Свет
Кирби: Америка нема да ѝ помага на Украина бесконечно

Америка нема да дава воена помош за Украина на неодредено време, изјави координаторот за стратешки комуникации на Белата куќа, Џон Кирби.
„Денеска објавивме пакет-помош од 200 милиони долари и ќе продолжиме да помагаме колку што можеме, но помошта нема да биде бесконечна“, рече Кирби.
Како што додаде тој, САД имаат можност да ги поддржат и Украина и Израел на краткорочна перспектива, но тој не прецизира за која временска рамка станува збор.
Кирби објасни дека многу зависи од интензитетот со кој израелските одбранбени сили ќе ја трошат муницијата и колку израелскиот воено-индустриски комплекс ќе може да ја снабдува својата армија со гранати.
За потсетување, во саботата военото крило на палестинското движење Хамас ја најави операцијата против Израел. Тогаш израелската армија го објави почнувањето на операцијата „Железни мечеви“ против Хамас во Појасот Газа. Израелскиот премиер Бенјамин Нетанјаху во обраќањето до нацијата рече дека земјата е во воена состојба и додаде дека наредил мобилизација на резервите. Израелската армија ги расчистува населените места.
Медиумите потсетуваат дека палестинско-израелскиот конфликт, заснован на територијалните интереси на страните, со децении е фокусна точка во регионот.
Со одлука на Обединетите нации, со активна улога на СССР, во 1947 година беше утврдено дека ќе се формираат две држави – Израел и Палестина, но беше основана само израелската држава, пренесува „Спутник“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Демократите до секретарот за одбрана на Трамп: „Каде да ги најдеме парите за испраќање војници во Лос Анџелес?“

За време на денешното сослушување во Одборот за доделување средства во Претставничкиот дом, американскиот министер за одбрана Пит Хегсет беше принуден да објасни како ќе се финансира распоредувањето на Националната гарда и маринците во Лос Анџелес, објави Си-ен-ен.
Хегсет рече дека Министерството за одбрана „ќе има можност да покрива итни случаи“ според барањето за буџет за фискалната 2026 година.
Претставничката од Минесота, Бети Меколум, највисоката демократска членка во поткомитетот, го притисна Хегсет за детали за тоа како најновиот потег на администрацијата ќе влијае на буџетот.
„Колкава е моменталната цена на она што се случува во Калифорнија и како тоа ќе влијае на овој буџет или на буџетот според кој моментално работиме?“, праша Меколум за време на денешното сослушување. „Каде, господине, ќе ги најдете средствата во вашиот ограничен буџет за покривање на овие распоредувања за остатокот од оваа фискална година и какви празнини остава тоа?“
I’m proud to say that Pete Hegseth is a Minnesotan.pic.twitter.com/LOIuV8UBuk
— Dustin Grage (@GrageDustin) June 10, 2025
Хегсет првично избегна директен одговор, повторувајќи дека верува оти Службата за имиграција и царина „има право безбедно да спроведува операции во секоја држава и јурисдикција во земјата“, осврнувајќи се на протестите во Минеаполис во 2020 година, кога, според него, Националната гарда била мобилизирана „премногу доцна“.
Мекколум и републиканскиот претставник Кевин Калверт од Калифорнија, претседател на поткомитетот, го натераа дополнително да даде одговор.
Хегсет на крајот одговори дека според новото барање за буџет, Министерството за одбрана „ќе има средства за покривање на вонредни состојби, особено оние важни како одржувањето на законот и редот во голем американски град“.
Свет
(Фото) Маринците пристигнаа во Лос Анџелес

Стотици американски маринци пристигнаа во Лос Анџелес, а подоцна денес се очекуваат уште, по наредба на претседателот Доналд Трамп, кој претходно распореди 4.000 војници на Националната гарда за да ги смират протестите и покрај противењето на локалните лидери.
Немирите беснеат во градот со денови откако администрацијата на Трамп започна серија имиграциски рации во петокот, иако локалните власти изјавија дека протестите вчера биле во голема мера мирни.
Marines with 2nd Battalion, 7th Marines, who were placed in an alert status over the weekend to support #USNORTHCOM mission, prepare to depart for the greater Los Angeles area June 9. pic.twitter.com/xUDw0byvqd
— U.S. Northern Command (@USNorthernCmd) June 9, 2025
Околу половина од околу 700 маринци на кои Трамп им нареди да влезат во Лос Анџелес пристигнаа доцна синоќа, а останатите ќе влезат во градот денес, изјави американски функционер за Ројтерс.
Карен Бас, градоначалничката на Лос Анџелес, изјави за телевизијата KABC дека повеќе од 100 лица биле уапсени во понеделник, но дека повеќето од демонстрантите биле ненасилни.
Во текот на викендот, демонстрантите фрлаа камења и други предмети кон полицајците и возилата и запалија неколку автомобили. Полицијата одговори со шок бомби и солзавец.
Европа
ЕУ подготвува нов удар врз Путин, објавени се деталите

Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор.
„Предлагаме 18-ти пакет строги санкции, насочени во суштина кон два сектора, рускиот енергетски сектор и банкарскиот сектор. Ги прошируваме забраните за извоз и ги зајакнуваме мерките против заобиколување на санкциите“, изјави претседателката на ЕК, Урсула фон дер Лајен.
Извршното тело на ЕУ за прв пат предлага забрана за трансакции со гасоводите „Северен тек 1“ и „Северен тек 2“, како и намалување на максималната цена по која може да се продава руска нафта од 60 на 45 долари за барел.
Намалувањето на максималната цена за продажба на руска нафта е мерка усвоена од групата Г7, која ќе разговара за тоа на самитот во Канада оваа недела.
Новиот пакет санкции вклучува дополнителни 77 бродови кои се дел од таканаречената руска флота во сенка, бродови кои пловат под знамиња на трети земји и кои ги користи Русија за заобиколување на санкциите. На листата веќе има 342 брода.
Фон дер Лајен изјави дека на почетокот на војната, руските приходи од извоз на енергија во Европа изнесувале 12 милијарди евра месечно, но благодарение на досегашните санкции, тие паднале на 1,8 милијарди евра. „Тоа е сè уште премногу“, рече таа, додавајќи дека една третина од приходите на Русија доаѓаат од продажба на нафта.
Во банкарскиот сектор, ЕК ја проширува забраната за пристап до SWIFT, систем за размена на комуникации меѓу банките, до целосна забрана за трансакции.
Се предлага и забрана за извос во Русија во вредност од над 2,5 милијарди евра, што би го оневозможило пристапот на руската економија до критични технологии и индустриски стоки, вклучувајќи машини, метали, пластика и хемикалии.
Со неа се ограничува и извозот на стоки и технологии со двојна употреба што се користат за производство на беспилотни летала, ракети и други системи за оружје. Санкциите се насочени и кон 22 руски и странски компании кои обезбедуваат директна или индиректна поддршка на рускиот воено-индустриски комплекс.
Земјите-членки, кои треба едногласно да го потврдат пакетот санкции, започнуваат дискусии за предлогот оваа недела.