Спорт
(Видео) Шампионот Наполи пак сигурен, Џенова го шокираше Лацио
![](https://makfax.com.mk/wp-content/uploads/2023/08/F4kEmS8WMAAgEwS-e1693168956202.jpg)
Шампионот Наполи ја забележа и втората победа во второто коло во италијанската Серија А, триумфирајќи над Сасуоло со 2:0 во меч во кој Елиф Елмас доби шанса во 83. минута кога победникот беше решен, додека повратникот во елитата, Џенова стигна до изненадувачка 1:0 победа на „Олимпико“ кај Лацио.
Виктор Осимен ги донесе „партенопеи“ во водство во 16. минута со гол од пенал, а домаќините добија уште еден пенал во 60. минута, но Џовани Распадори не успеа да зголеми на 2:0. Сепак, печат на победата стави Џовани ди Лоренцо во 64. минута по асистенција на Квича Кварацхелија.
Во Рим, голот на Матео Ретегуи во 16. минута беше доволен Џенова да замине со три поени и да го втурне Лацио во мини-криза по двата порази на стартот на сезната.
СЕРИЈА А, 2.КОЛО
Наполи – Сасуоло 2:0
Лацио – Џенова 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
И судиите имаат свои навивачи
![](https://makfax.com.mk/wp-content/uploads/2024/06/1719580314-GettyImages-2157841273-900x600-1.jpg)
На Европското првенство во Германија свои навивачи имаат и судиите.
Навивачите на различни начини го слават годинешното Европско првенство, но има и четворица Французи кои на необичен начин дојдоа во центарот на вниманието.
Шкотите ја преплавија Германија и ги воодушевија сите што ги сретнаа таму.
За „лалињата“ од Холанѓаните нема потреба да се трошат зборови,
Што да се каже за Турците, едноставно ова се навивачи кои може да ги посака секој.
Но се чини, најинтересни се четворицата Швајцарци, кои се навивачи на сите судии на ЕП.
Облечени во судиски дресови со транспаренти „Без судии, нема партија“, „Судија, твој дрес те молам“ го бодреа Хесус Жил Манцано.
А потоа реагираше и УЕФА. Ги покани да се сретнат со некои од омилени учесници на европското првенство и им подари комплетна опрема на Сидијан.
Спорт
Џудистот Шерифовски патува за Париз
![](https://makfax.com.mk/wp-content/uploads/2024/06/edi-1.jpg)
Со заедничка одлука на Меѓународниот олимписки комитет и Меѓународната Џудо Федерација, врз основа на постигнатите резултати и постоечките правила, најдобриот македонски џудист, Еди Шерифовски (категорија -81 кгр) ќе учествува на Олимписките игри Париз 2024.
Со ова продолжува трендот на континуирано учество на македонските џудисти и џудистки, имајќи во предвид дека ова се трети Олимписки игри по ред на кои учествуваат најдобрите македонски спортисти и спортистки во Џудо.
Претходно Катерина Николовска во РИО 2016 и Арбреша Реџепи ТОКИО 2020 учествуваа на Олимписките игри, а сега и Еди Шерифовски.
Силно веруваме дека Еди ќе го пружи своето најдобро во Париз и дека заедно со својот тренер Горан Мицковски ќе постигнат одличен резултат на претстојните Олимписки игри.
Спорт
Сантос останува во КК Црвена звезда
![](https://makfax.com.mk/wp-content/uploads/2024/06/e9346b41-yago-dos-santos-crvena-zvezda-partizan-belgrade-euroleague-regular-season-round-five-950x500-1.jpg)
Бразилскиот плејмејкер Јаго дос Сантос го продолжи договорот со белградска Црвена Звезда до 2027 година.
МВП. на финалето на АБА лигата останува во редовите на црвено-белите и покрај претходните најави дека би можел да го напушти клубот и да се пресели во Русија.
Во својата дебитантска сезона во Евролигата, Јаго настапи на 28 натпревари и имаше просек од 9 поени, 2 скока, 4 асистенции и 0,5 украдени топки.
Во регионалното натпреварување тој имаше просек од 10,6 поени за 21 минута, имаше 2,4 скока и 4,4 асистенции со корисен индекс 13.
На Мундобаскетот на Филипините, Јапонија и Индонезија настапуваше за репрезентацијата на Бразил.