Свет
Украина ги користела прехранбените поморски коридори за воени цели, тврди Кремљ
Украина ги користела коридорите организирани според договорот за храна за воени цели, изјави портпаролот на Кремљ, Дмитриј Песков, коментирајќи ги тврдењата дека Киев можел да ги искористи овие коридори за напад на мостот на Крим на 17 јули.
„Нема да кажам ништо конкретно за ова. Но, знаете дека нашата војска постојано повторува дека Украина ги користи поморските коридори за воени цели. Дури и ако ја земеме оваа зона, така да се каже, во која се спроведува договорот за храна, повеќе не е за никого тајна, очигледен факт е дека оваа зона ја користи режимот на Киев за воени цели. Ова е многу важен аспект, што не треба да се заборави“, рече Песков.
Тој додаде дека има безбедносни ризици од договор за храна без Русија и тоа треба да се земе предвид.
„Овде, се разбира, е прашање што треба да го коментира нашата армија бидејќи тоа е зона што е директно блиску до борбените операции. И без соодветни гаранции, таму произлегуваат одредени ризици. Затоа, ако се формира нешто без Русија, тогаш овие ризици мора да се земат предвид. Не можеме да кажеме до кој степен и кои земји се подготвени да ги преземат тие ризици“, изјави Песков за новинарите.
Коментирајќи ја изјавата на американскиот државен секретар Ентони Блинкен за наводното неправедно повлекување на Москва од договорот за храна, Песков нагласи дека Кремљ не се согласува со таа изјава.
„Русија ги исполни своите обврски и неколкупати го продолжуваше овој договор и покрај тоа што условите од овие договори со Русија не беа спроведени. И во тој случај односот на европските држави треба да се нарече нечесен“, рече портпаролот.
Како што наведе, раскинувањето на договорот за храна не е вина на генералниот секретар на ОН, Антонио Гутереш.
„Не е виновен г. Гутереш или ОН. Ние многу ја цениме улогата на г. Гутереш во склучувањето на овие договори и ги цениме напорите на г. Гутереш во обидот да ги убеди европските земји да ги исполнат обврските што ги имаат. Но, за жал, тоа не се случи, така што зборот нечесен е апсолутно применлив за европските земји“, изјави Песков.
Русија вчера ги извести Турција, Украина и ОН за својот приговор на неговото продолжување. Русија веднаш ќе се врати на спроведувањето на иницијативата штом ќе се исполни нејзиниот руски дел, рече Песков.
Рускиот претседател Владимир Путин претходно истакна дека условите од договорот не се почитувани, и покрај напорите на ОН, бидејќи западните земји немаат намера да ги исполнат своите ветувања. Претседателот на Украина, Володимир Зеленски, изјави дека Киев се надева оти ќе продолжи со испорака на жито преку Црното Море, без учество на Русија, а Киев чека официјална потврда за подготвеноста од ОН и Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија невидени снимки од преземањето на Змискиот остров
Досега невидени снимки објавени вчера од Украинската служба за безбедност (СБУ) покажува како киевските сили пред две години зазеле клучен пункт во Црното Море. Украинските сили, заедно со агентите на СБУ, „спроведоа уникатна и исклучително важна операција“ на Змискиот остров во јуни 2022 година, се вели во објавата на СБУ во Телеграм.
Московските воени авиони го гаѓаа Змискиот остров во првите часови од инвазијата, која започна на 24 февруари 2022 година. Украинските војници стационирани на островот добија култен статус кога одговорија со пцости на барањето да се предадат.
Судирите меѓу руските и украинските војници за Змискиот остров повторно се најдоа на насловните страници во јуни истата година. Украинците ја презедоа контролата на островот, додека Русите најавија дека ќе се повлечат од островот.
Звільнення о. Зміїний: унікальні кадри воїнів СБУ
У червні 2022 року спецпризначенці ЦСО «А» СБУ разом із бойовими побратимами з ГУР МОУ та ЗСУ провели унікальну та надзвичайно важливу операцію.
Пам’ятаємо Героїв України, які віддали свої життя у цій битві.
1/3 pic.twitter.com/qtDOT8nNLg
— СБ України (@ServiceSsu) June 30, 2024
„Руските вооружени сили ги завршија задачите на Змискиот остров и се повлекоа“, изјави тогаш портпаролот на руското Министерство за одбрана.
Видеото на СБУ покажува како украинските војници се приближуваат до Змискиот остров и пукаат во цели. Камерите покажуваат и војници како слетуваат на островот и се пробиваат низ срушените згради додека пукаат со оружје, пишува Њузвик.
Операцијата „се состои од неколку фази“, соопшти СБУ. Тие додадоа дека повторното заземање на Змискиот остров „било од стратешко значење, бидејќи оттогаш почнало постепеното движење на непријателот од Црното Море“.
Кирило Буданов, шеф на украинската воена разузнавачка агенција (ГУР), претходно го опиша Змискиот остров како стратешки клучен од цивилни, комерцијални и воени причини. „Кој го контролира островот може во секое време да го блокира движењето на цивилните бродови во сите правци кон јужна Украина и да ја нападне западна Украина“, рече Буданов во средината на мај 2022 година.
