Европа
(Видео) Мајка со апел до Путин: Ако мојот син е убиен во Украина, вратете ми го телото
![](https://makfax.com.mk/wp-content/uploads/2023/08/4818184d-5d9a-4106-a7d2-78e3eae09417.jpg)
На социјалните мрежи е објавено видео на кое се гледа како мајка му се моли на рускиот претседател Владимир Путин за информации за нејзиниот син војник за кој ѝ е кажано дека е убиен додека се борел во војната во Украина. Видеото на „Твитер“ го сподели и Антон Герашченко, советник на украинскиот министер за внатрешни работи.
Жената го почнува видеото со обраќање лично на Путин пред да го каже името на својот 20-годишен син и неговиот датум на раѓање. Таа раскажува како бил мобилизиран од рускиот град Нижневартовск во септември минатата година и дека оттогаш се борел на руска страна во војната против Украина.
A mother of a Russian soldier begs Putin to give her any information about her son. She was told he died and was given three stories of how that could have happened.
She still doesn’t know the truth and hopes the tsar will help her – the same person who sent her son to die. pic.twitter.com/rDt4HLK8Y4
— Anton Gerashchenko (@Gerashchenko_en) August 1, 2023
Тврди дека на 18 јули добила телефонски повик од неговата единица, во која ја известиле дека ѝ син бил убиен два дена претходно.
„Потоа слушнавме три приказни за смртта на нашиот син. Тоа е како да го однеле, но не се знае каде го однеле“, опишува таа.
Нагласува дека моментно нема никаков контакт со единицата на нејзиниот син и дека на нејзиниот поранешен сопруг командантот на единицата му кажале дека имало инцидент, во кој била крената опремата во воздух, што резултирало со смрт на нивниот син и уште едно лице.
Меѓутоа, мајката вели дека командирот признал дека не можел да ја потврди смртта на младиот човек 100 отсто затоа што не видел. Таа истакнува дека контактирала со канцеларијата за регрутирање во Нижневартовск и тие и ветиле дека ќе проверат што се случило.
„Канцеларијата наводно контактирала со единицата, но нема официјални информации за смртта на нашиот син“, вели таа.
Наведува дека напишала до кабинетот на претседателот, военото обвинителство и до пратениците во Нижневартовск барајќи го телото на нејзиниот син и информација дали е мртов.
„Ако мојот син е убиен, ве молам вратете ми го неговото тело, за да го оплакувам како мајка“, апелира таа.
Таа се пожали дека не добила одговор од ниту една служба на која ѝ пишала и дека не ѝ одговараат на телефонските повици.
„Значи, мојот 20-годишен син е во средината на никаде. Мислам, го одведоа. И не може да ми кажат каде е. Едноставно не можам да го разберам тоа“, вели таа.
„Ако другарите го ставиле во автомобил и го однеле некаде, зошто никој не може да ни одговори?, прашува таа. Мајката со апел до Путин за помош посочувајќи дека тој како врховен командант на земјата е „одговорен за сите овие момци“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.
Европа
Сопругата на шпанскиот премиер на суд под обвинение за корупција и вршење влијание
![](https://makfax.com.mk/wp-content/uploads/2024/07/begona-pedro-sancez.jpg)
Бегона Гомез, сопруга на шпанскиот премиер Педро Санчез, денеска се појави пред судот во Мадрид за да одговори на прашања поврзани со наводите за корупција и вршење влијание во случајот поради кој нејзиниот сопруг размислуваше да поднесе оставка во април.
Сослушувањето в петок е дел од прелиминарната истрага за тоа дали Гомез ја злоупотребила својата позиција како сопруга на премиерот за да влијае на своите деловни активности, соопшти судот пред сослушувањето.
Ниту Гомез ниту нејзиниот адвокат не разговараше со новинарите надвор од судницата пред Гомез да се појави зад затворени врати пред судијата, кој по неколку минути го одложи рочиштето за 19 јули.
Гомез јавно не го коментира случајот, но Санчез постојано остро ги отфрли обвинувањата против неговата сопруга велејќи дека тие се неосновани и оркестрирани од неговите десничарски политички ривали.