Македонија
Грковска: Соработката е клучен фактор за справување со хибридните закани и за побезбедна дигитална трансформација на општеството
![](https://makfax.com.mk/wp-content/uploads/2023/09/thumbnail_20092023_ZPVRSM_Grkovska-3.jpg)
„Со брзиот напредок во технологијата сајбер-безбедноста стана поважна од кога било порано, а одвивањето на процесот на дигитална трансформација треба да се сфати многу сериозно од сите страни. Во таа насока новото предлог-законско решение за Законот за безбедност на мрежните и информациските системи и дигиталната трансформација, кое вчера го разгледувавме на Националниот совет за дигитална трансформација на општеството со кој раководам, превидува формирање посебна агенција, која ќе биде надлежна за оваа проблематика“, истакна заменичката на претседателот на Владата задолжена за политики за добро владеење, Славица Грковска, на регионалниот дијалог за сајбер-политики, кој денеска се одржува во Скопје.
Вицепремиерката се осврна на напорите што нашата земја во изминатите години ги презема на ова поле целејќи кон создавање и зајакнување на капацитетите, координација на донаторската поддршка и меѓународна соработка, со која како држава ги зголемуваме способностите за справување со комплексните предизвици поврзани со сајбер-безбедноста.
Зборувајќи за хибридните закани што ги загрозуваат демократските општества и ја рушат довербата во регионот на Западен Балкан, Грковска се осврна на сајбер-нападите врз ИТ-инфраструктурата и дигиталните услуги, како и на дезинформациите што ги експлоатираат постојните разлики, шират страв меѓу граѓаните и пропагираат недоверба во демократските институции.
„Време е сите влади во регионот и сите фактори во нашите општества да стават поголем фокус на градење отпорност кон хибридното војување, сајбер-нападите и другите закани поврзани со штетните странски влијанија и дезинформациски кампањи. Пристапот, кој ги вклучува сите страни во општеството, е единствениот метод што може да даде резултати и затоа треба да се поттикнува соработката меѓу владите, медиумите и граѓанското општество, како и споделувањето практики и знаења на регионално ниво“, заклучи Грковска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.