Спорт
Станковиќ: Дербито на Милано е како театар, а Рим… Ако изгубиш, подобро да не излегуваш од дома

Тренерот на Ференцварош, Дејан Станковиќ, во опширно интервју за унгарските медиуми зборува за Црвена звезда, најуспешната сезона во историјата на Интер, Мурињо, Ибрахимовиќ, Балотели…
Дејан Станковиќ во кариерата играше за Црвена звезда, Лацио, Интер. Тренерската кариера ја започна во Звезда со која три пати беше шампион на Србија, потоа се пресели во Сампдорија, но не успеа да го спаси клубот од преселба во Серија Б. Од пред неколку месеци тој седна на клупата на Ференцварош.
Станковиќ во кариерата имал можност да игра во три градски пресметки, откри како тие се доживуваат во Белград, Рим и Милано.
„Дербито во Белград е лична работа за мене. Ако загубиш, мораш да го свариш поразот и како навивач и како играч. Или дури и како тренер и навивач, што ми се случи подоцна. Во такви ситуации, човек страда двојно. Дербито помеѓу Лацио и Рома претставува битка на дијаметрално спротивставени животни стилови и ставови. Во Белград луѓето се исти, само боите се различни. Во главниот град на Италија ситуацијата е поинаква. Атмосферата во Рим секогаш беше неверојатно жешка на сите натпревари. Можете да излезете две недели пред и две недели по дербито и навивачите да бараат да се сликаат, да слават со вас… Но, во случај на пораз, подобро е да не излезете од дома. А миланското дерби е како да си во миланската Скала, како да си во театар. Еден вид урбан спектакл со 82.000 фанови. Од нив, 70.000 навивачи навиваат за еден тим, 10.000 за друг. Тоа е дерби кое зборува за престиж, тоа е локална атракција во која сите уживаат. Победа или пораз, светот нема да се распадне. Поентата е дека едната страна утредента може да каже дека денеска е убав ден, бидејќи го победивме градскиот ривал“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Ѓоковиќ е Леброн на светскиот тенис, а Синнер и Алкараз се како Битлси и Ролинг Стоунс“

Легендарниот американски тенисер Џон Мекенро смета дека Новак Ѓоковиќ не треба да се пензионира. Оваа теза ја објасни со неодамнешниот настап на Ѓоковиќ на Ролан Гарос, каде Ѓоковиќ дојде до полуфиналето.
„Зошто да се пензионира кога е сè уште конкурентен?“, прашува Мекенро во интервју за „Кориере дел Сера“ и додава:
„Тој сè уште се натпреварува со Алкараз и Синер. Има два големи адути: искуство и способност да се справи со тешки моменти.“
Потоа Американецот во суперлативи говореше за српскиот тенисер.
„Невозможно е да не му се восхитувате. Тој е Леброн Џејмс на светскиот тенис. Поради неговите години, станува сè потешко да се справи со Јаник и Карлос, но сепак е вистинско чудо. Некој што треба да го проучува науката“, вели Мекенро.
Седумкратниот шампион на Гренд слем ги пофали и првиот и вториот тенисер на планетата.
„Алкараз зрачи со харизма и тоа ги прави неговите натпревари „тензични“. Морам да кажам дека Карлос е најталентираниот тенисер што сум го видел. Тој е едноставно брилијантен. Харизмата не може да се создаде, со неа се раѓаш“, рече Мекенро и додаде:
„Јаник е поконзистентен, а она што импресионира е чистотата на неговите удари и звукот што го слушате кога ја удира топката. Никогаш не сум слушнал нешто слично. Исто така, сум импресиониран од леснотијата со која Алкараз се извлекува од тешкотиите во кои запаѓа, исто така со неверојатна леснотија. Тој е единствениот тенисер за кого би платил билет за да го гледам. Тој е најдобриот подарок што го добил тенисот по големата тројка. Би рекол дека тие двајца се како Битлси и Ролинг Стоунс.“
Конечно, споредба со „големата тројка“.
„Ни во моите најлуди соништа не можев да сонувам дека Роџер, Рафа и Новак ќе стигнат до 20 или повеќе Гренд слем титули. Сега, ако ме прашате дали Алкараз и Синнер ќе освојат 25… не знам, ми се чини лудо, но никогаш не вели никогаш. Ако има некој што може да го направи тоа, тоа се тие двајца“, подвлече Мекенро.
Спорт
(Видео) Матурин херој од сенка – Индијана ја победи Оклахома

Кошаркарските Индијана Пејсерс го добија третиот натпревар од финалната серија на НБА против Индијана на домашен терен со 116:107 и сега водат со вкупен резултат 2:1.
Во „Филдхаус“, во Индијанаполис, се водеше изедначена борба во текот на целиот натпревар, кој беше решен во последните три минути .
При резултат 98:98 Шејсерс направија серија 12:4, отидоа на 110:102 и практично го решија прашањето за победникот. Халибартон започна со тројка, а Нејсмит го зададе завршниот удар.
Одличната тимска игра, која ја краси Индијана во текот на целиот плејоф, повторно дојде до израз. Овој пат се херој од сенка беше Бенедикт Матурин, кој постигна 27 поени со четири скока и една асистенција за само 22 минути на теренот.
Халибартон беше на работ на трипл-дабл со 22 поени, девет скока и 11 асистенции, додека Паскал Сиакам имаше 21 поен.
Џејлен Вилијамс со 26 поени беше најдобар во редовите на Оклахома. МВП-то на регуларната сезона Шеј Гилџис Александар постигна 24 поени со осум скока и четири асистенции.
Титулата ќе ја освои првиот тим што ќе стигне до четири победи. Четвртиот натпревар од серијата се игра ноќта меѓу петок и сабота исто така во Индијанаполис.
Спорт
Свилар останува во Рим

Миле Свилар би можел да ја продолжи кариерата во Рим.
Голманот со српско потекло имаше одлична сезона со тимот од Рим и беше прогласен за најдобар голман на мрежата на Серија А.
Поради тоа, Рома нема нема намера да го пушти Свилар, па преговорите околу неговото останување во Рим се веќе во завршна фаза.
Олеснителна околност е тоа што Свилар сака да остане во тимот.
🚨🔴🟡 AS Roma are advancing in talks to extend Mile Svilar’s contract, deal now getting closer.
Roma have always been confident and discussions will continue on more details.
🎥🇮🇹 Gli aggiornamenti: https://t.co/m2h8dpGpH0 pic.twitter.com/NSTJMN1JLc
— Fabrizio Romano (@FabrizioRomano) June 11, 2025
Свилар ќе добива 3.000.000 евра по сезона.