Спорт
Јокиќ во 2026 ќе потпише договор за 404 милиони долари
Српскиот кошаркар Никола Јокиќ би можел да го добие најголемиот договор во НБА во 2026 година.
Центарот на Денвер Нагетс го предводеше својот тим до титулата во НБА оваа сезона, каде што беше прогласен за МВП на финалната серија.
Во моментов тој го одработува петгодишниот договор вреден 276.122.630 долари.
Според американските новинари, Никола Јокиќ следниот договор би требало да го потпише во 2026 година, а вкупната вредност на тој договор би можела да биде над 400 милиони долари, со што би биле срушени сите рекорди во НБА.
НБА аналитичарот на Ен-би-си спорт, Курт Хелин го напиша следново во својата анализа:
„Никола Јокиќ без сомнение е најдобриот кошаркар кој чекори по земјата во моментов. Тој го продолжи договорот вреден 274 милиони долари пред почетокот на минатата сезона. Сепак, благодарение на неговата играчка опција, летото од 2026 година би можел да го потпише првиот договор од 400 милиони долари како продолжување на сегашниот договор. Доколку се случи тоа за пет години ќе добие за 404 милиони.Тие пари Јокиќ би ги добил без разлика дали ќе освои уште една титула или ќе биде МВП, бидејќи ќе има 10. годишен стаж во лигата.“
Пред Јокиќ следната година Јанис Антетокунмпо треба да потпише договор вреден 334 милиони долари, по него супермакс договори треба да потпишат и Џејсон Тејтум, Џоел Ембиид и Лука Дончиќ кои би можеле да потпишат договори вредни 367 милиони.
Potential supermax extensions on the horizon:
2026: Nikola Jokic – 5 years / $404M
2025: Luka Doncic – 5 years / $367M
2025: Joel Embiid – 5 years / $367M
2024: Jayson Tatum – 5 years / $334M
2024: Giannis Antetokounmpo – 5 years / $334M
(Via @basketballtalk ) pic.twitter.com/caqzBBzzDa
— NBACentral (@TheDunkCentral) July 27, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.