Македонија
(Видео) Нема теоретска шанса ова да помине, кажавме не за повторна игра на стапот и морковот, рече Мицкоски за уставните измени
![](https://makfax.com.mk/wp-content/uploads/2023/08/Screenshot-2023-08-19-at-12.30.21.jpg)
„Нема теоретска шанса да помине“. Ова е последниот став на лидерот на ВМРО-ДПМНЕ, Христијан Мицкоски, ден по првата собраниска седница за уставни измени. Тој кажа дека Македонија сега е и во политичка криза. Според него, нема избор за тоа дали ќе сме со западот, бидејќи тоа е манипулација. По цена на себеодрекување, нема во ЕУ, посочи Мицкоски и додаде: „Не за влегување во повторната игра на стапот и морковот“, осврнувајќи се дека мора да има гаранции дека нема да има нови условувања.
„Од вчера е совршено јасно дека уставни измени под бугарски диктат нема и нема да има. Нема потклеклување кога е во прашање достоинството на народот и Македонија. Со вчерашната слика завршува една неславна генерација на политичари. Тие се континуитет на една лоша 30 годишна традиција во Македонија, на поединци кои се богатат на грбот на напатениот народ. Ова е целата суштина“, кажа Мицкоски.
Тој смета дека договорот со ЕУ е лош, а е прифатен само од власта.
„Овие луѓе се лоши и за меѓународната заедница. Се што ветија не можат да исполнат, а не можат бидејќи целта не беше иднината на граѓаните. Османи се грижеше за Албанија, а Ковачевски и Пендаровски како да останат на фотелјите. Нема цена под која ќе се сложам за бугарски диктат“, рече Мицкоски.
Предлогот кој доаѓа од граѓаните е македонски предлог, а не овој, смета претседателот на ВМРО-ДПМНЕ.
„Тој криејќи го предлогот, шверцерски и тајно, како што и беше поставен, договори и стави потпис на нешто за кое македонските граѓани не го поддржаа. Македонски предлог даваат граѓаните“, додаде Мицкоски.
Тој посети на низа скандали кои ја следеа СДСМ, но и ДУИ додека владеат.
„Многу се уплашени за нивните лични судбини“, додаде Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.