Топ
Уапсен скопјанец, се заканувал на градоначалник на скопска општина
Вчера вечер во 20.30 часот во Скопје, полициски службеници од СВР Скопје го лишиле од слобода 60-годишниот М.М. од Скопје, затоа што упатувал закани на С.Ј., градоначалник на една скопска општина, извести МВР.
– Со него бил извршен службен разговор во полициска станица и по целосно документирање на случајот, Единицата за насилен криминал – Одделение за насилен криминал при СВР Скопје против него ќе поднесе соодветна кривична пријава, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Место две, ќе работи по една операциона сала, но во две смени за да се оперираат и итни и пациенти со закажани операции со еден сад за воздух
По хаваријата во системот за снабдување со кислород и компримиран воздух во хируршките сали во Клиничкиот центар „Мајка Тереза“, заменик – министерката за здравство, Маја Манолева извести дека привремено решение е најдено со нови надворешни компресори кои најдоцна до денес треба да бидат распоредени до сите клиники кои имаат потреба. Утрово се сретнала со директорите на клиниките и договориле освен работа во две смени, за што добиле наредба вчера, да се реорганизира работата во операционите сали кои имаат проблем со доставувањето воздух.
„Со наредбата што ја добија вчера хируршките клиники беа задолжени да организираат работа во две смени со цел да се продолжи периодот на интервенции во една сала, затоа што имаме ограничен број на надворешни компресори кои може да ги користат операционите сали. Беше договорено, операционите сали, на пример место да работат две, да работи само една, но во две смени со што практично би го добивале речиси доволниот капацитет на хируршките сали“, рече Манолева.
Бидејќи нема доволен број надворешни компресори, ги задолжила директорите на клиниките во итна постапка секој да набави по два- три кои би се користеле до целосно надминување на проблемот во централната компресорска станица. Манолева смета дека е потребна целосно нова компресорска станица, на нова локација оти сегашната е стара три децении и потребна е целосна замена на системот за што ја задолжила Службата за заеднички работи во чија надлежност е станицата.
Додека не почнат салите да работат со полн капацитет, Манолева вели дека персоналот им стои на располагање на Градската општа болница „8 Септември“ и на хируршката клиника „Св. Наум Охридски“ кои ги презедоа пациентите на кои им се потребни операции.
„Имаат отворена понуда за персонал подготвен да помогне“, вели Манолева.
Ги задолжила директорите на неделно ниво да доставуваат извештаи за побаран и обезбеден персонал за „8 Септември“ и „Св. Наум Охридски“, а побарала и извештаи на дневно ниво за сите сработени итни и елективни интервенции кои се направени на секоја од клиниките посебно оти од петокот навака веќе се прават операции и во хируршките клиники.
Резултати од анализите на примероци од гасот, кои се испратени во Германија, се уште нема. Манолева очекува првични резултати да стигнат порано, но за конечните ќе треба да се почека.
Целиот случај е пријавен во Обвинителството од кое Манолева очекува да утврди чија е вината и чија одговорност е хаваријата со системот за воздух во клиничкиот центар.
На средина на минатиот месец се појави миризба во дистрибутивната мрежа за кислород и компримиран воздух поради што беа затворени хируршките сали во Клиничкиот центар „Мајка Тереза“ за кои сега Манолева вели дека делумно функционираат со надворешни компресори.
Топ
Ограбена банка во „Скопјанка“
„Денеска, во 11.25 часот, во СВР Скопје било пријавено дека во филијала на една банка на булеварот Кузман Јосифовски-Питу во Скопје едно лице со закана со пиштол од вработените одзело пари“, соопшти МВР.
Се преземаат мерки за расчистување на случајот.
Македонија
Дарко Костадиновски нов претседател на Уставниот суд
Судот информира дека денеска судијата Дарко Костадиновски е избран за нов претседател на Уставниот суд на Република Северна Македонија.
Од таму додаваат дека повеќе информации ќе бидат соопштени во текот на денот.
Костадиновски ќе ја наследи својата колешка Добрила Кацарска, чиј мандат како претседателка на Уставниот истече на 2 јуни.