Свет
Најскапата плажа во Грција е на Миконос: листа на плажи, каде што една вечер чини стотици евра
Плажата „Платис Гијалос“ на грчкиот остров Миконос е една од најскапите во светот, пишува Travel Mag.
Оваа плажа е на седумнаесеттото место на листата на најскапи плажи за посета, а најевтиното сместување во двокреветна соба во блискиот хотел или гостилница чини во просек 270 евра за ноќ.
Миконос е еден од најпопуларните острови што ги посетуваат туристите кога доаѓаат во Грција. Познат по своите прекрасни плажи, островот е омилено место за оние што бараат место за одмор.
Истражувањето на Travel Mag опфати глобални дестинации, кои исполнуваат одредени критериуми, тие мораа да се пофалат со најмалку дваесет хотели и гостилници и да имаат барем една плажа. Предвид е земена и цената на сместувањето околу плажата.
Списанието ја пресмета просечната цена на најприфатливата двокреветна соба во секоја дестинација за август 2023 година. За да се обезбеди квалитет, земени се предвид само хотелите со минимална оцена од три ѕвездички и лоцирани во близина на центарот на градот.
На врвот на листата води Нантакет Таун, кој се наоѓа на островот Нантакет, јужно од Кејп Код во Масачусетс (САД), со просечна цена за ноќевање од 650 евра. Следува Позитано, сместено на брегот Амалфи во јужна Италија, каде што просечната цена за ноќевање е 437 евра за ноќ. Монтаук, село на полуостровот Лонг Ајленд (САД), е на третото место со просечна цена од 434 евра за ноќевање за најевтината двокреветна соба.
Забележливо е дека американските држави доминираат на листата со единаесет од дваесетте најскапи дестинации на плажа.
Другите девет дестинации се во Европа.
Регионот на Нова Англија е претставен со пет дестинации: Нантакет Таун, Кенебанкпорт, Провинтаун, Бар Харбор и Портланд. Сен Тропе, реномираното француско одморалиште, го обезбедува четвртото место како четврта најскапа плажа во светот, со просечна цена за ноќевање од 400 евра. Монако, град држава лоциран на француската ривиера, исто така се најде на листата, рангирана на деветтото место според трошоците. Италија има четири града на плажа на оваа листа: Позитано, Капри, Амалфи и Санта Маргерита Лигуре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с