Свет
„Ураганот кршеше дебели дрвја, настрада неподвижен човек“: невремето го уништи Загреб
„Ги скрши сите дрвја. Видете, сè падна. Страшно!“, изјави за „Јутарњи лист“ жител на загрепски Врбик, каде што невремето вчера го опустоши Загреб и искрши десетици дрвја, од кои некои дебели и по еден метар.
Голем број загрепчани, од кои некои постари од 70 години, велат дека досега не доживеале вакво силно невреме во метрополата. Речиси нема ниту една улица или парк во Загреб што не ги претрпел последиците од разорниот ветер, кој почна околу 16.30 часот и за половина час ја уништи метрополата.
За тој половина час, кој го најави страшната облачност, налетите на ветрот, коуј личеше на ураган, се менуваа со силен дожд, кој во еден момент се претворил во ледена прашина носена од ветрот. Повеќето луѓе навреме се засолниле, но оние што поради некоја причина не успеале, а бурата ги затекла на отворено, доживеале сцени слични на оние од филмовите за урагани.
„Човекот тешко се движешее, секој ден седеше таму во паркот. Мислам дека неодамна доживеа мозочен удар и не можеше да се движи“, велат жителите на Вјенец, кои вчера немо ја набљудуваа полициската истрага за мажот што загина.
Двајца загинати и 60 повредени, од кои десет потешко, е епилогот што засега е познат по невремето во Загреб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.