Забава
Принцот Хари: „Морав да барам помош“
Принцот Хари во документарниот филм The Me You Can’t See („Јас, кој не го гледате“) признава дека се борел со темни мисли во животот како член на британското кралско семејство.
Дома никогаш не бил охрабрен да зборува за своите проблеми. Неговите напади на паника на крајот ќе доведат до експерименти со алкохол и лекарства. На крајот, Меган Маркл била таа што го посоветувала да побара стручна помош.
Документарецот на тема ментално здравје е прв во кој војводата Хари дебитира како холивудски продуцент, а го изработи заедно со водителката Опра Винфри.
Во филмот, кој премиерно беше прикажан во мај 2021 година, Хари зборува на повеќе теми поврзани со своето минато, за погребот на својата мајка, принцезата Дијана, за сопругата Меган и за психотерапијата, која му помага.
Интересно е што некои медиуми сега, две години подоцна, се навраќаат на неговата исповед.
Принцот посетува терапевт веќе неколку години, а се соочува со анксиозноста од својата 12-годишна возраст кога почина принцезата Дијана.
„Во моите рани дваесетти години си реков дека не го сакам ова, не ја сакав круната, не ја сакав оваа работа затоа што видов што ѝ направија на мајка ми“, вели тој.
Хари ги обвинува членовите на своето семејство за потиснување на емоциите кога имал потреба од разговор, а тоа се случило и кога Меган минувала низ тежок период.
Сите од кралското семејство одбивале да помогнат и инсистирале тоа да се чува во тајност. Хари открива дека нивната незаинтересираност за неговата ментална состојба, како и таа на Меган, е една од главните причини за заминување на двојката во САД.
The Me You Can’t See е составен од пет дела, а покрај Хари, се појавуваат и Глен Клоуз и Лејди Гага, како и 14 експерти за ментално здравје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Лејди Гага за гласините дека е маж: Еве зошто никогаш не зборував за тоа
Лејди Гага се појави во втората епизода на Што е следно? Иднина со Бил Гејтс и зборуваше за гласините што ја следеа на почетокот на нејзината кариера. Во тоа време, едно од најчестите тврдења беше дека 38-годишната пејачка всушност е маж.
Во 2011 година, таа изјави за Си-ен-ен: „Зошто, по ѓаволите, ќе го губам своето време испраќајќи соопштенија за печатот за тоа дали имам или немам пенис? На моите обожаватели не им е гајле, а ниту на мене“.
lady gaga talks about her crazy rumor that she was a man (2024) pic.twitter.com/53ERX4rAi4
— Gaga Crave 🌷 (@AMENARTPOP) September 18, 2024
Сега после 13 години повторно ја допре таа тема.
„Кога бев во раните дваесетти, се шушкаше дека сум маж. Отидов низ целиот свет, правев турнеи, промовирав албуми и речиси во секое интервју ми кажуваа дека има гласини дека сум маж и ме праша што имам да кажам за тоа. Причината што не одговорив на прашањето е што не се чувствував како жртва на таа лага“, изјави Гага.
„Но, размислував за тоа. Што е со дете кое е обвинето за такво нешто, кое би помислило дека јавна личност како мене треба да се срами? Имаше фотошопирани фотографии на Интернет и луѓето велеа: „Знаете дека постои гласини дека си маж што имаш да кажеш на тоа?“, се присети Гага.
„Сум била во ситуации кога корегирањето на гласините не било во најдобар интерес – размислував за доброто на другите луѓе. Затоа во тој случај се обидов да бидам провокативна на друг начин. Се обидов да користам дезинформации“, заклучил музичарката.
Забава
Џастин Бибер шокиран од обвинувањата против Диди, тврди дека немало да соработуваат доколку тој знаел
Џастин Бибер жали што соработувал со Шон „Диди“ Комбс пред помалку од една година. Тој тврди дека никогаш не би го направил ова доколку знаел за наводите кои излегоа на виделина, пишува Дејли Мејл.
„Тој беше вклучен на последниот албум на Диди, и ако знаеше нешто од ова, нема шанси да го стори тоа“, тврди изворот. Бибер сè уште бил дете кога се спријателил со Комбс, појавувајќи се на неговиот албум од 2023 година The Love Album: Off the Grid со песната Moments.
По објавувањето на албумот во октомври, Бибер размислуваше за неговата прва средба со Комбс. „Се сеќавам дека отидов во канцеларијата на брат ми Диди за да му пуштам песна што му ја напишав кога имав 14 години“, напиша тој на Инстаграм.
Во март повторно се појавија стари снимки од Бибер и Комбс, набргу откако полицијата упадна во домовите на Комбс во Мајами и Лос Анџелес. Во една од нив, Комбс е виден како стои до 15-годишниот Бибер и вели дека „ќе поминат 48 часа заедно и ќе направат нешто што не може да го открие“.
Видеото објавено на социјалните мрежи оваа година предизвика голем број критики и загрижености.
Забава
Меланија Трамп за своите разголени фотографии: Гордо стојам зад нив
Меланија Трамп наскоро ќе објави мемоари, во кои ќе споделува лични приказни и семејни фотографии. Во оваа прилика таа објави видео на Х и се наврати на нејзините разголени фотографии кои ги направила додека се занимавала со манекенство.
https://t.co/ZCTwZSqZND pic.twitter.com/FH9SRFQeUR
— MELANIA TRUMP (@MELANIATRUMP) September 18, 2024
„Зошто гордо стојам зад моите голи фотографии? Мислам дека поважното прашање е зошто медиумите избраа да се фокусираат на тоа. Дали веќе не можеме да ја цениме убавината на човечкото тело? Низ историјата, уметниците го обожаваа човечкото тело , предизвикувајќи длабоки емоции и восхит Треба да го почитуваме нашето тело и да ја прифатиме безвременската традиција на користење на уметноста како моќно средство за самоизразување“, рече сопругата на Доналд Трамп.
Пред помалку од два месеци, никарагванско-американскиот политички стратег и коментатор Ана Наваро објави голи фотографии од Меланија Трамп. Иако Наваро е член на Републиканската партија, таа е гласен критичар на републиканскиот претседател Доналд Трамп и неговиот тим.
View this post on Instagram
„Некои републиканци дадоа одвратни сексуални коментари за Камала Харис на ТВ и на социјалните мрежи за да ја направат нејзината историја на љубовни врски сомнителна. Само напред. Сакате да го направите сомнително? Еве ви. Никогаш не сум видел голи слики од Камала Харис или нејзиниот сопруг“, напиша Наваро на својот Инстаграм.
Фотографијата на голата Меланија е направена во јануари 2000 година за магазинот GQ. Словенката е сликана како лежи на крзнениот тепих облечена во дијамантски ѓердан, нараквици и црни потпетици додека е врзана со лисици на актовката на Доналд Трамп во неговиот приватен авион.