Регион
(Видео) Невидена бура го поплави Балканот: најмалку пет мртви во Грција, Бугарија и во Турција
Силната бура што ги погоди Грција, Турција и Бугарија и предизвика поројни поплави однесе најмалку пет животи.
Во Грција полицијата го забрани сообраќајот во градот Волос, блискиот планински регион Пелион и на островот Скијатос бидејќи рекордните врнежи однесоа најмалку еден живот.
Противпожарната служба соопшти дека едно лице загинало во близина на Волос. Пет лица се водат како исчезнати.
Властите испратија предупредувања до мобилните телефони до жителите на другите области на централна Грција, синџирот острови Споради и островот Евија да останат дома.
🔔ΠΡΟΣΟΧΗ ΕΝΤΟΝΑ ΚΑΙΡΙΚΑ ΦΑΙΝΟΜΕΝΑ ! 👮♂️ΑΚΟΛΟΥΘΟΥΜΕ ΤΙΣ ΟΔΗΓΙΕΣ ΤΩΝ ΑΡΧΩΝ ! pic.twitter.com/iyfjai7oOf
— Ελληνική Αστυνομία (@hellenicpolice) September 5, 2023
Забраната за движење со автомобили, која ги опфаќа сите, освен итните служби и возилата за помош на пат, ќе остане во сила додека не се смири невремето, соопшти полицијата.
Сепак, некои возила беа однесени во морето од поројните струи.
Блокирани села во Пелион, поплавена болница во Волос
Многу села во Пелион претрпеа огромни штети и останаа блокирани.
Реките се излеаја и се претворија во порои, патиштата беа преполовени, мостовите се уриваа, а плажите беа полни со автомобили однесени од водата.
#antireport#BREAKING
Ξεβράζονται πλέον αυτοκίνητα στη θάλασσα στον Άγιο Ιωάννη Πηλίου. Σε εξέλιξη η καταστροφή από τις πλημμύρες στο Βόλο. #Greece #Βολος #μαγνησια pic.twitter.com/9KcyUJC72P— V E L O C I T Y 🏴 (@Sacco_69) September 5, 2023
Метеоролозите предупредија на најобилните врнежи досега во Грција. Само Загора имала повеќе од 500 милиметри дожд во еден ден кога годишното количество врнежи во Атина е околу 400 милиметри. И покрај тоа, размерите на штетите се застрашувачки и се поставуваат многу прашања за тоа како и до кој степен Грција може да се зајакне против екстремните настани.
Како што постојано предупредуваа метеоролозите за интензитетот на појавата, Агенцијата за цивилна заштита побара од градоначалниците и гувернерите од регионот навремено да ги информираат граѓаните. Извори од МВР велат дека имало најави од градоначалникот за информирање на граѓаните. Сепак, особено во Пелион, каде што сè уште има туристи во селата, „беше многу тешко да се евакуира сè пред избувнувањето“, рече локален претставник.
One of Greece’s most iconic mountain resorts, Makrynitsa, devastated by storm Daniel a few hours ago. Houses literally tumbling down the hill. Dead and missing reported #ClimateCrisis #ClimateEmergency pic.twitter.com/N2aFCamrP6
— George Tsakraklides (@99blackbaloons) September 5, 2023
Болницата во Волос беше поплавена бидејќи луѓето беа евакуирани од зградите во гумени чамци во центарот на градот, а нивото на водата се зголеми повеќе од еден метар на улиците.
Кога обиколницата била поплавена, неколку луѓе ги оставиле своите автомобили во потрага по безбедно место. Домот за стари лица во Волос, кој се наоѓа во населбата Агија Параскеви, во близина на брегот на реката Крафсидонас, доцна попладнето е евакуиран бидејќи бил опкружен со вода, а старото крило се срушило.
Пелионските села не можеле да комуницираат меѓу себе бидејќи на сите патишта во планините паднале дрвја и столбови за струја. На чистењето во исклучително тешки услови работеа екипи од регионот, општините и приватници.
