Свет
ОН: Повеќе од 700 милиони луѓе не знаат кога повторно ќе јадат

Глобалната криза со глад остави повеќе од 700 милиони луѓе несигурни кога или дали повторно ќе јадат, а побарувачката за храна незапирливо се зголемува како што пресушува хуманитарната помош, рече шефот на Агенцијата за храна при Обединетите нации.
Извршната директорка на Светската програма за храна (WFP), Синди Мекејн, на седницата на Советот за безбедност на ОН рече дека поради недостиг на финансии, Агенцијата била принудена да ги намали оброците на храна за милиони луѓе и дека тие сè уште се намалуваат.
„Сега живееме со серија симултани и долгорочни кризи, кои ќе продолжат да ги поттикнуваат глобалните хуманитарни потреби“, рече таа додавајќи: „Ова е новата реалност на хуманитарната заедница – нашата нова нормала – и ќе се справиме со последиците во наредните години“.
Синди Мекејн, сопруга на починатиот американски сенатор Џон Мекејн, рече дека се проценува оти речиси 47 милиони луѓе во над 50 земји се на само еден чекор од глад, а се проценува дека страдаат околу 45 милиони деца на возраст под пет години од акутна неисхранетост. Според процените на WFP, од 79 земји, во кои работи Агенцијата, со седиште во Рим, до 783 милиони луѓе – секој 10-ти од светската популација – сè уште легнуваат гладни секоја вечер, пренесуваат агенциите.
Повеќе од 345 милиони луѓе се соочуваат со високо ниво на несигурност во храната оваа година, што е зголемување за речиси 200 милиони луѓе од почетокот на 2021 година пред пандемијата на Ковид-19, се наведува во извештаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Протести на Алјаска: „Не го сакаме Путин тука“

„Не го сакаме Путин тука. Нека ги повлече своите трупи од Украина. Алјаска стои со Украина“, велат демонстрантите во Анкориџ кои се собраа на улиците пред средбата меѓу Доналд Трамп и Владимир Путин.
🇺🇸🇺🇦 Happening right now: a big pro-Ukrainian rally in Anchorage ahead of the Trump-Putin meeting. “Ukraine and Alaska — Russian never again.” pic.twitter.com/Zx2VKVYW9G
— Ostap Yarysh (@OstapYarysh) August 15, 2025
Во Алјаска беа организирани 16 протести против средбата Трамп-Путин, а во Анкориџ, најголемиот град во оваа федерална држава, на улиците се собраа неколку стотици луѓе, објавува „Анкориџ дејли њуз“. Тие носеа украински и американски знамиња.
фото: принтскрин
Свет
Русија: Се надеваме на продолжување на конструктивните разговори со САД

Рускиот министер за надворешни работи Сергеј Лавров изјави дека Москва се надева на продолжување на „корисните и конструктивни разговори“ со САД.
Лавров рече дека очекува разговорите да продолжат денес во Алјаска. „Никогаш не правиме планови однапред. Знаеме дека имаме аргументи, јасна и разбирлива позиција и ќе ја презентираме“, рече Лавров.
Тој додаде дека многу веќе е постигнато за време на посетата на Стив Виткоф, кој зборуваше во име на претседателот Трамп, и дека за тоа зборувал и претседателот Путин. „Се надевам дека ќе го продолжиме овој конструктивен разговор“, заклучи Лавров.
Свет
Белата куќа го објави распоредот за средбата Трамп-Путин

Белата куќа го објави распоредот за средбата меѓу американскиот претседател Доналд Трамп и рускиот претседател Владимир Путин.
Во 6:45 часот наутро по источно време (11:45 часот наутро по македонско време), американскиот претседател треба да ја напушти Белата куќа за Анкориџ, Алјаска, каде што ќе се одржат разговорите.
Средба
Трамп и Путин треба да ги започнат своите разговори околу 11:00 часот наутро по локално време (21:00 часот по македонско време). Тие ќе се сретнат приватно, со присуство само на нивните преведувачи.
Враќањето на Трамп
Американскиот претседател планира да го напушти Анкориџ и да се врати во Белата куќа околу 17:45 часот по локално време (03:45 часот по македонско време).