Македонија
Апасиев: СДСМ додадоа 5 отсто на трошоците за брзи кредити
![](https://makfax.com.mk/wp-content/uploads/2023/07/апасиев-1.jpg)
Пратеникот и лидер на Левица во статус на Фејсбук се осврна на измените на Законот за финансиски друштва изгласани од пратениците неделава.
-Да ви ја нацртам забеганоста на СДС на Нашата Земја: според важечката легислатива (Законот за заштита на потрошувачи при договори за потрошувачки кредити) – вкупните трошоци не смеат да бидат повисоки од 55% од главницата на кредитот.
Според измените на Законот за финансиски друштва, донесени пред некој ден, вкупните трошоци не смеат да надминат 60%!?
Значи, додаваат 5% – а држат пресови дека ставиле “крај на должничкото ропство”!?
Дале сте бе вие нормални, племе едно одродено антинародно? – вели Апасиев во статусот на Фејсбук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Тошковски-Лимани: Jа анализиравме ситуацијата на граничните премини за пронаоѓање решенија за забрзување на протокот на возила и патници
![](https://makfax.com.mk/wp-content/uploads/2024/07/toskovski-limani1.jpg)
Денеска во МВР, министерот Панче Тошковски се сретна со министерот за социјална политика, демографија и млади Фатмир Лимани.
„Заедно ја анализиравме ситуацијата на граничните премини во насока на пронаоѓање решенија за забрзување на протокот на возила и патници на двете страни на границите во овој период на зголемена фреквенција на граничните премини заради годишните одмори кога огромен број од нашите иселеници се враќаат во татковината“, извести Тошковски.
„Ги разгледавме можностите за унапредување и промена на некои од процедурите на границите со цел забрзување на протокот на луѓе и намалување на времето на чекање и на двете страни на границата. Секако со министерот Лимани потенциравме посветеност за унапредување на соработката и координацијата помеѓу двете институции што ќе резултира со унапредување на безбедност на сите наши граѓани што е една од главните стратешки цели на новата Влада“, додава министерот за внатрешни работи.
Македонија
МНР ги осуди заканите упатени кон новинарот Видиновски
![](https://makfax.com.mk/wp-content/uploads/2018/02/19122017192651_web_нова-тв.jpg)
Министерството за нaдворешни работи и надворешна трговија најостро ги осудува заканите упатени на социјалните мрежи кон македонскиот новинар Александар Видиновски од страна на лицето Виктор Стојанов за репортажа објавена на телевизијата Канал 5.
„Секоја форма на притисок, закани или вербални напади врз новинарите и медиумските работници претставува и закана за слободното изразување и слободата на медиумите, и лесно може да ја загрози работата на новинарите која е од јавен интерес“, велат од Министерството.
Министерството за надворешни работи и надворешна трговија за овој случај веќе сигнализираше кај бугарските колеги преку механизмот за борба против говор на омраза воспоставен согласно Договорт за пријателство, добрососедство и соработка со цел негово евидентирања и соодветно постапување од страна на надлежните органи.
Македонија
Магистралниот пат Удово – Марвинци затворен за сообраќај на товарни возила поради паднато дрво
![](https://makfax.com.mk/wp-content/uploads/2018/06/drvo-padnato-avtokomanda-1.jpg)
Од 17.30 часот магистралниот пат од село Удово кон село Марвинци е затворен за сообраќај на товарни моторни возила, поради паднато дрво, извести АМСМ.
Интензитетот на сообраќај на патните правци надвор од градските средини е умерен. Нa ГП Табановце има зголемена фреквенција на возила за влез во Мaкедонија, време на чекање околу 20 минути. На останатите гранични премини од македонска страна, нема подолги задржувања за влез и излез од државата.