Спорт
(Видео) Сити го победи Брајтон, Вулвс со пресврт славеа кај Борнмут
![](https://makfax.com.mk/wp-content/uploads/2023/10/Untitled-2.jpg)
Во саботата од 16 часот во рамките на 12. коло се одиграа пет натпревари во Премиер лигата. Победи славеа Манчестер сити, Њукасл, Вулверхемптон и Брентфорд. Без победник заврши дуелот меѓу Нотингем Форест и Лутон.
По двата последователни порази, шампионот на Англија беше подобар од Брајтон со 2:1 (2:0).
Сити славеше потешко од очекувањата и покрај тоа што доминираше во првиот дел. Алварез во седмата и Халанд во 19.минута беа стрелци.
Вториот дел му припадна на Брајтон. Екипата на Де Зерби напаѓаше, но од неколкуте шанси реализираше само една, во 72.минута кога Ансу Фати го постави конечниот резултат.
Њукасл забележа уште една убедлива победа. На „Сент Џејмс Парк“, тимот на менаџерот Еди Хау го совлада Кристал Палас со 4:0 (3:0).
„Страчките“ работата ја завршија во првите 45 минути кога Џејкоб Марфи во четвртата, Ентони Гордон во 44. и Шон Лонгстаф во втората минута од судиското надополнување постигнаа три гола.
Калум Вилсон го постигна четвртиот гол во 66. минути и ја заокружи одличната партија за тимот од северна Англија.
На Островот не недостигаше драма, Вулверхемптон со пресврт славеа кај Борнмут. Во 87.минута, Австријецот Саша Калајџиќ постигна гол за 1:2.
Борнмут од 54. минута играше со десетмина бидејќи Луис Кук беше исклучен поради удирање на противникот.
Исто така, во втората минута од судиското надополнување на вториот дел, Лутон стигна до 2:2 и бод против Нотингем Форест, а стрелец беше Илајџа Адебајо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Кек: Не очекував пласман во осминафиналето
![](https://makfax.com.mk/wp-content/uploads/2024/06/AFP0238537622979790740028738371097241441819-1.jpg)
Репрезентацијата на Словенија постигна историски успех на Европското првенство во Германија. Словенците прв пат се пласираа во нокаут фазата на едно големо натпреварување.
Избраниците на Матјаж Кек, во Ц групата, ремизираа со Данска 1:1, Србија 1:1 и Англија 0:0, што им беше доволно за пласман во нокаут фазата. .
„Не очекував дека ќе поминеме. Сепак, со играта заслуживме да одиме понатаму. Игравме против Англија, еден од фаворитите на турнирот. Покажавме ментална сила. Ги анализиравме, но кога станавме пасивни имавме проблеми“, изјави селекторот на Словенија Матијаж Кек и додаде:
„Горд сум на овој тим. Ја видовте енергијата што играчите ја добиваат од нашите навивачи од првиот натпревар. Се радуваме на тоа, но од утре се враќаме на тренинзите, ќе се подготвуваме за следниот натпревар. Имавме тешка група, но имаме врвен тим. Мислам дека ова е почеток на нова и убава ера за словенечкиот фудбал“, рече Кек.
Словенија, која беше трета во групата, заедно со првопласираната Англија, денеска ќе ги дознаат имињата на своите ривали во осминафиналето. Данска од втората позиција оди во Германија.
Спорт
(Видео) Лаутаро го реши Чиле, Канада го победи Перу
![](https://makfax.com.mk/wp-content/uploads/2024/06/12327435.jpg)
Аргентина е првата репрезентација која обезбеди четвртфинале на Копа Америка. Актуелните светски и јужноамерикански шампиони го совладаа Чиле со 1:0 на стадионот „Мет Лајф“ во Њу Џерси.
Решавачкиот момент се случи во 88.минута. По корнерот кој го изведе Меси и една флипер ситуација во шеснаесетникот на Чиле, најдобро се снајде Лаутаро Мартинез кој од неколку метри го совлада голманот Браво.
Аргентина доминираше во текот на целиот натпревар, Меси и колегите упатија 21 удар кон противничкиот гол.
Натпреварот го следеа повеќе од 80 илјади навивачи, а се подразбира дека повеќе од 90 отсто навиваа за Аргентина, од кои најголем број во дресови со број 10.
Еден гол го реши победникот и во вториот натпревар во оваа група. Канада беше подобра од Перу со 1:0. На Перуанците, кои од 59. минута играа со играч помалку, бидејќи беше исклучен Араухо, им пресуди Џонатан Дејвид, со гол во 74. минута.
Натпреварот се одигра на стадионот во Канзас Сити.
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.