Спорт
Лука Дончиќ нов капитен на Словенија
![](https://makfax.com.mk/wp-content/uploads/2023/07/3244446-scaled-1.jpg)
Словенечкиот кошаркар Лука Дончиќ летово ќе биде капитен на својата репрезентација на Светското првенство. Дончиќ на прес-конференцијата на Кошаркарскиот сојуз на Словенија објасни колку му значи таа улога.
„Почестен сум и горд“, јасен беше Дончиќ.
„Беше долго лето за мене, но среќен сум што се вратив во националниот тим. Многу натпревари, многу тренинзи, со нетрпение го очекувам сето тоа. Не сум играл од 10 април, едвај чекам“.
Дончиќ зборуваше и за целите на Словенија пред претстојниот Мундобаскет.
„Целта е секогаш иста. Секогаш кога играме натпревар, целта е да победиме. Што всушност ќе се случи е сосема друга работа. За мене целта е секогаш иста“, изјави Лука.
Неговиот Далас имаше интересна молба ова лето – да се ослободи од вишокот килограми во текот на летото.
„Оваа година се чувствувам подобро. Тоа може да се види. Ме бркаше Анже Мачек (фитнес тренер), пофалете го“, истакна Дончиќ и додаде:
„Акциите со репрезентацијата во текот на летото не ги гледам како подготовки за новата сезона. Уживам што сум со репрезентацијата. Момците и јас добро се забавуваме овде, се разбираме. Убаво е да се игра за репрезентацијата“.
Словенија на Мундијалот ќе игра во група со Грузија, Венецуела и Зеленортските Острови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Серхио Рамос остана без клуб
![](https://makfax.com.mk/wp-content/uploads/2024/06/c012abb7-3409-497b-abc9-fd13913ee7df_16-9-discover-aspect-ratio_default_0.jpg)
Серхио Рамос (38) за две недели ќе биде слободен играч. Славниот шпански дефанзивец нема да го продолжи договорот со Севилја во која се врати на почетокот на минатата сезона.
Рамос е еден од најдобрите дефанзивци на сите времиња. Минатата сезона беше стандарден во Севилја. Тој забележа 37 настапи, постигна седум гола.
Кариерата ја започна во Севилја во 1996 година, а во 2005 година се пресели во Реал Мадрид. Таму играше до 2021 година, а потоа по истекот на договорот се пресели во ПСЖ.
За шпанската репрезентација постигна 23 гола на 180 натпревари. Во кариерата освои се што можеше да се освои, а за Реал Мадрид постигна 101 гол на 671 натпревар и освои четири ЛШ. Со Шпанија двапати беше европски и еднаш светски првак.
Спорт
Јовановиќ на местото на Појет – Грците добија нов селектор
![](https://makfax.com.mk/wp-content/uploads/2024/06/afc97d2b-12ab-4f3e-a7fb-c160ad60f798_ivan_jovanovic-pao.jpg)
Искусниот српски тренер Иван Јовановиќ ќе биде селектор на грчката фудбалска репрезентација во следните две години, јавуваат тамошните медиуми. Овој 61-годишен тренер добро ги познава работите во грчкиот фудбал.
Јовановиќ на функцијата го наследи, Уругваецот Густаво Појет. Под негово водство, Грците не успеа да се пласира на Европското првенство. Грузија во баражот ја совлада Грција по изведувањето пенали.
Тренерската кариера ја започна во Нико Волос, Ираклис го водеше во два мандати, голем успех постигна со АПОЕЛ од Никозија, со тимот играше четвртфинале во Лигата на шампионите, Панахаики од Патра, а потоа се пресели во Абу Даби. Го водеше Ал Наср, а од 2019 до 2020 година беше селектор и на Обединетите Арапски Емирати.
Во 2021 година се врати во грчкиот фудбал и до 2023 година беше тренер на Панатинаикос.
Тој го предводеше АПОЕЛ до четири шампионски титули на Кипар и го освои Купот на Грција со ПАО. Тој беше прогласен за најдобар српски тренер во 2011 година, додека магазинот „Газета“ го избра за најдобар тренер на грчката Суперлига во 2022 година.
Спорт
Нигериецот Еџуке ја засили Севилја
![](https://makfax.com.mk/wp-content/uploads/2024/06/1634494153-20331709990123.jpg)
Севилја почна да го формира ростерот за следната сезона. Прво засилување на клубот од Андалузија е Чидера Еџуке.
Нигерискиот фудбалер минатата сезона играше како позајмен во Антверпен од ЦСКА Москва. Севилја нема да издвои ниту цент за неговиот транфср, бидејќи му истече договорот со ЦСКА.
Еџуке постигна три гола и четири асистенции на 21 натпревар во белгискиот шампионат, а неговата природна позиција е лево или десно крило.
Во својата кариера, Еџуке играше за Суприм Корт, Гомбе Јунајтед, Валеренга, Херенвен, ЦСКА Москва, Херта и Антверпен.