Забава
Херд тврди дека Момоа доаѓал пијан на снимање на „Аквамен 2“ и правел сè за таа да добие отказ
![](https://makfax.com.mk/wp-content/uploads/2023/10/Амбер-и-Момоа-горе.jpg)
Амбер Херд и Џејсон Момоа наводно имале прилично ладен однос на снимањето на „Аквамен 2“.
„Вараети“ објави детали од белешките на психотерапевтот на Амбер Херд, Дон Хјуз, кои беа користени во текот на судењето на актерката и нејзиниот поранешен сопруг Џони Деп.
Меѓу другото, Амбер му кажувала на својот терапевт и за снимањето на „Аквамен 2“ (Aquaman 2). Таа се осврнала на колегата Џејсон Момоа тврдејќи дека тој намерно се облекувал како Деп, дури и ги носел истите прстени, во обид да ѝ го одвлече вниманието, односно да ја деконцентрира. Таа тврдела дека Момоа сакал да ја отпуштат и дека на снимањето доаѓал пијан.
Претставникот за медиуми на актерот ги негира овие наводи.
„Џејсон Момоа беше професионален цело време на снимањето на ‘Аквамен и изгубеното кралство’, рече тој. Извор близок до актерскиот тим, кој бил присутен на снимањето на некои сцени, изјави дека Џејсон сака да пие пиво одвреме-навреме како и сите други, но не се појавувал пијан на сет, ниту се облекувал како Џони Деп.
Изворот додаде дека Херд за малку ќе била исфрлена од сетот поради недостиг на хемија со Момоа, но Илон Маск, сопственикот на „Тесла“ со кого таа беше во врска, ѝ го спасил ангажманот во филмот.
Според „Вараети“, милијардерот Маск – тогашниот партнер на Херд – напишал заканувачко писмо до „Ворнер брос“ дека ќе ги уништи доколку таа не ја задржи својата улога во серијалот.
Патем, белешките од психотерапевтот на Амбер користени за време на судскиот процес станаа вирални на социјалните мрежи откога фановите на Деп платија судска такса за нивно објавување, известува „Вараети“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Што значи новата тетоважа на Анџелина Џоли?
![](https://makfax.com.mk/wp-content/uploads/2024/06/andjelina-dzoli-vivien-1.jpg)
Холивудската актерка Анџелина Џоли позира со 15-годишната ќерка Вивиен на црвениот тепих на доделувањето на наградите „Тони 2024“, со кои се слават достигнувањата во американскиот театар.
Облечена во луксузна тиркизна тоалета од „Версаче“, Анџелина Џоли изгледаше како статуа на грчка божица. Тоалетот го стилизира со соодветни златни прстени, тиркизни алки и голема сребрена белезица од брендот „Алексис Битар“, пишува РТС.
Вивиен, една од близнаците што ги доби од бракот со Бред Пит, беше облечена во иста комбинација на бои – бела кошула и темнотиркизни панталони, елек и машна, а имаше и црни патики „конверс“ за да ја разбие монотонијата.
Големо внимание привлече новата тетоважа на ластовичка во лет во средината на градите на популарната актерка. Овој мотив е многу популарен во салоните за тетоважи и ја симболизира слободата. Птицата во лет метафорично претставува стремеж кон повисоки цели и слобода на духот, но, како и секоја тетоважа, може да има и индивидуално значење. Многумина шпекулираат дека станува збор за слободата што ја доби по разводот со холивудската ѕвезда Бред Пит.
Сите погледи беа вперени кон мајката и ќерката во координирани комбинации токму поради драмата со Бред Пит. Вивиен, која исто така беше асистент во продукцијата на мјузиклот The Outsiders, што го продуцира мајка ѝ, неодамна го отфрли презимето на својот татко Пит. Нивната прва биолошка ќерка Шајло го направила ова по 18-тиот роденден.
Нивната посвоена ќерка Захара исто така се откажа од презимето на Бред минатиот ноември кога беше примена во колеџот АКА. Тогаш оваа 19-годишна студентка се претставила како Захара Марли Џоли.
Забава
Хороскопски знаци што ќе се сретнат со љубовта на својот живот во јули
![](https://makfax.com.mk/wp-content/uploads/2024/06/Screenshot-2024-06-24-111553.jpg)
Од 1 до 6 јули на небото ќе се случи еден од најромантичните транзити во годината – меѓу Венера во Рак и Марс во Бик, кој традиционално носи усогласување на односите и флерт.
