Македонија
(Видео) Мицкоски: Потреба ни е поддршка од граѓаните за спроведување на реформите во земјоделието
![](https://makfax.com.mk/wp-content/uploads/2023/10/mickoski-09102023.jpg)
Тргнавме во една теренска акција која што ја именувавме како Важно е! Од сите нас зависат промените. Цениме дека состојбата ваква каква што е во Македонија, не е добра Македонија гледаме како се движи во погрешна насока, рече претседателот на ВМРО-ДПМНЕ Христијан Мицкоски на средба со земјоделците од Велес во рамки на кампањата „Важно е! Од тебе зависат промените“.
На средбата претседателот Мицкоски ги слушна проблемите со кои се соочуваат земјоделците.
Ѓубрињата се скапи, препаратите се скапи. Треба да има стратегија некоја за жито, за пченица, за јачмен, да има загарантирана цена, посочи земјоделец од село Сујаклари.
Визбите кога ни прават договор, не уценуваат препаратите да ги земеме од нив. И можеби знаете, можеби не, тоа ни доаѓа многу скапо. Ние треба да купиме овој период нафта, ѓубре, да посееме за да имаме за другата година жетва. Нафтата од 60 на 110 денари, а житото е никаде. И тоа не вреди, рече една земјоделка.
На секоја картичка има име и презиме, чип од Макпетрол, плико, писмо, процедура, луѓето ги малтретираат да ги подигаат. Нека се покачи субвенцијата и завршена работа. Плус тоа кога стасуваат картичките не се за сите, имаме дупли проблеми, зошто за мене нема, а зошто за овој има, изјави еден земјоделец и додаде дека субвенциите се намалиле од 2800 денари на 1400 денари.
Имаме и друг проблем. Еве субвенциите ни ги намалија од 2800 денари на 1400 денари и да се види тој проблем и како полесно кога би имало земја да можеме да ја земеме.
Мицкоски нагласи дека земјоделството е уназадено, а земјоделците се манипулирани од актуелната власт, порачувајќи дека потребна е поддршка од страна на земјоделците за ВМРО-ДПМНЕ се со цел да имаат повеќе пратеници на следните избори за како што рече да можат да ги реализираат реформите и проектите.
Цениме дека предолго време тапкаме или уназадуваме. И предолго време се зборува невистина и предолго време луѓето се манипулирани, за да функционираат институциите потребни се реформи, имаме план. Но, за да ги спроведеме тие реформи ни требаат пратеници, колку повеќе пратеници, мнозинство јас би сакал, толку полесно ќе ги спроведеме тие реформи, додаде Мицкоски.
Претседателот Мицкоски вети и поголема поддршка од централната влада кон општините во износ од 250 милиони евра за инфраструктурни проекти кои што ќе го подобрат квалитетот на живот на граѓаните.
Со новата влада на ВМРО-ДПМНЕ ќе има голема поддршка во многу инфраструктурни проекти во Велес. Ние планираме да реалоцираме некаде околу 250 милиони евра од централниот буџет кон општините. Од тие средства за еден четиригодишен мандат овде во Велес ќе бидат реалоцирани помеѓу 24 – 26 милиони евра, односно по 6 -6,5 милиони евра годишно, што цениме дека е навистина важно. Проектите веќе ги детерминиравме, ги определивме. И како идна влада ВМРО-ДПМНЕ има намера да се посвети во работата и во испораката кон општините, од владата кон општините. Се разбира тука се политиките пред се за земјоделците, вели претседателот Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дамева: Граѓаните заслужуваат правда, не им е важно кои се членовите или претседателот на Судскиот совет, туку кој судија останува во судница
![](https://makfax.com.mk/wp-content/uploads/2023/04/vesna-dameva.jpg)
Претседателката на Судскиот совет, Весна Дамева не ја поддржува тезата за колективна одговорност и смета дека индивидуалната одговорност мора да биде санкционирана и точно детектирана. Според неа, секоја одговорност има и презиме.
„Судскиот совет веќе сериозно отпочна со реформскиот процес и решени сме цврсто да успееме во оние процеси кои што се во наша надлежност, да ги имплементираме час поскоро. Судскиот совет веќе и персонално отпочна да се реформира бидејќи веќе има двајца нови членови во Судскиот совет од минатиот месец што значи дека до крајот на годината речиси помалку од половина ќе биде променет составот на Судскиот совет. Во однос на распуштање на Судскиот совет како правник не ја подржувам тезата за колективна одговорност. Сепак мојот личен став е дека треба да има индивидуална одговорност и таа да биде точно детектирана и санкционирана. Секоја одговорност има име и презиме, нека се детектира и секој нека си сноси индивидуална санкција, доколку нешто сторил противзаконски“, потенцира Дамева.
