Спорт
Клаузула во договорот не му дозволува на Адеми дадобие повеќе минути на теренот
Аријан Адеми пред еден месец се врати од Кина откако помина само шест месеци во Пекинг Гуан. Динамо со недели преговараше со Кинезите и го договори враќањето на капитенот во последните часови од преодниот рок. Динамо на Пекинг му плати 300.000 евра за македонскиот репрезентативец.
Динамо немаше време да го пријави Адеми за натпреварите од групата во Конференциската лига и тој сезонава ќе може да игра во Европа само доколку Динамо влезе во нокаут-фазата. Откако се врати во Динамо, Адеми одигра седум минути против Славен, 28 против Рудеш и 27 во средата против Пониво во Купот.
Бонусите се причина што Адеми досега не одигра премногу минути за Динамо, иако немаше преголема потреба за негово влегување во тие натпревари бидејќи тие беа веќе решени.
Имено, доколку Адеми до крајот на оваа година за Динамо одигра повеќе од 35 минути во просек на осум натпревари (не сметајќи го судиското надополнување), Динамо мора да им плати на на Кинезите 500.000 евра. Доколку до крајот на сезоната одигра повеќе од 35 минути на 15 натпревари, уште 700.000 евра ќе добијат Кинезите, што значи дека Адеми на крајот би можел да го чини Динамо 1.300.000 евра.
До крајот на сезоната Динамо го очекуваат уште девет дербија со Хајдук, Осиек и Риека, а за очекување е Адеми да одигра најмногу на тие натпревари.
До зимската пауза на распоредот има четири дербија (две со Хајдук и по едно со Риека и Осиек) во кои Адеми речиси сигурно ќе одигра повеќе од 35 минути. Доколку му ја ограничи минутажата, Динамо би избегнал да го плати споменатиот бонус од половина милион евра до крајот на годината, а останува само оној од 700.000, кој Адеми би можел да го исполни напролет.
Foto/ Index.hr
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Леброн и во иднина ќе го носи дресот на ЛА Лејкерс
Леброн Џејмс, еден од најдобрите кошаркари во историјата и во следните три сезони ќе го носи дресот на Лос Анџелес Лејкерс.
Лејкерси на 39-годишниот кошаркар му понудија огормен договор, се очекува Леброн да го прифати. .
Леброн за три години би требало да заработи дури 162 милиони долари. Во првата сезона неговата плата би била 50, во втората би се зголемила на 54, а во третата година од договорот на 58 милиони долари.
Џејмс дојде во Лејкерс во 2018 година од Кливленд. Покрај овие два тима, тој го носеше и дресот на Мајами Хит.
Леброн со Лејкерси ја освои титулата во 2020 година.
Спорт
Кек: Не очекував пласман во осминафиналето
Репрезентацијата на Словенија постигна историски успех на Европското првенство во Германија. Словенците прв пат се пласираа во нокаут фазата на едно големо натпреварување.
Избраниците на Матјаж Кек, во Ц групата, ремизираа со Данска 1:1, Србија 1:1 и Англија 0:0, што им беше доволно за пласман во нокаут фазата. .
„Не очекував дека ќе поминеме. Сепак, со играта заслуживме да одиме понатаму. Игравме против Англија, еден од фаворитите на турнирот. Покажавме ментална сила. Ги анализиравме, но кога станавме пасивни имавме проблеми“, изјави селекторот на Словенија Матијаж Кек и додаде:
„Горд сум на овој тим. Ја видовте енергијата што играчите ја добиваат од нашите навивачи од првиот натпревар. Се радуваме на тоа, но од утре се враќаме на тренинзите, ќе се подготвуваме за следниот натпревар. Имавме тешка група, но имаме врвен тим. Мислам дека ова е почеток на нова и убава ера за словенечкиот фудбал“, рече Кек.
Словенија, која беше трета во групата, заедно со првопласираната Англија, денеска ќе ги дознаат имињата на своите ривали во осминафиналето. Данска од втората позиција оди во Германија.
Спорт
(Видео) Лаутаро го реши Чиле, Канада го победи Перу
Аргентина е првата репрезентација која обезбеди четвртфинале на Копа Америка. Актуелните светски и јужноамерикански шампиони го совладаа Чиле со 1:0 на стадионот „Мет Лајф“ во Њу Џерси.
Решавачкиот момент се случи во 88.минута. По корнерот кој го изведе Меси и една флипер ситуација во шеснаесетникот на Чиле, најдобро се снајде Лаутаро Мартинез кој од неколку метри го совлада голманот Браво.
Аргентина доминираше во текот на целиот натпревар, Меси и колегите упатија 21 удар кон противничкиот гол.
Натпреварот го следеа повеќе од 80 илјади навивачи, а се подразбира дека повеќе од 90 отсто навиваа за Аргентина, од кои најголем број во дресови со број 10.
Еден гол го реши победникот и во вториот натпревар во оваа група. Канада беше подобра од Перу со 1:0. На Перуанците, кои од 59. минута играа со играч помалку, бидејќи беше исклучен Араухо, им пресуди Џонатан Дејвид, со гол во 74. минута.
Натпреварот се одигра на стадионот во Канзас Сити.