Македонија
Богоев: Создаваме услови за поголеми инвестиции – американската „Амфенол“ со континуиран раст на извозот
„Подобрувањето на условите за водење бизнис преку олеснување и забрзување на трговијата е еден од најголемите приоритети на Царинската управа. Целта е зголемување на конкурентноста на македонската економија и извоз со поголема додадена вредност, што крајно ќе овозможи подобрување на стандардот на граѓаните. Извозот на американската компанија ‘Амфенол’ е во континуиран пораст. Во 2021 година извозот е 7 милијарди денари, во 2022 година 8,8 милијарди денари, а годинава за неполни 10 месеци компанијата остварила извоз од 7,8 милијарди денари. Нашите заложби се создавање услови за поголеми инвестиции преку зголемување на ефикасноста на Царината“, истакна директорот на Царинска управа, Стефан Богоев, во разговор со генералниот директор на „Амфенол технолоџи Македонија“ на прославата на 10 години од нивното постоење во Република Северна Македонија.
Во рамките на денешниот настан на директорот Богоев му беше врачена и плакета за успешна соработка со Царинската управа.
Директорот Богоев истакна дека компаниите веќе ги чувствуваат бенефитите од ефикасноста на Царинската управа преку континуираното спроведување мерки и активности за ефикасна трговска политика.
„Свесни за улогата што ја имаме, Царинската управа и понатаму како сервис за стопанството ќе води ефикасна трговска политика, која ќе им овозможи на компаниите да ја подобрат својата конкурентност на меѓународниот пазар. Ефектите од ваквите политики ќе ги почувствуваат и компаниите и граѓаните“, рече Богоев.
Во 2022 година состојбата на странските директни инвестиции од САД изнесува 153,1 милион долари, што е околу 24 проценти повеќе од 2021 година и 48 проценти повеќе од 2020 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес ќе се трча маратон во Скопје, затворени се улици и нема да возат дел од автобусите на ЈСП
Поради одржување на „Виз Ер Скопски маратон 2024“ денеска од 7 до 14 часот дел од автобусите од јавниот превоз ќе сообраќаат по изменет режим од вообичаениот, а дел воопшто нема да се вклучат во сообраќај. Нема да сообраќаат линиите: 3, 3Б, 4, 4А, 9, 16, 22А, 24, 25, 59Б.
Како што соопшти ЈСП „Скопје“, со непроменета траса се градските линии: 2, 2А, 8, 12, 19, 20, 45, 59 и 65В и приградски линии: 11, 11а, 18, 32, 47, 47а, 52, 53, 55, 56, 56а, 60, 61, 63, 63а, 63б, 65, 65а, 65б, 66, 66а, 68, 71, 74, 81 и 162.
Изменет режим на сообраќање ќе имаат автобусите со број 5, 7, 15, 15 А, 21, 22, 23, 27, 28, 31, 41, 51, 67, 70, 50, 50А, 57, 59, 59 А, 58, 58а и 58б. Изменетиот режим на сообраќање на автобусите е објавен на веб-страната на ЈСП „Скопје“.
– Ги потсетуваме сите учесници дека на денот на маратонот ќе можат бесплатно да го користат јавниот превоз со приложување на стартниот број (маица), се вели во соопштението од ЈСП „Скопје“.
МВР информира дека денеска од 8 часот поради одржување на „Виз ер – Скопски маратон 2024“, Единицата за безбедност на патниот сообраќај при СВР Скопје ќе преземе мерки за посебен режим на сообраќај, по и во близина на сообраќајниците каде ќе се движат натпреварувачите.
Траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат два пати) – Старт кај Собрание на РСМ на ул.„11 Октомври“, право кон „Рекорд“, односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“, каде се врти полукружно назад по истата траса се до Собрание на РСМ на ул.„11 Октомври“ и се продолжува право по ул.„11-ти Октомври“, лево по бул.„Крушевска република“, десно по бул.„Трета македонска бригада“, лево по ул.„Васко Карангелевски“, десно по бул. „Јане Сандански“, се до крстосница со бул.„Србија“, каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“, каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„Трета македонска Бригада“, лево по бул.„Крушевска република“, десно по ул.„11 Октомври“ до целта – плоштад „Македонија“, се вели во соопштението.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде ќе се одвива настанот.
Македонија
Променливо облачно со повремени врнежи од дожд
Времето во земјава ќе се задржи променливо облачно со повремени врнежи од дожд, наместа пообилни, локално во форма на невреме, проследени со грмежи и засилен ветер.
Како што информираат денеска од УХМР, потоа, во следните денови времето ќе биде стабилно со пораст на дневната температура, освен во среда кога се очекува слаб локален дожд.
Македонија
На покана на ЕИБ, Анѓушев говореше за поставување батерии на фотоволтаични електрани во Штип
Кредити од Европската инвестициска банка (ЕИБ) за македонските фирми да постават батерии на фотонапонските електрани, инсталирани на покривите на индустриските објекти, е поволноста со која европската финансиска институција ќе го поттикнува македонското стопанство да биде енергетски ефикасно.
Пред штипските фирми, во салата на општина Штип, консултантите на Европската Банка, Ловре Ристевски и проф. Даме Димитровски, порачаа дека има потреба ефикасно да се искористува електричната енергија од обновливи извори, наместо во значаен дел таа да се губи.
На претставувањето во Штип, бизнисменот Кочо Анѓушев, сопственик на енергетската компанија ФРОИНВЕСТ, говореше за батериските системи како единствено решение во моментот за справување со вишокот електрична енергија произведена од фотоволтаици, кој вишок производителот не може да го потроши, а електричната мрежа не може да го прими.
Анѓушев ги запозна штипските фирми за важноста на тоа дека секој кој инвестира во обновливи извори, без оглед на големината, потребно е да оди на интегрирано и комплетно решение за да има најбрз поврат на инвестицијата, и оптимало работење на електраната и на батеријата.
Поволните кредити на Европската инвестициска банка (ЕИБ) ќе бидат достапни преку македонските банки, по услови пропишани од ЕИБ.