A bridge in the Kala Nera of Pelion was destroyed by the torrential waters. South Pelion remains blocked.#πηλιο #βολος #ΚΑΚΟΚΑΙΡΙΑ_DANIEL #Μαγνησια #Volos #greeceflooding #κυβερνηση_Μητσοτακη #GreeceFloods #Greece #Thessaly #Agios #Nikolaos pic.twitter.com/Kf24E2VEhN
— Chaudhary Parvez (@ChaudharyParvez) September 6, 2023
Целосно отсечени села во Бугарија
Две лица загинаа во поплавите во општина Царево поради обилните врнежи од дожд, а три лица се водат како исчезнати и по нив трага итната помош, соопшти бугарското МВР.
Ова го потврди градоначалникот на бугарскиот град, Георги Лапчев.
„Во Царево никогаш немало такви врнежи. Веќе има големи штети. Едно село е целосно поплавено. Реката се влева во селото Кости и има делумна евакуација“, рече Лапчев, пренесе „Нова ТВ“.
Според него, повеќе од 100 луѓе се евакуирани.
Floods in Bulgaria. 🇧🇬#Bulgaria #Bulgarien #bulgari #България #flooding #Floods #Weather #Clima #eu #Bălgarija pic.twitter.com/flMdYszkXz
— BoughyOfficial 🇮🇹 🇩🇪 🇷🇺 🇹🇻 (@Boughyofficial) September 5, 2023
Полицијата претходно денеска соопшти дека трага по три лица, кои се исчезнати по обилните врнежи во областа Царево.
Во моментот се излеваат реките Карагац и Ропотамо. Патот после градот Созопол во јужен правец е затворен.
Градот Ахтопол и селата Варвара, Синеморец и Резово се целосно отсечени поради урнати мостови.
Како што јавија „Новините“, во општина Царево престана дождот, кој врнеше речиси 24 часа.
Најтешка е ситуацијата во кампот Арапја, каде што продолжува евакуацијата на луѓето.
Под вода е и кампот Оаза, како и селото Кости.
Поради интензивните врнежи, кои ги предизвикаа поплавите, општина Царево прогласи вонредна состојба.
Во моментот на територијата на општината работат неколку екипи на противпожарните служби во Бургас, Царево и Приморско.
Портпаролката на полицијата во Бургас, Цветелина Рандева, изјави дека на телефонскиот број за итни случаи 112 пристигнале голем број пријави за штети.
Во кампот Нестинарка поплавени се многу еднокатни згради. Група од 50-ина деца од второ до седмо одделение се заробени во хотел што нема струја, но се згрижени на високи катови.
Поради излевање на реката Велека, затворена е делницата од патот меѓу Варвара и Синеморец.
Турција: Поплава ги однесе камперите
Турскиот министер за внатрешни работи, Али Јерликаја, изјави дека две лица загинале, а четворица се водат како исчезнати кога поројниот дожд го зафатил местото каде што тие кампувале во провинцијата Киркларели, недалеку од границата со Бугарија.
#Turkey was hit by flash #flooding in Istanbul this evening following heavy storms. People found themselves trapped in #Başakşehir #NationalLibrary. #yagmur #Istanbul
pic.twitter.com/XCG8HC2rVY— Donato Yaakov Secchi (@doyaksec) September 5, 2023
Според него, во кампот во моментот на поплавата имало 12 лица.
Тој посочи дека спасувачките екипи пронашле две тела и дека продолжува потрагата по другите, кои се водат како исчезнати.
Телевизиските снимки покажаа дека спасувачите носат девојка и возрасен на безбедно од вода што во некои области била до половината. Еден главен пат исто така е оштетен и затворен поради дождот, јави телевизијата „Хабер Турк“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ одговори: Самиот влегов да ги посетам пациентите од пожарот во Кочани
Српскиот претседател, Александар Вучиќ, по прозивките во јавноста рече дека самиот влегол во Клиничкиот центар на Србија, во посета на повредените од Кочани.
„ Не мора никого да бркаат, еве веднаш и на обвинителите и нив да им соопштам, па јас сум тој. Гордиот Александар Вучиќ, кој учествуваше и чија идеја беше да се изгради и обнови Клиничкиот центар, да вложиме големи пари. И затоа што е толку модерен Клиничкиот центар, тие луѓе имаа каде да дојдат, а јас отидов да ги посетам“, рече тој одговарајќи на новинарско прашање во Париз.
Претходно студентите кои протестираат повикаа на итно покренување постапка за утврдување одговорност и разрешување на директорот на Универзитетскиот клинички центар на Србија, директорот на Ургентниот центар и началникот на Интензивна нега. Студентите истакнаа дека неовластени лица влегле на одделението за интензивна нега без заштитна опрема и ги снимале пациентите, со што грубо го загрозувале здравјето, правото на приватност и достоинството на пациентите, пренесоа српските медиуми.
