Европа
Летните топлотни бранови би можеле да ги променат туристичките навики
Летниот топлотен бран и натпросечните високи температури во јужна Европа би можеле да предизвикаат трајни промени во туристичките навики бидејќи повеќе туристи би можеле да се одлучат за поладни дестинации или да одат на одмор во пролет или есен, предвидуваат туристичките организации и експерти.
Податоците на Европската комисија за патувања покажуваат дека бројот на луѓе што планираат јунски одмор на Медитеранот веќе е намален 10 отсто во споредба со минатата година, пренесува „Ројтерс“.
Значителен пораст на интересот бележат туристичките дестинации, како Чешка, Данска, Ирска и Бугарија.
„Очекуваме дека непредвидливите временски услови во иднина ќе имаат поголемо влијание врз изборот на туристичка дестинација“, изјави Мигел Санз, првиот човек на ЕТЦ, пренесува „Танјуг“.
Извештајот на Комисијата исто така покажува дека моментно 7,6 отсто од патниците сметаат дека екстремните временски услови се главната грижа за организирање патувања меѓу јуни и ноември.
Анита Елшој и нејзиниот сопруг, кои се вратија дома во Норвешка од нивното омилено место за одмор Вазанела, село северно од Рим, една недела порано од планираното, бидејќи температурите достигналe околу 35 степени во последните денови.
„Имав главоболка, моите стапала и прсти беа отечени и ми се вртеше во главата“, рече Елшој за симптомитер поврзани со топлината.
„Требаше да бидеме таму две недели, но не можевме да останеме поради жештините“.
Побарувачката за патувања повторно се зголеми ова лето бидејќи туристите ги оставаат зад себе долгогодишните пандемични ограничувања, а туристичките компании велат дека топлината сè уште не предизвикала многу откажувања на патувањата.
Британците резервираа помалку одмори дома и повеќе на Медитеранот со месеци однапред бидејќи сè уште копнеат за бегство на плажа по заклучувањето, рече Шон Типтон од британската туристичка агенција АБТА.
Но, таа рамнотежа може да се смени како што топлотните бранови се влошуваат.
Научниците долго време предупредуваат дека климатските промени, предизвикани од емисиите на CO2 од согорувањето на фосилните горива, ќе ги направат временските настани почести, посериозни и посмртоносни.
Метеоролозите предвидуваат дека температурите во наредната недела би можеле да го надминат тековниот европски рекорд од 48,8 Целзиусови степени, поставен на Сицилија во август 2021 година, што ги зголемува стравувањата од повторување на смртните случаи од жештината минатата година.
Приказните за туристите што биле превезувани со хеликоптер од италијанските плажи или амбулантни возила во близина на атинскиот Акропол ги преплавија европските медиуми во последните неколку недели.
„Нашето неодамнешно истражување укажува на пад на бројот на луѓе заинтересирани за патување во август, на врвот на сезоната, а повеќе Европејци размислуваат за есенско патување“, рече Санц.
Туристите во Рим изјавија за „Ројтерс“ дека ќе размислат двапати за повторно резервирање патување таму во јули бидејќи се мачеле да пијат доволно вода, да останат освежени и да најдат климатизирани места за одмор.
„Би дошол кога е постудено. Само во јуни, април“, рече Далфна Нибур, американска туристка, која летува со својот сопруг во Рим оваа недела, која рече дека жештините ја направиле нејзината посета мизерна.
Тоа е лоша вест за италијанската економија, која е во подем поради големиот летен сообраќај.
Италијанското Министерство за животна средина во годинешниот извештај предупреди дека странските туристи повеќе ќе патуваат напролет и наесен и ќе избираат поладни дестинации.
Билансот ќе биде негативен и затоа што некои од италијанските туристи ќе придонесат за прелевање на меѓународниот туризам во помалку жешките земји, се наведува во извештајот.
Во Шпанија се очекува голема побарувачка за одмор во крајбрежните дестинации на северот на земјата и на шпанските туристички острови, каде што летните температури се обично пониски, се вели во извештајот на националната туристичка асоцијација Exceltur.
Шпанците Даниел Отеро и Ребека Васкез, кои беа во посета на Билбао, изјавија дека одморот би можеле да го преместат во јуни следната година, кога ќе биде посвежо и поудобено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.