На 19/20.7.2023, во периодот од 23 до 4 часот, по преземени мерки и активности на патот од с. Бигор Доленци кон населбата Бичинци во Кичево, полициски службеници од мобилната единица за компезаторни мерки при Одделот за гранични работи и миграции го лишиле од слобода М. М. (24) од Кичево. При преглед во возилото „ситроен“, без регистарски ознаки, кое го управувал, биле пронајдени огревни дрва без документација, две моторни пили, а не посеувал и докумнети за возилото.

Исто така, на патот од с. Бигор Доленци кон населбата Бичинци било забележано и патничко возило „опел тигра“, но тоа не застанало на знак за запирање. Набргу возилото запрело по што две лица, кои се превезувале во него, го напуштиле местото, а при преглед во возилото биле пронајдени огревни дрва.

М. М., возилата, огревните дрва и моторните пиле биле предадени во Полициската станица Кичево за понатамошна постапка. По целосно расчистување и документирање на случајот, ќе биде поднесена соодветна пријава.