Свет
(Видео) Уништените брани, кои ја предизвикаа катастрофата во Либија, ги изградиле југословенски компании

Двете брани над градот Дарна во источна Либија, кои пукнаа и предизвикаа поплави со илјадници жртви, ги изградија југословенски компании. Браните изградени во 70-тите, веројатно, се многу лошо одржувани, пишува „Кликс.ба“.
Исто така, локацијата на само еден километар над градот не била соодветна за ваков архитектонски зафат. Градот Дарна во минатото доживуваше чести поплави и затоа владата одлучи да изгради брани за да го заштити. Големите поплави го оштетија градот на устието во 1941, 1959 и во 1968 година, а оние од 50-тите беа најразорни.
The scene of the dam after the flood in Derna.#Libya #Flood #derna pic.twitter.com/dT6fAZmmZ6
— JournoTurk (@journoturk) September 11, 2023
Во шеесеттите години на минатиот век беше создадена студија, која предлагаше изградба на брани, чија имплементација почна многу бргу. Поплавите од 1986 година беа надминати со новите брани и водата не стигна до градот.
Горната брана имаше капацитет од 1,5 милион кубни метри вода, а втората имаше капацитет до 22 милиона кубни метри вода.
Поранешната југословенска, сега српска компанија „Хидротехника-Хидроенергетика“, на својата веб-страница наведува дека меѓу 1973 и 1977 година изградила две брани и голем број објекти, како тунели, пумпни станици и акумулации во регионот на Дарна.
Сè требаше да се искористи за наводнување и водоснабдување на градот и околните села, како и за спречување поплави.
Заменик-градоначалникот на Дарна призна дека браните не се одржуваат од 2002 година. Гневот на јавноста беше поттикнат од тврдењата на социјалните мрежи дека средствата наменети за одржување на браната се пренасочени за други цели. Експертот за брани, Мухамед Ахмад, ги критикува во либиските медиуми „безбедносниот хаос и бавноста на либиските власти“ во однос на безбедносните мерки.
Според експертите, најверојатното сценарио за пробивање на браната е постепеното уривање, прво, на горната, а потоа и на долната брана.
Екстремните врнежи од дожд и начинот на кој е изградена браната придонесоа за катастрофата. Либиските брани се направени од материјали достапни во регионот, односно глина и камења.
Според Драган Савиќ, експерт со кој разговараше Би-би-си, овој тип на насип не се прелева, но по насипот, за разлика од бетонските насипи, често пропаѓа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Објавени снимки од училиштето во Грац: се слушаат истрели, седум ученици убиени

Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот.
Убиени се седум ученици и еден возрасен. Бројот на тешко повредени е двоцифрен, но точниот број сè уште не е официјално потврден. Според градоначалничката Елке Кар, напаѓачот е меѓу загинатите.
Се верува дека сторителот е поранешен ученик кој наводно отворил оган во две училници. Државната канцеларија за криминалистичка полиција започна истрага и бара мотив.
На социјалните мрежи е објавено видео од училница, на кое се слуша пукање.
Austria shooting – Here you can hear the shots in the Graz school.
Video shows gunshots heard in Graz school. The video was filmed in a classroom at the BORG.
Reports of 10 dead.
— Lord Bob Shit McShitface (@ShitMcShitface) June 10, 2025
„Незамисливо е што се случи денес во Грац. Како премиер на Штаерска и како татко, длабоко сум погоден од овој луд чин што донесе толку многу несреќа и неверојатно страдање“, рече штаерскиот премиер, Марио Кунасек.
Ein Video vom Spezialkommando in der Schule in Österreich in Graz bei der Evakuierung der Schule nachdem 8 Menschen bei einem Amoklauf getötet worden sind und zahlreiche Verletzte.#Amoklauf #Schule#Österreich#Tote #Spezialkommando #Großeinsatz #Graz#School #shooting… pic.twitter.com/es77Wd9xhv
— Politics World Wide Web (@PoliticsWWWeb) June 10, 2025
Најмалку 28 повредени лица моментално се лекуваат во болници. Најмалку четворица од нив се во исклучително критична состојба, некои жртви наводно биле застрелани во главата, објавува Кронен Цајтунг.
Осомничениот сторител наводно е 22-годишен поранешен ученик кој, според непотврдени информации, легално поседувал оружје – пиштол и пушка што ги имал со себе.
Еден од двата класа во кои пукал наводно е неговата поранешна училница.
Свет
(Видео) Детали за пукањето во училиштето во Грац: најмалку осум загинати, телото на напаѓачот пронајдено во тоалетот

Најмалку осум лица се убиени во пукотница во училиште во австрискиот град Грац.
Тамошните медиуми јавуваат дека бројни полициски единици, вклучувајќи ја и специјалната единица „Кобра“, биле распоредени на местото на пукотницата, која започнала околу 10 часот наутро.
Телото на напаѓачот е пронајдено во тоалетот
Graz:🕯Zahl der Toten steigt auf 11
Wie die 16-jährige Schülerin AUF1 exklusiv mitteilte, ist die Zahl der Toten auf elf gestiegen, so ein Rettungssanitäter gegenüber dem Mädchen. Schwerverletzte werden per Rettungshubschrauber in umliegende Krankenhäuser gebracht. Laut Polizei… pic.twitter.com/n2vGn8cLAb
— AUF1 (@AUF1TV) June 10, 2025
Ранетите се евакуираат со полициски хеликоптери.
Една наставничка се забарикадирала со своите ученици во училницата за да ги спаси, пишуваат медиумите во Австрија.
Според австрискиот „Курир“, напаѓачот си го одзел животот, а неговото тело е пронајдено во училишниот тоалет.
Полицијата не ја исклучува можноста друг напаѓач да учествувал во масакрот. Штаерската полиција потврди дека во нападот биле употребени неколку оружја, но деталите засега не се познати.
Јавноста е предупредена дека областа на училиштето не е безбедна.
Денешната пукотница се случи во пресрет на десетгодишнината од пукотницата во Грац на 20 јуни 2015 година. Тогаш беа убиени три лица.
Свет
(Видео) Пукање во училиште во Грац, има загинати: напаѓачот пукал во две училници

Грац, Австрија, моментално е под опсада по пукање во училиште, јавуваат светските агенции.
Локалните медиуми јавуваат дека има загинати.
BREAKING – The death toll has climbed to 8 in the school shooting in Graz, Austria, according to a report by Kronen Zeitung. https://t.co/RRHYhJJcn5 pic.twitter.com/3HHwHyLCf9
— Vanguard Intel Group 🛡 (@vanguardintel) June 10, 2025
Во Грац моментално е во тек голема полициска операција по нападот во училиште во градскиот округ Ленд. Досега се потврдени пет смртни случаи, јавува Krone.
Австриската станица ORF објави дека речиси еден час е во тек голема полициска операција, по пукањето.
Портпаролот на полицијата, Фриц Грундниг, изјави за ORF дека може да има жртви, додека ORF, исто така, јавува дека се верува дека осомничениот напаѓач извршил самоубиство.
Според полицијата, акцијата започнала околу 10 часот наутро. Наводно се слушнале истрели во училиштето, што полицијата го потврди. Потоа е вклучен алармот. Зградата моментално темелно се пребарува, според написите во светските медиуми.