Скопје
Герасимовски: Засилено полициско присуство во Центар по последните случувања во општината
![](https://makfax.com.mk/wp-content/uploads/2023/09/засилени-полициски-контроли-1.jpg)
Градоначалникот на Општина Центар Горан Герасимовски заедно со портпаролот на МВР Тони Ангеловски вечерва најавија засилено полициско присуство во Центар по последните настани во општината.
„Во следниот период ќе има засилени полициски контроли и присуство на полиција во регионот тука на Дебар Маало со цел превенција на насилство и деликвенција која често се случува во ноќните часови. Во оваа прилика сакам да апелирам и до граѓаните да што поактивно пријавуваат и алармираат можни нарушувања на јавниот ред и мир во МВР кои навремено ќе реагираат. До општината често стигнуваат поплаки како и до мене како градоначалник но вистинската адреса за брза реакција е МВР, а ние секогаш до нив итно ги препраќаме информациите кои ги добиваме од граѓаните“, изјави вечерва Герасимовски.
Герасимовски исто така упати апел и до родителите будно да ги следат децата и работат со нив на превенција од насилство, алкохолизирање и најважно злоупотреба на дрога која е огромна опасност кај младите. Додека портпаролот на МВР Тони Ангеловски пак посочи дека министерството за внатрешни работи на мерки и активности за зголемување на безбедноста на граѓаните.
„Работиме на превентивен план но и на репресивен план и сето она што го работиме дава резултати. Вечерва ја покажуваме соработката меѓу министерството и локалната самоуправа и целта е заеднички да придонесеме за уште поголема безбедност во Општина Центар. Договорено е засилено полициско присуство по неколкуте инциденти во општината но апелираме и до граѓаните доколку има било какво нарушување на јавниот ред и мир, доколку има било каква потреба слободно јавете се во полицијата и веднаш ќе бидат преземени соодветни мерки затоа што безбедноста на граѓаните е императив на општината“, изјави портпаролот на МВР Ангеловски.
Градоначалникот Герасимовски по пријава од родители за присуство на педофил како и други девијантни однесувања од малолетници вчера вечер одржа средба со поголем дел на родители чии деца учат во ОУ „Коле Неделковски“ на која договори потпишување на петиција до ресорните министерства за внатрешни работи, труд и социјална политика и за образование и наука поради загриженоста за безбедноста на децата во реонот на Дебар Маало.
Општина Центар известува дека ќе ја интензивира координацијата и комуникацијата со институциите со цел да се превенираат евентуални немили настани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Соработка меѓу Македонскиот олимписки комитет и Општина Ѓорче Петров: едукациски програми за наставниците по физичко и поддршка за спортистите
![](https://makfax.com.mk/wp-content/uploads/2024/06/МОК-1.jpg)
На мое големо задоволство, утринава во мојот кабинет гости беа претседателот на Македонскиот Олимписки Комитет Даниел Димевски и генералниот секретар Сашо Поповски, со кои се обврзавме на взаемна соработка во делот на едукацијата на наставниците по физичко образование, унапредувањето на можностите на спортските работници во општината, како и издигање на спортот на едно повисоко ниво, коешто ќе продуцира нови спортски подвизи и резултати, истакна Стојкоски.
Тој додаде дека бвеше одржан и работен состанок со сите наставници по физичко образование на територијата на општина Ѓорче Петров на кој е разговарано за аномалиите и недостатоците во развојот на спортот, како и во формирањето на нови млади спортски величини, кои треба да се репрезент на општината и државата.
– Реализиравме и обука на којашто присуствуваа наставниците и имаа можност преку разни искуства на Македонскиот Олимписки Комитет да дознаат повеќе околу тестирањето и скринингот на телесната конфигурација на спортистите, се со цел истите да бидат здрави во тренажните процеси и да бидат здрави млади луѓе кои ќе можат да го даваат својот максимум во спортот во кој се натпреваруваат, додава Стојкоски.
– Општина Ѓорче Петров ќе иницира интензивна соработка на ова поле, се со цел младите перспективни спортисти од нашата општина да ги имаат сите услови за работа, односно да бидат под мониторинг на едуцирани и професионални кадри, коишто секојдневно ќе бидат посветени на развојот и напредокот на спортистите, истакна градоначалникот Стојкоски.