И народниот правобранител на Србија, Зоран Пашалиќ изјави дека ќе ги истражи сите околности наведени во шестото барање на студентите, кои сакаат да утврдат кој им дозволил на претседателот на Србија, Александар Вучиќ и новинарите да влезат во одделението за интензивна нега.
По пожарот во дискотеката во кој загинаа 61 лице, дел од тешко повредените пациенти беа пренесени на лекување во Белград. Тие беа сместени во одделението за интензивна нега на Ургентниот центар на Универзитетскиот клинички центар на Србија (УКЦС), каде Вучиќ заедно со медиумски тимови ги посети на 17 март, по што беа објавени снимки.
Регион
Имаме голем сојузник во Франција, изјави Вучиќ по средбата со Макрон
Претседателот на Србија, Александар Вучиќ, по средбата со претседателот на Франција, Емануел Макрон, во Париз изјави дека светот влегува во проблематична ера која ќе трае, и дека добро е што Србија има голем сојузник во Европа, како што е Франција.
Вучиќ за новинарите изјави дека со Макрон разговарал за геополитичките прашања и ситуацијата во регионот и Србија.
„Разговаравме за многу прашања за европската иднина на Србија и ја замолив Франција да учествува на Експо 2027 во Белград, мислам дека ќе добиеме позитивен одговор“, рече Вучиќ.
Претседателот на Србија изјави дека најтешка тема била ситуацијата во босанскиот ентитет Република Српска (РС).
„Се борев да најдам компромисно решение, не можам да прифатам дека единственото решение е апсењето на (претседателот на РС Милорад) Додик. Тоа не е решение, тоа е создавање проблеми“, рече Вучиќ и додаде дека ги презентирал своите идеи за решение на кризата без да прецизира кои се тие.
Зборувајќи за блокадите и протестите во Србија, Вучиќ рече дека на Макрон му пренел како земјата издржала терор во последните четири месеци.
Студентите бараат одговорност од властите за смртта на 16 лица во несреќата во Нови Сад со блокади на факултетите и повеќемесечни протести.
Зад студентските барања застанаа универзитетски професори, просветни работници, земјоделци, адвокати и актери, заедно со граѓаните кои со месеци ги собираат на протестите.
Демонстрациите станаа симбол на поширокото незадоволство од владеењето на правото во земјата, заедно со прашањето дали негрижата и корупцијата на системот доведоа до несреќата во Нови Сад.
Регион
(Видео) Српската полиција приведе демонстрант и го стави во автомобил, тој излезе од другата врата
На социјалните мрежи се споделува видео снимено за време на вчерашниот протест во Нов Белград кога жителите протестираа против планираната изградба на хотел, голем супермаркет и кафуле веднаш до станбена зграда, пишува „Н1 Србија“.
Blok 4 dokle bre ???? pic.twitter.com/o0keHRNv38
— Nemiposmatrač 🇷🇸🇧🇷🇺🇲 (@mavkoo) April 8, 2025
На протестот, според написите, интервенира и полицијата.
На снимката се гледа како полицијата приведува маж, според написите, најверојатно еден од учесниците на протестот. Но, додека полицајците се расправале со насобраните граѓани кои протестираат, истиот човек излегол од полициското возило од другата врата.
Потоа мажот повторно се обратил до полицијата додека ја проверувале личната карта на друг учесник на протестот, но тие не ни забележале дека се работи за истиот човек, пренесува медиумот.
🔴 Трамп ги стопира царините на 90 дена за сите освен за Кина
Американскиот претседател Доналд Трамп штотуку објави дека ги суспендира царините на 90 дена за сите, освен за Кина. „Врз основа...
Германија го укинува забрзаното доделување државјанства, го ограничува и бројот на работници од Западен Балкан
Денес формираната владејачк црно-црвена коалиција на конзервативните демохристијани и социјалдемократите на Германија се согласила во коалицискиот договор да го откаже...
(Видео) Кажале дека бараат часовник што го изгубил затвореник додека си играл со кучката Цеца, а барале кокаин и марихуана во топка, кривични за штипски затворски полицајци
Директорот на Управата за извршување на санкции, Александар Пандов, поднесе кривични пријави против неколкумина затворски полицајци од затворот во Штип...
