Спорт
КК Партизан: Во име на вистината, Никола Миротиќ треба да каже кој му се заканувал
Нема ништо од доаѓањето на Никола Миротиќ во Партизан. Ова е неговата дефинитивна одлука која денеска ја соопшти преку објава на Инстаграм.
По ова, со свое соопштение реагираше и Партизан, кој очекува уште некои одговори од Миротиќ…
„КК Партизан и покрај сите напори и преговори кои траеја неколку недели, нема да го ангажира еден од најдобрите европски играчи во моментов, Никола Миротиќ.
Интересот на клубот за играчот датира од јуни, кога беше објавено дека Миротиќ ќе го раскине договорот со Барселона.
Без да ја загрозат финансиската сигурност на играчите при раскинувањето на актуелниот договор во тој момент, претседателот на КК Партизан, спортскиот директор и тренер на црно-белиот тим, Остоја Мијаиловиќ, Зоран Савиќ и Жељко Обрадовиќ одржаа прелиминарни разговори со Никола Миротиќ, кој ги пречека во својот дом во Тиват.
Кога Барселона и Никола Миротиќ ги завршија сите административни задачи, започнаа официјалните преговори за време на кои клубот ги прифати условите на играчот. Напоменуваме дека условите се менувале неколку пати, но дека клубот секогаш наоѓал начин да ги исполни и пред неколку дена го испратил потпишаниот тригодишен договор до Никола Миротиќ на потпис.
Истовремено во јавноста се појавија бројни информации за тоа дека одредени лица му се закануваат на Никола Миротиќ и дека се стравува за неговата безбедност доколку стане кошаркар на Партизан.
Претседателот Мијаиловиќ, спортскиот директор Савиќ и тренерот Обрадовиќ неколку пати го уверуваа играчот дека нема причина за загриженост и дека е повеќе од добредојден во Србија.
Исто така, клубот веднаш стапи во контакт со највисоките државни органи за да биде отстранет и најмал сомнеж. Во оваа прилика КК Партизан сака да му се заблагодари на претседателот на Република Србија, Александар Вучиќ, кој лично го покани играчот и потврди дека безбедноста на неговата и на неговото семејство е загарантирана во Србија и дека се добредојдени.
За сето горенаведено, постојат писмени докази во форма на е-пошта или пораки.
Но, од непозната причина за клубот, Никола Миротиќ не се реши да ги потпише веќе договорените услови и по одреден период на чекање, КК Партизан беше принуден да се откаже од ангажманот на неодамнешниот кошаркар на Барселона.
Во оваа прилика, КК Партизан сака да напомене дека Никола Миротиќ пред петнаесетина дена му дал збор на тренерот Обрадовиќ, а потоа и на претседателот Мијаиловиќ, директорот Савиќ и капитенот Пантер дека ќе стане играч на Партизан. Исто така, клубот сака да напомене дека после тоа уште неколку пати се распрашуваше кои други играчи ќе ги доведат.
Клубот јавно го повикува Никола Миротиќ, од посветеноста на вистината, а тој е човек кој се бори за вистината, да каже кои се луѓето кои му се заканувале.
Желбата и планот на клубот беше тимот да се изгради околу играчите кои моментално се под договор и самиот Миротиќ, но сега тој план ќе треба да се коригира.
Во КК Партизан цврсто веруваат дека причините за непотпишувањето на договорот од страна на Никола Миротиќ немаат врска со никакви закани, туку со некои други работи кои јавноста ќе може сама да ги увиди во наредните денови.
Сега ќе се свртиме кон други решенија на пазарот и со непроменети амбиции влегуваме во сезоната 2023/24“, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен нема намера да го напушти Ред Бул
Четирикратниот светски шампион во Формула 1, Макс Ферстапен, во интервју за швајцарски „Блик“, изјави дека нема намера предвреме да се раздели со тимот на Ред Бул, со кој има договор до крајот на 2028 година.
Иднината на Холанѓанецот беше предмет на многу шпекулации во последните години, особено во првата половина од сезоната 2025. Се шпекулираше дека сака да го напушти Милтон Кејнс и дека би можел да се пресели во Мерцедес.
Сепак, Ферстапен на крајот не успеа да ја активира клаузулата за предвремено ослободување и ќе вози за Ред Бул во сезоната 2026.
„Сега имам 28 години и сум под договор со Ред Бул до крајот на 2028 година. Сакам да го одработам мојот договор. Во оваа фаза целосно ја исклучувам можноста за промена на тимот. Штета е што нема да го имам мојот пријател и ментор Хелмут Марко покрај мене во 2026 година“, рече Ферстапен.
Холанѓанецот изминатата сеозна ја заврши на второто место, зад шампионот Ландо Норис од Мекларен. Бртанецот ја прекина серијата од четири последователни титули на Холанѓанецот во шампионатото на Формула 1.
Foto/ depositphotos
Спорт
Франција лесно против Чешка, Шпанија ја победи Србија
Актуелниот европски првак Франција и Шпанија со победи го отворија 17-то Европско првенство во ракомет. Шпанија во А групата ја победи Србија со 29:27, а Франција во Ц групата убедливо славеше над Чешка со 42:28.
Шпанците од очетокот до крајот го контролираа натпреварот против Србија, кој го решија во првиот дел, кога Србите грешеаа во нападот и промашуваа зицери. Исто така, српските ракометари не се прилагодија на критериумот на судиите од Исланд.
Кај Шпанците се истакна Јан Тарафета со шест гола, Абел Сердио имаше четири, а Касадо, Душебаев, Фис и Гомес имаа по три. Најефикасен играч за Србија беше Урош Којадиновиќ со шест гола. Вања Илиќ постигна пет, исто колку и Дарко Ѓукиќ, а Урош Борзаш постигна четири.
Франција, против Чешка влезе како ачсолутен фаворит и таа улога во целост ја оправда. Прашањето на кончениот победник беше решено во раната фаза од натпреварот.
Ричардсон, Пранди и Наи ја предводеа Франција со по шест гола. Кај Чешка подобри од останатите беа Сола и Сироки со по пет гола.
Foto/ EPA
Спорт
Цимикас се враќа дома
Грчкиот репрезентативец, Костас Цимикас, кој зад себе има лоша полусезона во Рома, би можел да се врати во Олимпијакос по пет и пол години. Клубот од Пиреја прави сè за да се договори со Ливерпул, објави „Газета дело Спорт“.
По доаѓањето на Милош Керкез, во летниот преоден рок, Цимикас стана вишок во Ливерпул и клубот реши да го позајми во Рома. Гркот не успеа да се вклопи во системот на Џанпјеро Гасперини, поради што „волчицата“ ја прекина соработката со левот бек по само шест месеци.
Бидејќи за него нема место ниту во Ливерпул, тој ќе мора да бара нов клуб.
Олимпијакос веќе долго време има проблем токму на позицијата на која игра Цимикас и во клубот се надеваат дека токму тој би можел да им донесе стабилност на црвено-белите во овој дел од теренот.
Цимикас има договор со Ливерпул до летото следната година. Без оглед на тоа што деталите од евентуалниот договор не беа презентирани, сосема е сигурно дека Олимпијакос би побарал позајмица до крајот на сезоната со право на откуп на договорот.
Искусниот грчки фудбалер одигра само 14 натпревари за Рома оваа сезона.
Foto/

