Европа
(Видео) Во Грција беснеат пожари, наредена евакуација : горат куќи во Лагониси, критично околу Лутраки
![](https://makfax.com.mk/wp-content/uploads/2023/07/грција.jpg)
Пожарникарите, спасувачките екипи и армијата во Грција се обидуваат да ги локализираат пожарите кои избувнаа на повеќе локации.
Според локалните медиуми, ситуацијата е неизвесна околу Лутраки, а драматична во Лагониси, каде пожарот наводно зафатил и куќи.
Според првите информации, наредена е евакуација од одредени области. Се замолуваат граѓаните и туристите од Лагониси да се упатат во правец на Атина. Надлежните велат дека пожарот почнал да се шири кон блиската Саронида и дека огнот повеќе не е под контрола.
🇬🇷 _||~🔥〰️✈️💦 GREECE A major forest fire fanned by strong winds is underway near #Athens in #Greece. Evacuation orders have been issued in several seaside areas #φωτια #Πυρκαγια #wildfire pic.twitter.com/Y8OyED28Je https://t.co/FhP8jpMk2E
— A Deniz Ekşioğlu (@_AD_CHANEL6) July 17, 2023
Пожар зафати шума кај Лутраки, повеќе од 50 пожарникари со 20 возила се на терен. Во гаснењето на пожарите се вклучени и канадери и хеликоптери.
Засега е издадена наредба да се започне со евакуација на областите Калитеа, Пефки и Ирини каде пожарот зафати и куќи.
Заменик-регионалниот гувернер на Коринт, Харилаос Витиниотис истакна дека приоритет е евакуацијата на кампот каде има околу 800 деца.
Децата од кампот, како што пренесуваат локалните медиуми, се префрлени во затворената гимназија Лутраки.
Пожарот му го одзеде животот на мојот братучед во Лутраки, изјави за protothema.gr жител на областа кој видел како гори куќата на неговиот роднина.
„Куќата беше на мојот вујко и беше целосно изгорена“, рече тој и додаде дека чекаат пожарникарите да пристигнат на местото на настанот.
„Пожарот помина низ куќите, ништо не остана“, вели тој.
„Загубата беше тотална, изгубивме што имавме и што немавме“.
Куќата изгоре, а спасена е само малата црква, додаде тој.
„Сопственикот бил на Крит на одмор и неговиот внук го известил за тоа што се случило, човекот се расплакал“, додал тој.
На друго место, во Катунистра, Панајотис Хакорас спиел со сопругата кога пожарот дошол на 50 метри од нивnata куќа.
Тој се жали дека противпожарните возила се појавиле доцна.
„Цела населба изгоре и не се виде ниту едно противпожарно возило, по еден час дојде хеликоптерот“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Германската полиција уби навивач кој со секира влегол во фан-зоната на Европско првенство (ВИДЕО)
![](https://makfax.com.mk/wp-content/uploads/2024/06/germanija.jpg)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.
Европа
Без пратеници Роми остана Европскиот парламент
![](https://makfax.com.mk/wp-content/uploads/2022/04/evropski-parlament.jpg)
Со приближно 10 до 12 милиони жители во Европа, од кои околу шест милиони живеат во ЕУ, Ромите се едно од најбројните европски етнички малцинства. Сепак, во новиот состав на Европскиот парламент, избран минатата недела, првпат по 2004 година нема ниту еден европратеник припадник на ромската заедница.
Еден од најгласните застапници за правата на Ромите во Европскиот парламент досега беше Интергрупата за антирасизам и различности (АРДИ), чии цели се промовирање на расната еднаквост и информирање за проблемите со кои се соочуваат малцинствата. Без претставници на Ромите во ова тело, постои стравување од потенцијално поместување на приоритетите, како и намалување на сфаќањето на вистинските предизвици со кои се соочува ромската заедница.
Вклучувањето на претставниците на Ромите во процесот на одлучување би овозможил посеопфатно разбирање за потребите на заедницата, која има тешка историја низ целиот европски континент. Припадниците на ромската заедница се соочуваат со дискриминација низ цела Европа – 68 отсто од Ромите предвремено го напуштаат образовниот систем, а 80 проценти од нив живеат под прагот на сиромаштија.
Ваквите предизвици се вкоренети во стотиците години систематски предрасуди и социјална исклученост, кои продолжуваат да се одржуваат дури и до денес.
Една од земјите со процентуално најголема застапеност на Ромите во ЕУ е Романија. Според официјалните статистичките податоци 2,99 проценти од жителите на Романија се Роми, но според ромските организации реалната стапка на припадници на ромската заедница во земјата надминува осум отсто од вкупното население. Но, меѓу кандидатите за европратеници од Романија немаше ниту еден Ром, што е уште еден доказ за маргинализација на ромската заедница во земјата.
За споредба, унгарското малцинство кое сочинува 5,25 отсто од населението, освои два од вкупно 33-цата романски европратеници.
Отсуството на ромски кандидати за европратеници може да се припише на предизвиците со кои се соочуваат Ромите во политичкото мобилизирање, како поради систематското угнетување кое го одржува циклусот на сиромаштија во заедницата, така и поради бројните стереотипи кои ги спречуваат гласачите да се одлучат за ромските партии.