Таа се надева дека пред се ќе се почитува Уставот доколку се оди на принципот на распуштање на Судскиот совет.
„Во период од распуштање до конституирање на нов Совет, ќе настане вакуум период, кој иако би бил краток, постои опасност да застарат одредени постапки кои што се иницирани од граѓаните за нестручно и несовесно постапување на одредени судии. На граѓаните не им е важно кои се членовите и претседателот и што се дискутира на Судскиот совет, туку им е важно да постапува во надлежностите и кој судија останува во судницата. Граѓаните заслужуваат ниту еден судија да не влезе во судница да дели правда, односно неправда, затоа што по сила на закон застарела одредена постапка. Секоја реформа треба да биде добро обмислена. Граѓаните заслужуваат правда“, нагласи Дамева по конференцијата на тема „Напредокот при спроведувањето на препораките од Оценската мисија на ЕУ од страна на Судскиот совет на Република Северна Македонија“, која денеска се одржа во Скопје.
Македонија
Средба Муцунски – Франгеш: истакната потребата од забрзување на евроинтегративните процеси, што е од интерес за поширокиот регион
![](https://makfax.com.mk/wp-content/uploads/2024/07/mucunski-franges-3.jpeg)
Министерот за надворешни работи и надворешна трговија, Тимчо Муцунски, денеска, оствари средба со специјалниот пратеник на Словенија за Западен Балкан, Анжеј Франгеш.
На средбата стана збор за регионалната динамика и состојбите во Западен Балкан, а притоа беше истакната потребата од забрзување на евроинтегративните процеси, што е од интерес за поширокиот регион. Воедно, беше реафирмирана силната поддршка од Словенија на патот кон ЕУ, како и континуираните заложби за регионална стабилност и просперитет, соопшти МНР.
Во разговорите беше истакнато дека Словенија останува важен партнер, како за развивањето на капацитетите за остварување на надворешно-политичките приоритети, така и за спроведувањето на реформите, преку споделување на нивните искуства за унапредување на административните и законодавните капацитети на земјата.
Двете страни заеднички ги потврдија одличните билатерални односи и успешната соработка меѓу двете пријателски земји, со посебен осврт на трговската размена и целокупните економски релации, се додава во соопштението на МНР.
Македонија
Јаневска: Волшебно стапче да имаме до септември нема да можеме да обезбедиме учебници за седмо одделение
![](https://makfax.com.mk/wp-content/uploads/2024/07/ministerka.jpg)
Ниеден учебник за седмо одделение не е даден на печатење, вели министерката за образование, Весна Јаневска. Иако јавно беше соопштено дека до 1 септември ќе има учебници и за седмо одделение, министерката Јаневска соопшти дека фактичката состојба во Министерството е сосема поинаква.
„Не само што ниеден учебник за седмо одделение не е даден за печатење, туку огромен број од нив не се одобрени. Некои не се ни напишани, не е креиран учебникот. Некои не поминале ни рецензија. Волшебно стапче да имаме ние до септември како Влада не можеме да стигнеме да обезбедиме учебници за седмо одделение. Оттука, веќе неколку дена траат преговорите и разговорите со Бирото за развој на образованието за да го надминеме овој проблем со идејата дека децата и оваа година треба да учат од старите учебници, односно од учебниците што се користеле оваа година“, рече министерката Јаневска, која денес беше дел од годишниот настан „Разговори за еднаквост“ во организација на Државната комисија за спречување и заштита од дискриминација.
Во следниот период најави дека ќе проверат дали тие учебници одговараат на наставните програми. Од Бирото за развој на образованието веќе добиле образложение дека учебниците се прилично компатибилни, освен за две-три теми за кои може да се направат наставни материјали.
„Разговорите сè уште траат и доколку законското решение не дозволува ништо поинаку, ние ќе ја одложиме концепцијата на извесен период учениците од седмо, осмо и деветто одделение да имаат учебници. Притоа наставниците тоа го знаат, тие мора да се спремни да предаваат и по наставна програма. Ако некоја тема не е соодветна во учебникот, тие треба да им ја предадат на децата така како што треба, да им обезбедат одредени наставни материјали од кои децата ќе учат, да им посочат друга литература, да им посочат интернет-литература“, вели министерката Јаневска.
Таа најави дека за ден-два ќе може да соопшти што е договорено за учениците да имаат учебници.