Скопје
Манчевски: Само годинава за барокни фасади ќе се потрошат 5,7 милиони евра
Само оваа година за нови барокни фасади ќе се потрошат 5,7 милиони евра. Тоа се пари од сите граѓани на Македонија, бидејќи ги обезбедува Владата, обвини во четврток Дамјан Манчевски, координатор на Советничката група на СДСМ во Советот на Град Скопје.
„На денешната седница Коце Трајановски уште еднаш ќе потврди дека не е градоначалник на Скопје. Коце е само слеп извршител на бандата на поранешниот премиер Никола Груевски, Мијалков и Ставрески“, рече Манчевски.Според него, Трајановски и ВМРО-ДПМНЕ сакаат да донесат одлука за менување на фасадите на зградите во барокни долж булеварите Св. Кирил и Методиј, Св. Климент Охридски, Гоце Делчев, Крсте Петков Мисирков и Кочо Рацин.„После оваа одлука за нови барокни фасади денес, Коце Трајановски треба веднаш да поднесе оставка и да се соочи со граѓаните на Скопје на избори“, рече Манчевски. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.