Островот се наоѓа во близина на Романија во северозападниот дел на Црното Море. За време на војната, Украина ја ослабе руската Црноморска флота, која делумно оперира од руската база Севастопол, на западниот раб на анектираниот полуостров Крим.
Извештаите сугерираат дека Кремљ планира нова воена база во пристаништето Очамчире во Абхазија, отцепен регион на Грузија. Ова би ги ставило руските бродови уште подалеку од украинскиот брег. Западното разузнавање процени дека Русија веќе ја ограничила својата активност во северозападниот дел на Црното Море, преместувајќи ги своите бродови уште на исток во својата база во Новоросијск.
Регион
Избран е нов патријарх на Бугарската православна црква
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се пензионира.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.
Европа
Маж со нож нападнал полициска патрола во Германија, убиен е
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.
Филипче: Силно ќе се спротивставам на оние кои сакаат да ја ослабнат СДСМ и да ја видат на колена
Новоизбраниот претседател на СДСМ, Венко Филипче, во обраќањето до сопартијците се заблагодари за дадената поддршка. „Во СДСМ победи професионализмот, емпатијата,...
Победа на екстремната десница, голем пораз за Макрон, левицата итно подготвува нов план
Екстремно десничарската партија Национален собир на Марин Ле Пен победи во првиот круг од француските парламентарни избори, покажаа излезните анкети,...
Метежот на „Табановце“ е поради зголемениот безбедносен ризик од тероризам во Србија
Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез...
(Видео) Пожари беснеат кај Атина, изгорени куќи, луѓето бегаат
Пожарникарите се борат со серијата шумски пожари во близина на Атина, а властите стравуваат од многу тешко лето во Грција....
„Филипче не е нов лидер, туку чувар на фотелјата на Зоран Заев“, велат од ВМРО-ДПМНЕ
„Венко Филипче со 9 илјади гласови, колку се потребни за советник во општина стана лидер на СДС. Еден Заев се...
Известувачите од Вимблдон за Макфакс прогнозираат: Синер фаворит, Ѓоковиќ во сенка, кај жените се е отворено
Од специјалниот известувач од Вимблдон Како и минатите години, така и оваа, известувачот на Макфакс и Топ спорт од Вимблдон,...
Метеж на „Табановце” и „Богородица”, се чека најмалку половина час
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Венко Филипче е избран за нов лидер на СДСМ
Венко Филипче, поранешен министер за здравство во владата на Зоран Заев, го презеде раководството и стана нов претседател на СДСМ....
Аврамовска-Мадиќ: 54 отсто од регистрираните членови гласале за претседател на СДСМ
Од вкупно запишаните во избирачкиот список за избор на претседател на СДСМ до 19:45 часот, излегле 12.608 или 54 проценти...
Деспотовски искажа забелешки за одвивањето на изборите за претседател на СДСМ
Кандидатот за претседател на СДСМ Јован Деспотовски по затворањето на избирачките места на вонредните внатрепартиски избори упати благодарност до партиските...
Уште еден хеликоптер на МВР се вклучи во борбата со големиот пожар кај Сушево и Злеово
Поради сериозноста и ризикот од пожарот кај с.Сушево и с. Злеово на гаснењето се приклучи и втор хеликоптер на МВР,...
Аврамовска-Мадиќ за изборот на претседател на СДСМ: До 14 часот, излезени се 6.706 избирачи или 28,61 отсто
СДСМ денеска на вонредни внатрепартиски избори избира нов лидер на партијата. Претседателката на Централната изборна комисија за избор на претседател...
Голем пожар кај Василево, се шири кон селата Сушево и Злеово
Пожарот на отворено кој вчера попладне започна на територијата на општина Василево се уште е активен, се разгорува и се...
Филипче: Мирно и со позитивен дух се одвива процесот на гласање на внатрепартиските избори за претседател на СДСМ
Целокупниот процес на гласање на внатрепартиските избори за претседател на СДСМ според информациите насекаде низ државата се одвива мирно, има...
Вучиќ најави уште апсења во Србија по вчерашниот терористички напад
Српскиот претседател Александар Вучиќ денеска изјави дека ќе има уште апсења во Србија, дека сега се проверува поврзаноста на сите...
Левица: Животната состојба во затворите е повеќе од загрижувачка и нехумана
Во затворот Идризово се случила масовна тепачка меѓу затворениците, а повеќе лица се здобиле со тешки телесни повреди, додека едно...
За 24 часа низ државава пожарникарите гаснеа 10 пожари на отворено
Центарот за управување со кризи (ЦУК) информира дека во последното деноноќие имало вкупно десет пожари на отворено и неколку помали...
СДСМ денеска на вонредни внатрепартиски избори ќе избира нов лидер на партијата
СДСМ денеска на вонредни внатрепартиски избори ќе избира нов лидер на партијата. Гласањето ќе се одвива на 77 избирачки места...
Планинар паднал во провалија, бил извлечен со хеликоптер, но во болница лекарите констатирале смрт
Центарот за управување со кризи информира дека денеска околу 12:30 часот на бројот за итни повици 112 вознемирен планинар пријавил...
Змија касна двајца мажи од Велес, префрлени се на Инфективна клиника во Скопје
Двајца велешани биле каснати од змија додека работеле на лозје вчераутро кај селото Војница. Откако им се влошила состојбата се...
