Спорт
Шпанските и турските клубови се против понатамошното учество на Макаби во Евролигата
Шпанските и турските клубови во Евролигата на неодамнешниот состанок во Истанбул биле против Макаби да ја продолжи сезоната во Евролигата, тврдат израелските медуми.
Макаби поради војната во Израел и појасот Газа, како и останатите клубови од оваа земја, мораа да ја напуштат државата. Вчера Евролигата објави дека Макаби натпреварите на кои ќе биде домаќин ќе ги игра во Белград во салата „Александар Николиќ“.
Сепак, ваквиот развој на ситуацијата не им се допаѓа на некои важни членови на караванот во Евролигата.
Израелскиот портал „Вала“ дозна дека претставниците на шпанските (Реал, Барселона, Басконија, Валенсија) и турските клубови (Анадолу Ефес, Фенербахче) на последниот состанок од Евролигата, – на кој се решаваше понатамошната судбина на Макаби, биле против Израелците да го продолжат натпреварувањето.
Тие сметале дека секој натпревар на Макаби повлекува вонредни безбедносни мерки кои сега ќе мора да ги преземе секој клуб, поради зголеменото непријателство кон Израелците. Ова ги зголемува трошоците за организирање на тие натпревари.
На состанокот Макаби добил поддршка од Панатинаикос, Олимпијакос, Милано, како и московската ЦСКА, која, како што е познато, не се натпреварува поради руската инвазија на Украина.
Евролигата не го ставила на гласање предлогот Макаби да биде домаќин во Белград, пренесува споменатиот израелски портал.
Се наведува и дека сопствениците на Макаби, Дејвид и Дени Федерман дури се заканиле дека ќе ја напуштат Евролигата доколку не им биде дозволено да го продолжат натпреварувањето. Потоа се водела дискусија, по што било одлучено тимот до понатамошно известување своите натпревари како домаќин да ги игра во Белград.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Историска победа на Турција
Турција со одличен резултат се пласира во четвртфиналето на европското првенство, откако ја совлада Австрија која доживеа вистински пораз.
Годинава на Европското беа на првото место во една од најтешките групи, и изгледаа дека имаат одличен компактен тим за кој многу експерти предвидуваа дека ќе го оди до крај.
Сепак, Турција беше подобра и поради дисциплинираната одбрана.
Турција од вечерва ќе стане побогата за две фудбалски имиња – Мерих Демирел и Мерт Гунок.
Дефанзивецот Демирел постигна два гола од корнер, а Гунок со одлична одбрана во последните минути од натпреварот ја спаси победата на тимот.
Голманот на турската репрезентација херој на мечот.
Тој во последните моменти од мечот против Австрија го сопре обидот на Кристоф Баумгартнер и на тој начин спречи израмнување (2:1).
Голманот на Бешикташ ја направи можеби најдобрата одбрана на турнирот, ако се земе предвид моментот на игра.
Извесно е дека Турците имаат играчки и тактички квалитет за понатамошниот тек на натпреварувањето, а резултатот од 2008 година, односно полуфиналето, сигурно ќе биде мотив за следната рунда.
Спорт
Нема ден без селекторот
Пикси смета дека дал максимум за својата репрезентација.
Во наредниот период се очекува Стојковиќ да има разговори со првиот човек на ФСС Драган Џајиќ, а потоа и со претседателот на државата.
Во договорот потпишан од ФСС со Стојковиќ стои дека во случај на отказ, ќе му се должи сума од еден милион евра, а тоа е еден од главните проблеми околу оставката на актуелниот тренер, што можеби нема ни да се случи!
Доколку во секој случај ФСС решат да ја прекинат соработката со Стојковиќ, ќе имаат тешка работа во поглед на наоѓање нов тренер.
Од тамошните тренери на таа функција претендираат Славиша Јокановиќ и Александар Јанковиќ, додека веќе на големо се зборува дека во случај на отказ на Стојковиќ на негово место би можел да дојде тренер од странство.
Србија во септември ќе има обврски во Лигата на нации каде ќе се натпреварува во најсилната А дивизија, а ривали во групата ќе бидат Шпанија, Данска и Швајцарија, сите учесници во нокаут фазата на ЕП.
Србија во декември ќе ги добие ривалите во квалификациите за СП 2026 година, а борбата за пласман на Мундијалот во САД, Мексико и Канада ќе започне во март 2025 година.
Спорт
Модерниот дом на фудбалот
Модерниот дом на фудбалерите на Лајпциг се наоѓа на местото на некогаш најголемиот стадион во Германија и еден од најголемите во Европа.
Во него се вградени најнапредните аудио-визуелни системи.
Oсветлувањето е интегрирано во покривот, а акустиката на стадионот е најдобра во земјата.
„Стадионот Лајпциг“, како што официјално се нарекува за време на Европското првенство, прима 40.000 навивачи – помалку од сите останати.
Поради добрата акустика, стадионот во Лајпциг беше домаќин на концертите на Тина Тарнер, Пол Макартни и многу други музички великани.
Градот Лајпциг е познат во светот по својата богата музичка традиција и импресивна архитектура.
Кулата висока 142,5 метри е најпрепознатливото архитектонско обележје на Лајпциг, а палубата за набљудување на 31-ви кат нуди панорамски поглед на целиот град и поширокиот регион.
Ова е последен дуел на Европското првенство што ќе се одигра во Лајпциг.