– Младите и спортот се наш врвен императив, токму затоа ќе продолжиме во насока на афирмација и поддршка на спортот во Ѓорче Петров, завршува Стојкоски.
Скопје
Град Скопје: Советниците на ВМРО-ДПМНЕ, кои ветуваа нови екоавтобуси пред скопјани, веќе две години не го исполнуваат ветеното
![](https://makfax.com.mk/wp-content/uploads/2024/01/sednia-grad-skopje.jpg)
„Пред советниците на ВМРО ДПМНЕ, кои се власт во Советот на Град Скопје и мнозинство, 20. пат за гласање на следната седница е доставена предлог-одлука, со која треба да се обезбедат нови еколошки автобуси за скопјани. Јавниот превоз е во незавидна состојба откако автобусите за кои целокупната јавност гледа и реагира дека се децениски дотрајани треба да се заменат со нови, а советниците на ВМРО-ДПМНЕ, кои ветуваа нови екоавтобуси пред скопјани, веќе две години не го исполнуваат ветеното“, велат од Град Скопје.
„Градоначалничката на Скопје, Данела Арсовска, со цел советниците од ВМРО-ДПМНЕ да се охрабрат да гласаат за реализација на ветувањата што ги имаат дадено за нови еколошки автобуси, на секоја седница им предлага банката што ќе го финансира проектот, како и условите за набавка да ги изберат самите советници во рамките на Советот бидејќи оваа одлука може, единствено, тие да ја донесат и да се помогне скопјани да не чекаат ни минута повеќе на автобуските станици.
За унапредувањето на линискиот превоз на патници, да се обезбеди ефикасен и еколошки превоз што нема да загадува, неопходно е редовно обновување на автобусите, а досега, според програмата, требаше да се набавува секоја година по 50 автобуси за да се постигне квалитетот на превоз и услуги што граѓаните ги заслужуваат, но советниците на ВМРО-ДПМНЕ повеќе од две години не ја гласаат одлуката. Иако е доставена одлука за нови автобуси за следната седница, претседателот на Советот, Трајко Славески, спротивно на деловникот и статутот, воопшто не ја става точката на дневен ред за гласање, со што го зголемува незадоволството на скопјани поради дотрајаните автобуси. Единствена одговорност по повеќе од две години за недостигот на автобуси во јавниот превоз имаат советниците од ВМРО-ДПМНЕ, кои се власт и мнозинство во Град Скопје и од кои зависи дали ќе има нови екоавтобуси и подобар превоз.
Со реформирање на автобускиот превоз и сукцесивно обновување на возниот парк на ЈСП „Скопје“ со нови еколошки автобуси ќе се реши проблемот за кој граѓаните постојано се жалат за нередовни автобуси, но нивните реакции нема кој да ги слушне бидејќи советниците од ВМРО-ДПМНЕ, кои се власт и мнозинство во Град Скопје, не гласаат за набавка иако тоа го ветуваа пред граѓаните на локалните изборите во 2021 година.
Претседателот на ВМРО-ДПМНЕ, Христијан Мицкоски, и лично ги ветуваше новите автобуси за скопјани за кои дури најави и дека преговара со компанија за набавка на 100 електрични автобуси, но до сега повеќе од 2,5 години тоа ветување не се реализира, како ни неговото ветување за вкупно 250 нови автобуси од програмата за Скопје, која лично континуирано изјавува дека ја поддржува“, се наведува во соопштението на Град Скопје.
Скопје
Дел од Кисела Вода без вода
![](https://makfax.com.mk/wp-content/uploads/2022/10/slavina-cesma-voda-2.jpg)
Од ЈП Водовод и Канализација известуваат дека поради изведување на водоводен приклучок ф-200мм на ул. „Иван Козаров“ 6, прекинато водоснабдување ќе имаат корисниците од следниве улици:
„Иван Козаров“, „Киро Крстевски“, „Боте Боцевски“, „Марко Цепенков“, „Вера Јоциќ“ и „Божидар Аџија“, додека останатиот дел од населбата (односно потегот во близина на наведените улици) ќе биде со намален притисок од 08:30 часот до завршување со работните активности.
Сите овие улици се во општина Кисела Вода.