Скопје
Костовски: Бутел, конечно, добива плоштад
Денес, имам особена чест што во посета на Бутел е претседателот на ВМРО-ДПМНЕ, Христијан Мицкоски, заедно бевме на повеќе локации, бевме и на еден спортско-рекреативен центар, кој го отворивме пред неколку дена. Знаете дека во секое населено место имаме по еден спортско-рекреативен центар, а во моментот се наоѓаме на првото место, кое слободно може да го наречеме плоштад што го носи името „Слобода“, извести Дарко Костовски, градоначалник на општина Бутел.
„Конечно, општина Бутел добива едно место каде што ќе може луѓето да се собираат и да организираат манифестации на отворено. Не е ова ветениот плоштад што го најавивме пред изборите, ова е плоштад што не беше најавен, а е изграден, а најавениот ќе биде многу поголем и ќе се наоѓа на територијата на Бутел 1, веднаш до црквата ‘Свети Јован’ и се надевам дека набргу ќе почнеме со работа и таму.
Тоа што би сакал да го истакнам е дека плоштадот на кој се наоѓаме денес е со вредност од речиси 4 милиони денари и би сакал да истакнам дека следната недела, конечно, реализираме предизборно ветување повеќедецениско барање на граѓаните, а тоа е уредување и изградба на ново корито на реката Серава на потегот Радишани и ќе бидете известени за почетокот на изградбата“, рече градоначалникот на општина Бутел.
„Веднаш потоа ќе изградиме и трим-патека за рекреирање, така што, конечно, граѓаните на Бутел ќе добијат вистинско место за рекреирање на територијата на општина Бутел, проект вреден околу 40 милиони денари и навистина и јас и мојот тим се гордееме што реализиравме едно од клучните предизборни ветувања.
Училиштето во Визбегово ќе почне со работа од 1 октомври. Во завршна фаза е веќе и завршена градинката на територијата на општина Бутел, во моментот асфалтираме улици и до крајот на оваа година ќе има 60 нови асфалтирани улици за период од две години, што не било случај за 10 години.
Општина Бутел се менува и ќе продолжиме со посилно темпо, особено за периодот кога многу бргу ВМРО-ДПМНЕ ќе формира влада и за разлика од сега, кога немаме помош од централната власт, тогаш секако ќе имаме квалитетна помош за уште подинамично и поквалитетно да работиме на територијата на општина Бутел и секако претседателот Мицкоски како иден премиер со огромна поддршка на сите проекти што ќе треба во иднина да ги реализираме“, додаде градоначалникот на Бутел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Променливо облачно време со повремени врнежи од дожд
Променливо облачно со повремени врнежи од дожд, особено во источните делови. Наместа ќе има услови за појава на ретки грмежи. Ќе дува умерен до засилен ветер од југоисточен правец (над 60 km/h). Минималната температура ќе биде во интервал од 7 до 13, а максималната ќе достигне од 15 до 21 степен.
Во Скопје променливо облачно со повремени врнежи од дожд. Ќе дува умерен до засилен ветер од југоисточен правец. Минималната температура ќе се спушти до 12, а максималната ќе достигне до 19 степени.
Во петок ќе настапи преодно стабилизирање на времето со пораст на температурата. Од сабота кон крајот на денот повторно се очекува нестабилно време со локален пороен дожд и грмежи. Наместа процесите ќе бидат поинтензивни во форма на невреме.
Скопје
Делови од општина Карпош денеска без струја
ЕВН Македонија АД известува дека денеска без електрична енергија ќе останат делови од општина Карпош.
· во пеиодот од 09.00 до 15.00 часот дел од корисниците во село Горно Нерези во општина Карпош.
· во периодот од 09.00 до 14.00 часот корисниците од дел од улицата Ринхини и улицата Езерци – населба Влае во општина Карпош.
Скопје
Герасимовски: Пријавувајте проблеми со јавната чистота
Граѓаните може да пријават косење трева, реконструкција и санација на урбана опрема или собирање смет на јавните површини под надлежност на Општина Центар на телефонскиот број 076 350 767. Општина Центар и ЈП „Паркинзи на Општина Центар“ ги потсетуваат граѓаните дека проблемите поврзани со јавната чистота и други комунални проблеми може да ги пријават на општинските служби и хигиеничарите на ПОЦ да ги решат. Градоначалникот на општина Центар, Горан Герасимовски, известува дека досега на телефонската линија во ПОЦ се јавиле 159 граѓани кои побарале одредена услуга и за неа добиле решение.
„Ги повикувам граѓаните да ги пријавуваат проблемите. Хигиеничарите ги извршуваат своите дневни обврски по реони, меѓутоа свесни сме дека многу бргу по чистењето на одредена локација, пак може да се направи мала депонија или слично, затоа упатувам апел граѓаните да ги пријавуваат проблемите на телефонскиот број со цел службите побргу да ги решаваат проблемите со јавната хигиена. Во делот на урбаната опрема, службите на ЈП ПОЦ може да ги побарате и доколку во вашата околина има скршена клупа што треба да се реконструира, искршена лулашка или слично. Верувам дека ова ќе придонесе да имаме побрзи резултати и зголемување на јавната хигиена во општината“, повикува Герасимовски.
Герасимовски исто така праќа апел граѓаните да пријавуваат собирање кабаст отпад во сопствените домови, а не кревети, вц-школки и одредени габаритни работи да исфрлаат сами и тие да стојат на одредена локација со денови. Општината Центар потенцира дека доколку граѓаните бидат начекани дека оставаат кабаст отпад пред контејнерите, ќе бидат санкционирани од страна на комунален инспектор. Во меѓувреме, цистерната на ПОЦ неколкупати во неделата ги мие улиците и контејнерите со цел да ја отстрани непријатна миризба и да ги освежи улиците од насобрана прашина, информираат од Општината.