Европа
(Видео) Ѝ подарил цвеќе, па ја избол до смрт, бесен што нема да се смират: детали за драмата пред трговскиот центар во Велика Британија
15-годишното девојче, кое почина кога беше избодено во автобус пред трговски центар во Кројдон, Велика Британија, претходно се расправало со својот убиец, поранешното момче, кое се обидувало да ѝ подари цвеќе.
Британските медиуми јавуваат дека осомничениот тинејџер со мачета му нанел смртоносни повреди на девојчето.
Сè се случило околу 8.30 часот кога девојчето одело на училиште. Лекарите бргу пристигнале на самото место и околу еден час се обидувале да му го спасат животот. Смртта била констатирана во 9.21 часот.
BREAKING: A 15-year-old girl has died after being stabbed in Croydon, south London.
Police were called to Wellesley Road at about 08:30hrs, but the girl later died at the scene.
Story here 👉 https://t.co/J6RJgwFciT
📺 Sky 501, Virgin 602, Freeview 233 and YouTube pic.twitter.com/abpYUqYIht
— Sky News (@SkyNews) September 27, 2023
Очевидец на крвавото злосторство рекол дека видел како се караат момчето и девојката. Слушнал како девојчето на убиецот му одговорило дека нема да биде повеќе со него.
„Тој стана насилен, а потоа извади долг нож, како мачета, меч, не знам, и почна да ја прободува“, изјави сведокот.
Други очевидци тврдат дека девојката одбила да ги прифати цвеќињата што момчето ѝ ги понудило пред убиството. Таа наводно му раскинала еден ден претходно.
„Неколку деца излегоа на станицата, а имаше момче и девојка, кои се расправаа. Тој држеше цвеќе и слушнав дека се расправаат“, изјави очевидецот.
Полицијата го приведе тинејџерот и се чека неговиот распит.
Работниците од околните локали велат дека сите избегале кога момчето извадило мачета и дека останал само возачот на автобусот.
„Видов крв како излегува од нејзиниот врат“, изјавил очевидец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.