбележа финалето, а по натпреварот Карлос Алкараз им се обрати на навивачите на централниот терен на Вимблдон.
– Ова е остварување на сонот за мене. Прекрасно е да се победи, но и да загубев, ќе бев горд на себе. За мене е чест да напишам историја на овој турнир, да играм во финалето против легенда. Сонот ми се оствари. Да се игра на ова ниво е неверојатно за момче кое стигнало таму толку брзо. Горд сум на себе, на тимот што го имам со мене. Работата што ја вложуваме секој ден за да ја оствариме, изјави шампионот Карлос Алкараз.
Тој имаше само пофални зборови за Новак Ѓоковиќ.
– По првиот сет помислив „мора да го подигнеш нивото на својата игра Карлос, сите ќе се разочараат“… Морам уште еднаш да му честитам на Новак. Неверојатно е да се игра против него. Тој ме инспирира. Почнав да играм тенис гледајќи го него. Кога се родив, веќе победуваше на турнеи, додаде Алкараз.
Тој е горд на фактот што кралот Фелипе го бодреше од трибините.
– За мене е многу посебно да играм пред кралското семејство на Шпанија. Многу сум горд што ме поддржа Фелипе, рече со насмевка Шпанецот.
Иако шпанските играчи се сметаат за особено добри на земјена подлога, Алкараз изјави дека тревата му е омилена од денес.
– Само што се заљубив во тревата. Неверојатно е, не очекував игра на ова ниво. Одиграв само четири турнири на трева. Сонот ми се оствари. Брзо учат и затоа сум горд.
Со освојувањето на титулата, Алкараз влезе во клубот од четвртфиналистот, а ќе има посебни привилегии кога станува збор за набавка на билети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.