Против скопјанец поднесена е кривична пријава поради компјутерска измама.

Претставувајќи се како вработен во банка, исконтактирал друго лице и го довел во заблуда да му го даде кодот кој пристигнал на неговиот мобилен телефон заради наводно ажурирање на податоци, при што го оштетил за 683.000 денари, соопшти МВР во дневниот полициски билтен.

Вчера во 08.45 часот во ОВР Прилеп, Е.Б.(25) од с.Десово, општина Долнени, пријавил дека околу 03 часот во неговиот двор во селото била фрлена експлозивна направа.

Полициски службеници од ОВР Прилеп извршиле увид и било констатирано дека била фрлена рачна бомба, од чија експлозија биле оштетени неколку прозорци од куќата и две патнички возила „фолксваген голф“ и „опел корса“ со прилепски регистарски ознаки, сопственост на Е.Б..

За настанот бил известен јавен обвинител и се преземаат мерки за расчистување на случајот, соопшти полицијата.

На булеварот Крсте Мисирков во Скопје вчера се случи сообраќајна незгода помеѓу возило во сопственост на МВР, и автомобил управуван од А.А.(46) од Скопје.

„Во незгодата со телесни повреди се здобиле А.А. и малолетен сопатник, констатирани во Градската општа болница“, извести МВР.

Извршен бил увид.