Европа
Познат британски експерт за крокодили признал дека сексуално малтретирал кучиња

Познат британски експерт за крокодили се изјасни за виновен по 60 обвиненија за суровост кон деца и животни во Австралија, пренесуваат локалните медиуми.
На австралискиот суд му беше кажано дека Адам Бритон се снимал себеси како измачува десетици кучиња додека речиси сите не умреле.
Потоа ги објавувал снимките на интернет, каде што пристапувал и до материјали во кои се малтретирани деца.
Британецот, зоолог што правел емисии за Би-би-си и за „Нешнл џиографик“, набргу ќе биде осуден, пренесуваат светските медиуми.
Обвинителите пред судот презентираа докази против него, а бидејќи многу детали за злосторствата на Бритон биле премногу експлицитни, судијата Мајкл Грант им наредил на присутните да ја напуштат судницата.
Судијата рече дека е загрижен оти сослушувањето и презентирањето на фактите за случајот може да предизвика страшен шок, објавија локалните медиуми.
Бритон имал садистички сексуален интерес за животните од најмалку 2014 година, велат обвинителите, а освен што ги искористувал сопствените миленици, тој манипулирал и со други сопственици на кучиња, кои му давале свои.
Тој ја користел Gamtri, онлајн-платформа, за да најде луѓе што често бараат грижа за своите миленици поради патувања или работни обврски.
Тој посвоил некои од овие животни, а кога поранешните сопственици ќе го прашале за милениците, тој им кажувал лажни приказни и испраќал стари фотографии.
Тој малтретирал животни во бродски контејнер на сопствен имот, кој бил опремен со опрема за снимање.
Обвинителите тој објект го нарекоа соба за мачење, а Бритон објавил видеоснимки од грозоморни дела на интернет под псевдоними.
Така, едно од видеата на крајот било предадено на полицијата, која го уапсила во април 2022 година.
Од 42 кучиња што ги малтретирал во 18 месеци пред апсењето, 39 умреле.
Одреден му е притвор и повторно ќе се појави пред судот во декември кога ќе му биде изречена пресудата.
Роден во Западен Јоркшир, Бритон пораснал во Велика Британија пред да се пресели во Австралија.
Таму се занимавал со крокодили повеќе од 20 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.