Мохамед Салах утрово го стави својот потпис на договорот со Ливерпул, соопши клубот од „Енфилд“.

.@MoSalah has signed a new contract that will keep him with the club beyond the 2024-25 season 😁🔴

— Liverpool FC (@LFC) April 11, 2025

Лион и Манчестер јунајтед одиграа 2:2 во првиот четвртфинален натпревар во Лига Европа. Дмашниот тим од пораз се спаси буквално во последните секунди кога Шерки ја искористи лошата реакција на голманот Онана. Голамнот на Манчестер јунајтед, предтхдно беше виновен и за првиот гол, во 26.минута, кога ужасно реагираше по центаршутот на Алмада.

Се чини дека Немања Матиќ беше целосно во право, кога реагираше на изјавата на Онана дека Манчестер јунајтед е многу подобар тим од Лион.

„Онана го кажа тоа? Кога си еден од најлошите голмани во модерната историја на Манчестер јунајтед, мора да внимаваш што зборуваш“.

Српскиот играч за врска не застана тука.

„Да го кажеа тоа Давид Де Хеа, Петер Шмајхел или Едвин ван дер Сар, можеби ќе се запрашав. Но, кога ќе дојде од некој со статистика како онаа на Онана… не би му придавал преголема важност“, вели Матиќ.

Тренерот на Манчестер јунајтед, Рубен Аморим, по натпреварот мораше да одговара на новинарските прашања поврзани со лошата партија на Онана. Португалецот застана во одбрана на Онана и се обвини себеси:

„Ако ја погледнете оваа сезона, јас направив многу повеќе грешки од моите играчи. Тоа се случува“, рече Аморим и продолжи: „Може да му се случи на секој кој игра многу натпревари. Ако играте многу, ќе направите грешки“.

Реваншот на „Олд Трафорд“ на програмата е наредниот четврток.

Минесота Тимбервулфс, внесоа дополнителна неизвесност во инако неизвесната ситуациј а на табелата во Западната конференција со победата над Мемфис Гризлис со 141:125.

Тимбервулфс во возбудли и ефикасен натпревар ја постигнаа 47-та победа и се изедначија на табелата со Мемфис Гризлис и Голден стејт Вориорс.

Натпреварот го обележаа најдобрите играчи во двата тима, Ентони едвардс и Џа Морент. „Ент“ ја предводеше Минесота со 44 поени, 5 скока и 3 асистенции, додека Џулиус Рендл имаше 31 поен со 10 скока и 5 асистенции, Наз Рид додаде 14, Руди Гобер 13.

Во редовите на Мемфис, Морент постигна 36 поени, додека Дезмонд Бејн имаше 28 поени, 6 скока и 9 асистенции, Џерен Џексон забележа 23 поени.

На истокот се уште трае борбата за третата позиција се уште. Индјана со победата над лидерот Кливленд со 114:112 го обезбедија четвртотот мести и сега ја напаѓа третата позиција на Њујорк. Индијана Пејсерс опасно се доближија до Њујорк Никс бидејќи сега имаат 49 победи, а Никербокерс 50.

Тајрис Халибартон речиси имаше трипл-дабл со 23 поени, 8 скока и 10 асистенции, Арон Нејсмит имаше 22 поени и 6 скока, Џерес Вокер имаше 15 поени и 3 скока, а Матурин и Тарнер постигнаа по 13 поени.

Кливленд го предводеше Тај Џером со 24 поени, 2 скока и 6 асистенции, Деандре Хантер мечот го заврши со 23 поени и 11 скока, Крег Портер имаше 16, Сем Мерил 15, а Исак Окоро 13.