Европа
(Видео) Затвор во Норвешка нема решетки и изгледа како луксузен хотел: затворениците имаат телевизор, приватна бања
Луѓето останаа вџашени кога на „Тик-ток“ видоа како во затворот „Халден“ во Норвешка живеат осуденици за убиство, силување и други злосторства.
„Поубаво е од станот што го изнајмувам. Еве го мојот нов пензиски план“, се пошегува еден корисник на „Тик-ток“ по споделените фотографии од затвортот, пишува „Дејли мејл“.
А друг напишал: „Ова не е затвор, ова е викендичка“.
Во затворот, чии власти се фалат дека е „најхуманиот на светот“, секоја ќелија има своја бања, комплетно опремена кујна, телевизор со рамен екран, мини фрижидер, па дури и клуч од истата ќелија, пренсува медиумот.
За 12 до 15 соби има и најсовремена кујна со работни плочи од не’рѓосувачки челик, дневни соби опремени со софи и маси за карти и други друштвени игри. Затворот, чија изградба траеше 10 години и неверојатни 160 милиони евра за изградба, има луксузни објекти за затворениците, вклучително и сала за вежбање со ѕид за качување, цел супермаркет и студио, каде што може да снимаат содржини, пренесува „Н1“.
Затворениците, како што стои во написите, добиваат и две партнерски посети секоја недела, кои може да ги поминат во соби без прозорци и надзор. Во овие соби постелнината е чиста, секоја има сопствена бања, со крпи и кондоми.
Нивните семејства исто така може да дојдат и еднаш на секои три месеци да престојуваат во посебна дрвена колиба, која има и соби за деца и градина полна со детски играчки.
Затвореникот Амунд објаснува како изгледа животот во најлуксузниот затвор на светот.
„Тие треба да бидат информирани за правилата, а потоа жените и девојките доаѓаат со своите деца една или две ноќи за време на викендот. Се работи за повторно поврзување на затворениците со своите деца. Можеби некои немаат вградена врска долго време“, рече тој.
Луксузниот објект, кој е принуден дом за 252 криминалци, е намерно изграден за воопшто да не личи на затвор, пренесуваат медиумите.
Норвешките затворски власти тврдат дека оваа средина помага да се намали и онака многу ниската стапка на криминал во земјата.
Норвешкиот уметник Долк, кој насликал мурал во „Халден“ вреден над милион евра, рече:
„Во норвешкиот затворски систем, фокусот е на човековите права и почитувањето. Не гледам ништо од ова како необично. Кога ќе дојдат во затвор, многу од нив се во лоша состојба и сакаме да ги подигнеме, да им дадеме самодоверба преку образование и работа и да заминат како подобри луѓе“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.