Македонија
Откако зборуваше на албански јазик за Камчев и за уставните измени, Лога на македонските медиуми им рече дека не сака да коментира надвор од темата
![](https://makfax.com.mk/wp-content/uploads/2023/03/334229612_6065000046915066_7273504244748067651_n.jpg)
Министерот за правда, Кренар Лога, на албански јазик зборуваше за Орце Камчев и за уставните измени, па на медумите што поставуваа прашања на македонски јазик им кажа дека не сака да зборува надвор од темата на настанот.
Настанот се однесуваше на отворањето на канцеларијата за бесплатна правна помош во општина Боговиње.
Претходно, Лога, околу седум минути одговараше на разни прашања поставени од медиумите на албански јазик, а на македонски јазик одговор даде само на прашањето дали се размислува за нови законски измени затоа што Законот за матичната евиденција е оспорен пред Уставниот суд. Изрази очекувања дека Уставниот суд ќе ја отфрли иницијативата на Левицата и законот ќе биде во сила понатаму.
Веднаш потоа беше прашан за дигитализацијата на матичните книги, но одби да одговори коментирајќи дека не сакал да го злоупотребува настанот за други прашања.
По инсистирањето на новинарот да каже што може да се преземе со цел поголема заштита при пренесување на податоците во дигитална форма, министерот само ги упати да се обратат до директорот на Управата за матичните книги бидејки тој немал такви информации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Украс во Владата ќе биде и портрет од Талат Џафери, техничкиот премиер во заминување
![](https://makfax.com.mk/wp-content/uploads/2024/06/Talat.jpg)
Техничкиот премиер Талат Џафери на Фејсбук објави дека во Владата е истакнат и неговиот портрет како премиер на техничката Влада, која следниот викенд се очекува да биде сменета со новата влада предводена од Христјан Мицкоски.
Портретот на Џафери го насликал уметникот Едмонд Драми.
„Благодарам Едмонд Драми за маестралното сликање на мојот премиерски портрет. Ти посакувам понатамошни успеси во уметничкото патешествие!“, напиша Џафери на Фејсбук.
Македонија
Сончево и топло со температури до 35 степени
![](https://makfax.com.mk/wp-content/uploads/2024/06/sonce.jpg)
Времето ќе биде сончево и топло со мала до умерена локална облачност. Ќе дува слаб до умерен ветер од западен и југозападен правец. Минималната температура ќе биде во интервал од 9 до 17, а максималната ќе достигне од 27 до 35 степени.
Во Скопје сончево и топло со мала облачност. Ќе дува слаб до умерен ветер претежно од западен правец. Минималната температура ќе се спушти до 14, а максималната ќе достигне до 34 степени.
Во првите два дена од следната седмица во попладневните часови ќе има локална појава на пороен дожд и грмежи. Потоа се очекува период на стабилно и топло време со постепен пораст на дневната температура
Македонија
Без вода дел од општина Карпош
![](https://makfax.com.mk/wp-content/uploads/2023/10/voda-1.jpeg)
Од ЈП Водовод и Канализација известуваат дека во недела, на ден 16.06.2024 година, поради дефект на огрлица од ф – 80 мм на ул. Љубица Георгиева бр.3, во периодот од 08.30 часот па се до отстранување на дефектот без вода ќе останат корисниците од ул. Љубица Георгиева. ( општина Карпош )
-поради три улични дефекти од ф – 80 мм ул. Девол – крак 2 и Девол – крак 11, како и ул. 1010 б.б, во периодот од 10.00 часот па се до отстранување на дефектите без вода ќе останат корисниците од ул. Девол, Девол – краци – 2 и 11, ул. 1010, како и дел од корисниците одул. Жданец. ( општина Карпош )