За многу луѓе, ова може да стане судбоносен период, бидејќи 5 јули ќе биде нежна млада месечина во Рак, симболизирајќи ја емоционалната удобност и желбата буквално да се потопите во врска.
Еве на кого најмногу ќе влијае:
Рак
Младата месечина е во вашиот знак, што значи дека можете да запознаете нова љубов и, најверојатно, личноста може да биде од странство или поврзана со тренинзи.
На пример, тој може да биде учител, адвокат или да дојде кај вас на стажирање или можеби ќе направите заеднички проект. Овој месец ваквите средби имаат можност да продолжат.
Јарец
Новата месечина на 5 јули и транзитот на Венера се случуваат во вашиот љубовен сектор, па многу добро би можеле да запознаете некој посебен. Интересно е што во вашиот случај иницијативата може да потекнува од таа личност, односно со писмо ќе ве повикаат на состанок или ќе се најдете во некои правни работи.
За оние Јарци кои се во сериозна врска, јули може да донесе повторно преговарање. Но, тоа е поврзано токму со вашата емоционална состојба, како да сакате длабочина во дијалозите и разговорите.
Бик
Вашиот владетел Венера ќе биде во секторот за состаноци, но Марс ќе биде во вашиот знак – најверојатно ќе имате огнен обожавател. Но, ако сте маж, тогаш кај вас може да се појави поголема потреба за акција и ќе сакате да покажете поголема иницијатива.
Ако сте подготвени да се удавите во нежност, тогаш јули е буквално создаден за тоа.
Најверојатно, ќе најдете личност која ќе ве интересира токму поради тоа што ќе имате незаборавни емоции со неа. Како да сте во кожурец кој ве штити од целиот свет.
Лав
Венера ќе се движи низ вашиот сектор на тајни, каде што е младата месечина на 5 јули – најверојатно ќе се појави нов обожавател во вашиот живот, но засега врската ќе биде тајна или нејзиниот развој ќе се одвива во онлајн кореспонденција.
Најверојатно нешто ќе се промени до 13 јули. – на овој ден Венера во Лав наспроти Плутон во Водолија може да донесе многу набиен состанок.
Овен
Венера го започнува својот транзит низ вашиот љубовен сектор на 13 јули. – подгответе се да запознаете личност која кај вас ќе ги разбуди сите можни чувства, пренесува магазинот „City“.
Интересно, на 14 јули месечината ќе го следи јазолот на минатото во Вага – може да сретнете личност која ве потсетува на некој од минатото или пак ќе се разгори страста кон некој од вашите бивши.
За Овните кои не планираат да размислуваат за минати партнери, поради спојувањето на Марс и Уран од 15 до 16 јули, постои шанса за состанок или датум што ќе ви го преврти светот. Можеби го сметате ова за случајно или пријателско познанство, но тоа може да доведе до необични последици.
Забава
Пекинезерот Веил Тенг победи на натпреварот за најгрдо куче на светот
![](https://makfax.com.mk/wp-content/uploads/2024/06/фгф.jpg)
Осумгодишниот пекинезер по име Веил Тенг победи на натпреварот за најгрдо куче во светот во 2024 година во Калифорнија.
Веил Тенг се натпреваруваше петпати, трипати завршувајќи втор, пред конечно да ја земе главната награда оваа година, објави „Скај њуз“.
Во неговата биографија пишува дека како кученце бил заразен со вирусна дистемпера.
Преживеал, но не без трајни оштетувања.
Забите не му пораснале како што треба поради што јазикот постојано му виси, а има проблеми и со десната предна шепа.
Освен неговите физички проблеми, тој е „здраво, среќно куче“, пишува во неговата биографија.
Тој и неговата сопственичка Ен Левис однеле дома чек од 5.000 долари.
Натпреварот за најгрдо куче во светот се одржува речиси 50 години и „ги слави несовршеностите што ги прават сите кучиња посебни и уникатни“, се наведува на веб-страницата на настанот.
Настанот „не е за исмејување на грдите кучиња“, се вели на веб-страницата, која додава дека станува збор за „забавување со прекрасни ликови и покажување на светот дека овие кучиња навистина се убави“.