Европа
Папата Франциско до светските лидери: Се приближуваме до точката од која нема враќање
Папата Франциско ги повика светските лидери да се посветат на мерки кои ќе ги забават климатските промени пред да биде предоцна, предупредувајќи дека божјото дело, кое се загрева сè побрзо и побрзо, се приближува до „точката од која нема враќање“.
„Сега веќе не можеме да ја запреме огромната штета што ја предизвикавме и тешко дека имаме време да спречиме уште потрагична штета“, предупреди папата.
Римокатоличкиот водач директно ги нападна САД, велејќи дека емисиите на стакленички гасови по глава на жител се двојно повисоки отколку во Кина и седум пати повисоки во просек отколку во сиромашните земји.
Иако, како што рече, индивидуалните напори на домаќинствата помагаат, „можеме да кажеме дека голема промена на неодговорниот начин на живот поврзан со западниот модел ќе има значително долгорочно влијание“, додаде тој.
Документот наречен „Да го славиме Бога“ е објавен на денот на празникот на Свети Франциско Асизи, имењакот на папата познат по неговата љубов кон природата, а неговата цел е да ги охрабри светските лидери кои не се согласуваат да се договорат за обврзувачките климатски цели во следниот круг на глобалните климатски преговори во Дубаи под покровителство на Обединетите нации.
Користејќи прецизни научни податоци, остра дипломатска аргументација и теолошко расудување, Франциско во документот „Да го славиме Бога“ го изразува ставот дека светот има морален императив да ги замени фосилните горива со чиста енергија што е можно поскоро, користејќи средства кои се „ефикасни, обврзувачки“ и можат да се следат.
Папата жестоко ги нападна луѓето, вклучително и некои од Римокатоличката црква, кои фрлаат сомнеж на научните тврдења дека стакленички гасови предизвикуваат климатски промени. Саркастично се справуваше со нивните аргументи, покажа дека нема трпение за нивниот профитерски менталитет, а тврдењата дека ќе се изгубат работни места со преминувањето на чиста енергија ги нарече глупости.
Тој исто така рече дека растот на емисиите на стакленички гасови и порастот на глобалните температури започнале со индустриската револуција и дека тие особено се забрзале во последните 50 години.
Според него, веќе не е можно да се сомневаме во „човечкото потекло на климатските промени“.
Изјави дека уништувањето е веќе започнато и дека некои последици, како оние за биолошката разновидност, веќе не можат да се отстранат и се ќе се претвори во лавина, доколку веднаш не се преземе акција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.
Европа
Едногодишно бебе паднало низ прозорец во Австрија: „Се обиде да се држи за саксија“
Едногодишно Ддтенце паднало од прозорец на станбена зграда во Отакринг, Австрија и се здобило со сериозни повреди на главата.
18-месечното бебе паднало од прозорец во четвртокот околу 20 часот додека родителите биле во другата соба, зафатени со другото бебе, јавуваат австриските медиуми.
„Се качи преку трпезариската маса на прозорецот од кујната и се лизна надолу“, раскажува сведок.
Како што објаснил, детето се обидело да се потпре на саксија што стоела на прозорецот.
Меѓутоа, бидејќи саксијата не била соодветно потпрена, се превртела и паднала, а момчето паднало по неа.
Малото момче се здобило со сериозни повреди на главата поради што е хоспитализирано и сместено на одделението за интензивна нега.
Според првичните информации, неговиот живот не е во животна опасност.
Австриската полиција ги приведе родителите поради сомнение дека од небрежност му нанеле телесни повреди на нивниот син.