Определен 30 дена притвор за директорот на Геријатрија
Судот им определи 30 дена притвор на директорот на ЈЗУ Специјализирана болница за геријатриска и палијативна медицина во Скопје, Мухсин...
ССМ на состанок во Владата: Дојдовме да им кажеме на функционерите дека треба да живеат на минималец ако не ги зголемат платите
Делегација од Сојузот на синдикатите на Македонија (ССМ) точно напладне влезе на состанок со претставници од Владата. Претседателот на ССМ,...
Четворица од повредените лица во пожарот во Кочани денеска се враќаат од странство
Министерството за здравство информира дека денеска се враќаат четворица од повредените лица во пожарот во Кочани, кои се лекуваа во...
„Трошки за работниците наместо вистинско зголемување на платите, Владата ги извиси граѓаните“, велат од СДСМ
„Наместо вистинско и реално зголемување на платите, владата ги извиси работниците. Власта им фрла трошки на работниците со покачување од...
„Десетици нови дестинации од двата домашни аеродрома и преговори за десетина нови авиолинии“, велат од ВМРО-ДПМНЕ
„Владата предводена од ВМРО-ДПМНЕ работи на привлекување нови авиокомпании и нови авиолинии. Во фокусот е развој на авиосообраќајот и зголемување...
(Видео) Мециновиќ побара да не се носи закон за медиуми без дискусија со медиумите
„Јас барам точката седумнаесет, а тоа е предлог на Законот за изменувањето и дополнувањето на Законот за медиумите во прво...
ДУИ: Изјавите на Изет Меџити се шокантни и длабоко вознемирувачки
„Изјавите дадени вчера од Изет Меџити, еден од раководителите на една мала партија во рамки на владината коалиција, се шокантни...
Состојбата на другите четворица пациенти од пожарот во Кочани во „Пирогов“ и понатаму е сериозна, но стабилна, изјави Аргирова
Состојбата на другите четворица пациенти во „Пирогов“ сѐ уште е сериозна, но стабилна. Ова во „Денот почнува“ го изјави раководителот на...
„Сам нека си ги одгледува кокошките“: кинеските социјални мрежи преполни со пораки против Трамп
Додека Кина се подготвува за царини од 104 отсто на голем дел од извозот во Америка, на кинеските социјални мрежи...
(Видео) Се урна покрив на ноќен клуб во Доминиканската Република, загинаа најмалку 79 лица
Според последните извештаи, најмалку 79 луѓе загинале, а 155 се повредени при уривање на покрив на ноќен клуб во главниот...
Може ли Кина да ги издржи царините на Трамп за увоз од 104 проценти
Утрово стапија на сила рекордните американски царини за кинески увоз, кои ќе достигнат дури 104 отсто за многу производи. Некои...
Кандидатот на Трамп за шеф на НАСА: Мисијата на Марс е приоритет
Кандидатот на американскиот претседател Доналд Трамп за директор на НАСА, Џеред Ајзакмeн, рече дека вселенската агенција ќе даде приоритет на...
Во сила нов пакет-тарифи на Трамп, за Кина воведени царини од 104 отсто
Новиот сет на царини на Трамп стапи на сила утрово за приближно 60 земји ширум светот. Од 6 часот наутро...
ОН: Речиси 13.000 цивили убиени во Украина од почетокот на војната
Обединетите нации проценуваат дека околу 13.000 цивили се убиени од почетокот на војната во Украина, изјави во вторникот пред Советот...
Трамп: Ќе заработуваме 2 милијарди долари дневно од царини
Американскиот претседател Доналд Трамп вчера вечер, по потпишувањето на извршната наредба за јаглен, ги коментираше царините што ги воведува на...
Кој им дозволил на Вучиќ и новинарите да влезат кај пациентите од Македонија: студентите бараат одговорност
Народниот правобранител на Србија, Зоран Пашалиќ изјави дека ќе ги истражи сите околности наведени во шестото барање на студентите, кои...
Директорот на геријатрија зел 20.000 евра поткуп за да смести неподвижно лице
Заедно со посредник, директорот на болницата за геријатрија, Мухсин Арифи, барал и примил поткуп за сместување на болно и неподвижно...
