Регион
Две групи млади се скарале, па извадиле оружје: Пресметка во локал во Приштина
Кастриот Рамадани (39) им подлегна на повредите и почина по синоќешното пукање во кафеана во Приштина, во која беа повредени 16 лица.
Докторот Шаќир Ука од Клиниката за интензивна нега за косовските медиуми потврди дека се работи за 39-годишен маж.
„Еден од повредените почина синоќа. Тој беше 39-годишен маж. Беше на интензивна нега, му беше извршена хируршка интервенција, но за жал утрово почина од тешките повреди“, изјави Ука.
Во престрелката што се случила синоќа во кафуле во центарот на Приштина, не се знае точно колку лица се повредени. Индекс онлајн пишува дека четворица се повредени од огнено оружје, а останатите се повредени во тепачка и од скршено стакло. Повредените се на возраст од 20 до 39 години. Оттаму соопштуваат дека се повредени 21 лице.
Како што пишува Коха, меѓу повредените има и 14 девојки, кои имаат повреди како последица на кршење чаши и шишиња.
На пукањето ѝ претходела расправија меѓу две групи млади момчиња.
Индекс онлајн вели дека жртвата е Кастриот Рамадани (39).
„Во овој случај во моментов се идентификувани најмалку двајца осомничени, а се работи на откривање на други можни осомничени“, наведуваат од полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.