Македонија
(Видео) Илиески: СДСМ презема иницијатива за буџет на Битола по мерка на граѓаните
„На предлог на СДСМ и коалицијата, Советот на Општина Битола донесе одлука со која започнуваат со работа работните групи кои ќе го изработат ребалансот на буџетот. Во него ќе бидат содржани сите амандмани што советниците ги изгласаа едногласно пред повеќе од еден месец, а кои градоначалникот Тони Коњановски не сакаше да ги вклучи во буџетот на општината“, рече денеска на прес-конференција Менде Илиески, координатор на советничката група на СДСМ во Советот на Општина Битола.
„Инаетот на Коњановски уште еднаш е поразен во општинскиот совет на Битола. Битолчани ќе добијат буџет со проекти за изградба на капитални објекти, а не желботека на Коњановски и ДПМНЕ за задоволување на нивните лични и партиски интереси! За својата неспособност Коњановски ги обвинува советниците. Се расправа со неистомислениците и нема никаков капацитет за соработка во интерес на Битола. На општинската администрација ѝ забрани да комуницира со нас, советниците без негово одобрување. Негови најблиски соработници се закануваат на советници. Тоа е вистинското лице на Коњановски и ДПМНЕ! Во Битола се вратија најцрните денови на груевизмот“, вели Илиески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина поранешниот пратеник на СДСМ, Миле Андонов
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.