Европа
(Видео) Драматична снимка од невремето во Шпанија: насекаде има поплава, три лица се водат за исчезнати
Ообилните врнежи предизвикаа големи поплави во централна Шпанија во неделата и рано утринава.
Во текот на денот на социјалните мрежи се шират драматични видеа од цела Шпанија, а едно од највознемирувачките е од метрото во Мадрид.
Како што може да се види на видеото објавено на социјалната мрежа Твитер (платформа Х), патниците на метрото снимиле морничава глетка – вода се слева по вратата и навлегува во вагонот со голема брзина.
Heavy floods hit Madrid Metro.
Le Mumbai Local : bus itne mein hawa nikal gayi! 😂😂 pic.twitter.com/4HT9GSP9ro
— The Poll Lady (@ThePollLady) September 4, 2023
Со оглед на тоа дека дождот паѓаше се посилно, а возилото се полнеше со вода, патниците во паника избегаа на другиот крај на метрото.
„За момент помислив дека ќе треба да почнам да нуркам“, се наведува во описот на видеото.
Некои снимки покажуваат поплавени улици и порој од вода што носи се’ пред себе. Се гледаа делови од мебел како лебдат по улиците, цели градби се уриваа, контејнери и автомобили пливаа.
Ненадејните дождови ги претворија улиците во реки од кал во областите Мадрид, Кастиља-Ла Манча, Каталонија и Валенсија.
Во многу области падна град, пренесува Ројтерс.
Две лица загинаа во рурална област околу Толедо, изјави портпаролот на полицијата.
Еден човек и неговиот син исчезнале кога нивниот автомобил паднал во реката Алберче во градот Алдеа дел Фресно во регионот на Мадрид, а момчето било спасено.
Потрагата е во тек по 54-годишна жена и 83-годишен маж, додава Ел Паис.
Неколку патишта во областа Мадрид беа затворени, а неколку мостови се урнаа поради излевање на водата од бреговите на реките.
Во центарот на Мадрид денеска беа откажани и неколку линии на метрото, но повеќето беа обновени во поголемиот дел од градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Макрон: Идеите на екстремната десница се шират во Европа
Францускиот претседател Емануел Макрон предупреди денеска во Дрезден за ширењето на екстремната десница во Европа и повика на дополнителна помош за Украина бидејќи се работи и за безбедноста во Европа.
„Секаде во нашите демократски општества, идеите кои доаѓаат од екстремната десница се шират. Овој корумпиран ветер се шири низ Европа, тоа е реалноста. Конечно мораме да се разбудиме“, рече Макрон во својот говор пред реновираната катедрала во Дрезден, кој беше целосно уништен во сојузничкото бомбардирање.
На вториот ден од неговата тридневна посета на Германија, во својот говор, Макрон се осврна конкретно на Унгарија, каде што „европските пари се добредојдени“, но не се почитува независноста на судството и медиумите.
„Постои фасцинација од авторитарните режими. Само неколку километри од нас. Но, Европа не е себична, туку заедничка база на вредности и култура на индивидуална и политичка слобода“, рече Макрон.
„Она што е загрозено во Украина е безбедноста на Европа. Ниту Франција, ниту Германија не се повеќе безбедни ако во Украина победи владеењето на посилните“, рече Макрон.
Тој рече дека имајќи го предвид големиот скептицизам, особено кај граѓаните на Источна Германија, во однос на помошта за Украина, дека заедничкиот европски однос кон ова прашање е клучен.
„Ние не водиме војна против рускиот народ, но исто така не можеме да дозволиме авторитарен, ревизионистички режим како оној во Москва да и се заканува на Европа“, рече Макрон.
Тој уште еднаш ја истакна потребата да се подигне одбранбената подготвеност на Европа и да се стави крај на силното потпирање на САД. Макрон ја започна својата тридневна државна посета на Германија во неделата со средба со германскиот претседател Франк-Валтер Штајнмаер, а во понеделникот продолжи со положување венец на споменикот на Холокаустот и говор во Дрезден.
Посетата завршува утре со средба со германскиот канцелар Олаф Шолц и заедничка средба на германската и француската влада.
Европа
Франција: ученик нападнал професорка со нож на час, се обидел да побегне
Денеска 18-годишен ученик со нож нападнал професорка за време на час по англиски јазик во училиште на западот на Франција, јави телевизијата БФМ.
Средношколецот по нападот се обидел да побегне, но бил приведен.
Професорката се здобила со полесни повреди на лицето, пренесуваат француските медиуми.
Извор близок до истрагата вели дека професорката неколку минути пред нападот разговарала со ученикот за неговото неодамнешно неколкудневно отсуство, пренесува Танјуг.
Европа
Полска го ограничува правото на слободно движење на руските дипломати
Полска ќе воведе ограничувања кога станува збор за движењето на руските дипломати на нејзина територија поради вмешаноста на Москва во хибридната војна против Европската унија, изјави денеска министерот за надворешни работи Радослав Сикорски.
Односите меѓу Полска и Русија се затегнати по избувнувањето на конфликтот во Украина во 2022 година.
Варшава ја обвинува Москва и за шпионски активности и саботажа на територијата на Полска, пренесува Ројтерс.
„Се надеваме дека Руската Федерација ќе го сфати ова како многу сериозно предупредување“, изјави Сикорски за новинарите во Брисел.
Тој додаде дека руската амбасада во Варшава ќе биде известена за оваа одлука и дека ограничувањата за движење важат за целиот персонал во амбасадата и конзулатите, освен за амбасадорот.